¹ Uwu ni ugubutulo wa Yesu Kristo wini Unguluvi wamupelaga ili kivagolosa avatumishi vakwe amajowo gini lasima gapolele baha nkolela. Wafagahaga gamanyishe kwa kumufilikhaumalaikha wakwe kwa mtumishi wakwe Uyohana. ² Uyohana wahumyaga uushuhuda wa shila shinu shini washagaga kihusiana ni liswi lya Nguluvi na kwa ushuhuda wini wahumyagwa kihusu Uyesu Kristo. ³ Abarikhiwe umwene mwini iyimba kwa shauti na vala wona vini vipulikha amajowo ga ukuvamalago uwu na kipulisa shini shayandikhwa umo, kwa kiva umuda gwahejela. ⁴ Uyohana, kwa matembe saba gini gakwali ku Asia: ineema yive kunyenyu ni amani kihuma kunyakwe mwini akwali, mwini akhandi akwali, na mwini akhayinsa, na kihuma kwa roho saba vini vakwali pamwandi ya shitengo sha ensi, ⁵ na kihuma kwa Yesu Kristo mwini yu shahidi mwaminifu, umusawa wa kwansa wa vini vafwile, na mtavala wa vafalme va dunia iyi. Kunyakwe umwene mwini atugene na wativikha huru kihuma mu sambisesu kwa danda yakwe, ⁶ watisenga kiva ufalme, makuhani va Nguluvi nu Wihe wakwe - kunyakwe kiva utukufu ni ngufu shiluta daima. Amina. ⁷ Lelela, iyinsa na mafunde; shila liho likhamwaga, bahamo na wona vini vamuhomaga. Ni khabila sona sa dunia vakhaombolesa kunyakwe. Ndiyo, Amina. ⁸ ''One nili alfa na Omega,'' ijova Umtwa Unguluvi, ''Umwene mwini akwali, na mwini akhandi akwali, namwini iyinsa, Umunya ngufu.'' ⁹ One Yohana - ukholo lwenyu na yumo mwini ishirikhi bahamo nomwe ku malawo nuufalme nuufumilifu thabiti wini ukwali kwa Yesu; nikhandi kushisiwa shini shishemelwa Patimo kwa sababu ya liswi lya Nguluvi nuushuhuda kihusu Uyesu. ¹⁰ Nikhandi kwa Roho ulusiku lwa Mtwa. Napulikhaga kunyuma yangu ishauti ya kushanya ngaja ya tarumbeta, ¹¹ yija, ''yandikha mushitabu gini ukigaga, na ugafilishe kwa matembe saba, kiluta Kuefeso, kiluta Kusmirna, kiluta Kupergamo, kiluta Kuthiatira, kiluta Kusardi, kiluta Kuphiladelphia, na kiluta Kulaodikia.'' ¹² Nasetukha kilelela yi shauti ya nani mwini wa ilogola none, na pini nasetukhaga nashagaga ishinara sha sahabu sha tala saba. ¹³ Pakhati ya shinara sha tala akhandi akwali yumo ngaja Mwana wa Adamu, afwalile ikhansu nali yiniyifishile pansi ya magulu gakwe, numukhanda gwa sahabu kipilima ishifuva shakwe. ¹⁴ Umtwe gwakwe ni nyele sakwe sikhandi mbalafu ngaja sufu mbalafu ngaja theluji, nameho gakwe gakhandi ngaja mwali gwa moto. ¹⁵ Insayo sakwe sikhandi ngaja shaba yini yikuvilwe mandu, ngaja shaba yini sha tayari yashisiwa mumoto, ni shauti yakwe yikhandi ngaja shauti ya malenga ginigishilima kwa ngufu. ¹⁶ Akhandi akhatilile inondwe saba kuliwokho lyakwe lya shigosi, na kihuma mumulomo gwakwe kukhandi nuupanga mukhali uwunya makhali kuvili. Uweni wakwe wukhandi wung'ala ngaja mwanga mukhali wa lijuvs. ¹⁷ Pini namwagaga, nagwisaga pamagulu gakwe ngaja munu mwini afwile. Wavikhaga iliwokho lyakwe lya kulia kushanya yangu na kijova, ''Usikhatilaga! One ni wa kwansa na wa Mwisho, ¹⁸ na mwini nikhala. Nikhandi nifwile, lakini lelela, nikhala shiluta! na Ninaso ifungulo sa mauti na kusimu. ¹⁹ Ino, gayandikha gini wagaga, ginigakwali isalisi, nagala gini gakhapolela baada ya aga. ²⁰ Kwa kiva yiniyiifihile kihusu inondwe saba sini wasagag kuliwokho lyanu lya shigosi, na shila ishinara sha sahabu sha tala saba: inondwe saba ni malaikha va gala amatembe saba, ni shinara sha tala saba ni gala amatembe saba.''