¹ Ehusu makalaga jalya mwandekire: Hale gero olya ni njaregu wabalome ahabelala mkehee. ² Alee kwekola majaribu janeni jaa zinaa kila wabalome nakolwe na mkehe na kilawabaka nakolwe na mlome wehe . ³ Wabalome atakiyatwe haba mkehee haki yehee ya bukwa na kwabyo wabaka kwa mlome. ⁴ Tii wabaka ale bwegeri kwa mubele juehee, ni wabalome. Na ilya ilya, wabalome nene atii bwegeri kwa mubele juhee, ale nabo mkehe. ⁵ Mhjabeegiraniya mlalate hamwe , aleedekeraniya kwa ngero eyo. Ghayani obyo ebuga mbane ngero ehela. Ahika mkeehikya ejekelana lenge hamwe , ili ebuga Kiryoka ahabeje bajariba kwebola kiasi. ⁶ Alee bugate makalaga jaja kwa hiyari tii kwa ndazima. ⁷ Batamaniya kila omwe obee bulya elee niee. Alee kila omwe alekarama yehee eboka kwa Mugwe . Oyo ale karama enoo na oyoo ale karama eyoo. ⁸ Kwa bala batikwerwe na masimiani bugate ebuga ,bujaregu kwobo akala bakenitya ekwerwa, bulya jiga. ⁹ Alee akala batimunehikya ebibieriya, bakuebwe .kwekola nafuu kwobo ekwebwa kuliko ebasha ekoda. ¹⁰ Riolo kwa balya bakuerwe nabaha Amri tinieni Mwegeri. "Wabaka nahabe ehana na mlome wehe". ¹¹ Alee akala nabekarana na mlome eboka mwehee natigwa obyoo bila ekuebwa naga edekelane na mlome. Na "Mlome alege koda mkehee." ¹² Alee kwa balya batigirwa, bugate niee, ti Mwegeri-ebuga akala mondogo wowonse nale wabaka atiyokokire na nakoda atola nene , namhabe. ¹³ akala wabaka nale wabalome atiedekire na nakode tola nene na mhabe. ¹⁴ Akala kwa mlome atiedekere na takasatwe kwa bulya lyedekelya lya mkehe. Na wabaka atiedekere atakasatwe kwa bulya mlome edekire akala tibyo bana benyu batyale bakolwa baseri, alee kwa saba babasabigwa. ¹⁵ ale mulugu atiedekire agenda na gende kwa maana eyoo, Mtaana na mwanabaka atibohirwa neshima lelyo. Mugwe atubugerere tutole kwa sayo. ¹⁶ Ukemanya boo akala wabaka , nakehonoki mlome? anga ukemanya boo akala wabalome , nake honokiya mkehee? ¹⁷ Kila omwe natole madiko jalya Mwegeri amgabere, kiloa omwe bulya Mugwe ababugere boo . Boobo bumaneriya bwawa bwa Makanisa jonsee. ¹⁸ Hale alee amradirwe bulya abugerwe edekela? atiandi ebariba ekeriya ghooro ya honoka lihee. Ngale woonse abugerwe katika edekerya atimradirwe? atikonde emradwa. ¹⁹ Kwa lele nekola na mradirwe naga atimradirwe Hati matatizo. kilya kile matatizo na soka amri jya Mugwe . ²⁰ Kila omwe natigwe katika ebugelwa bulya ale abugerwe Mugwe kwedekela. ²¹ Wale mtomwa ngero elya Mugwe akubugere bulya bakubugere? Haberiyala kuhusu bibyo. Alee akala nukehikya oba huru, ghaya byoo. ²² Kwa omwe abugerwe Mwegeri aga Mtomwa ni monto huru katika Mwegeri. Kwekola bulya, omwe ale huru bulya abugerwe kwedekela mtomwa wa Kristo. ²³ Mwasuba egolwa kwa thamani , eyo muhabe kolwa batomwa babantu. ²⁴ Badata na karibiari bawa, katika nmadiko jonse kila omwe weto bulya twabugerwe kwedekela, twatigirwe byoo. ²⁵ Riolo, balya bonse abatikweree tii amri eboka klwa Mwegeri, Alee bahejate maoni jyawa bulya bule . Kwa marero jya Mwegeri, jilya jendekerwe. ²⁶ Kwa byoo , teratye byo kwa bulya usumbufu, ni bujaregu wabalome atigwe bulya alee. ²⁷ Nubohirwa kwa wabaka na eshema lya kighoba ? habekoda uhuru ebokwa kwa lelyo. Ule uhuru eboka kwa wabaka utikwerwe? Habesora wabaka. ²⁸ Alee akala mubakwa, utighiyire ng'adaba. na wakolo wabaka atikurwe akuebwa ,atighire ng'adaba. Bado babyo babanate babana esubuka mnoi lya aina dehuyu nanie kodete bekeranie na jajyo. ²⁹ Alee bugate byoo, badata na karibiari bawa ngero ni diko. Eboka riolo na enda bushone balya bale na baka batole kama bati. ³⁰ Boonse bale na huzuni beghaye kama batile husuni, na bonse balya baghamelate , kama batiya ghamelaga, nba bonse bagolaga kindo kionsee kama batiyamiliki kioonse. ³¹ Na boonse balya bahagaigate na nseeno, babe kama batihagaigate neyo. kwekola mitindo ya nseeno ni hikelate mwisho juhe. ³² Nakondate kolwa huru kwa masumbufu joonsewabalome atikwere ejihusishatie na binto bihikerere Mwegeri, namna ye maghameri woo. ³³ Alee wabalome akwere nehusishagya na makalaga ja nseeno, namna ye ghameriya mkehee, ³⁴ Nagabanikiree. Mwana wehe atikwerwe anga atiadilalaga na wabalome ejihusishagia na binto bya Mwegeri, namna yahee yeghererya mubele na nkolo. Alee wabaka akwerwe ejihusishagya na bintoi bya nseeno, namana yeghamerya mlome wehe. ³⁵ Bugate ebyo kwa faida yenyu bene, na tigitelate mtegu kwenyu. Bugate obyo kwa bulya ni nsaba, ebuga kwamba mkehikya egitela wakfu kwa Mwegeri bila kikwa kionsee. ³⁶ Alele kama monto no demeratye atimunehya eghariya kwa nsoni mwanabaka wehe kwekola ejojya lihee jile nguru mno habahaba akuejane bulya akondate tii ng'adaba. ³⁷ Alee akala naghaire maamuzi elege kwa nahatihasa elazimisha na akala akuhikya ebiberya ghaba yehee na keghaya bujaregu. akala atimune mkwa. ³⁸ Oyoo ,akwejate mwanabaka wehe naghaya bujaregu na woonse aholate egaekwa nakeghaya bujaregu mno. ³⁹ Wabaka nabohirwe mlome ngero aleseriee alee akala mlome nakire nale huru ekwebwa noliya amkondeale nkatika Mwegeri weka. ⁴⁰ Bado katika emwaliwa nan kekolwa , na eghamela mno akala naketola bulya ale na terate ebuga na niyee nide Nkolo ya Mugwe.