¹ One yune Paulo mwanandeje. One sio mwanandeje kihuma kwa vanadamu wala kishilila kwa vanadamu, lakini kishilila kwa Yesu Kristo nu Nguluvi Wihesu mwini wamufufulaga kihuma kwa vina vafwile. ² Bahamo na vanyalukholo wona na yune, nikigayandishila amatembe ga Galatia. ³ Ineema yive kunyenyu ni amani yini yihuma kwa Nguluvi Wihesu wesu nu Mtwa Uyesu Kristo, ⁴ mwini waihumyaga yu mwene kwa ajili ya sambi sesu ili kija atikuluse ni nyakhati isi sa uofu, kihumana na mapensi ga Nguluvi wesu nu Wihesu. ⁵ Kunyakwe uve wutukufu shiluta na shiluta. ⁶ Nishangala kija msetushilana nyangu ku mola yimonga. Nishangala kija msetushile kutali kihuma kunyakwe umwene mwini avashemelile kwa neema ya Kristo. ⁷ Kusina imola iyinji, lakina kuna baasi ya vanu vini vakivasababisha omwe amatatiso na kisakula kibadilisa imola ya Kristo. ⁸ Lakini hata kama yuse au malaikha kihuma kushanya akhatangasa kunyenyu imola iyatofauti na yila yini taitangasaga kunyenyu, na alaaniwe. ⁹ Ngaja shina tajovaga pamwaandi, naisalisi nijova khanji, ''Nda kuna munu akhavatangasisa kunyenyu imola tofauti na yini mwaiposhelaga, na alaaniwe.'' ¹⁰ Kwa kiva isalisi nisakula uuthibitisho wa vanu au Nguluvi? Nisakula kuvashendefya avanadamu? Nda niyendelela kijesa kivashendefya avanadamu, one sio mtumishi wa Kristo. ¹¹ Vanyalukholo, nisakula omwe mumanye imola yini naitangasaga yisihumana na vanadamu. ¹² Nisikhaiposhelile kihuma kwa vanu, wala nisikhafundisiwe. Badala yakwe, yikhandi ni kwa ugubutulwa wa Yesu Kristo kunyangu. ¹³ Tayari mwapulikha kihusu amaisha gangu ga pakhala ku dini ya Shiyahudi, jinsi shina nikhandi nilava kwa ukhali itembe lya Nguluvi saidi ya shipimo kuliteketesa. ¹⁴ Nikhandi niyendelele ku Dini ya shiyahudi saidi ya vanyalukholo vangu vinji Vayahudi. Nikwandi ni bidii mandu ku tamaduni savababa vangu. ¹⁵ Lakini Unguluvi wapendeswagwa kunihagula one kihuma muutumbo mwa nyinesu. Wanishemelaga one kishilila ineema yakwe ¹⁶ kumudhihilisha Umwanakwe mukhati yangu, ili kija nimutangase umwene miongoni mwa mataifa. Wala nisikhasakwile uushauri wa mvili ni danda ¹⁷ na nisikhatanile kiluta ku yerusalem kwa vala vini vakhandi vanandeje kabla ya one. Badala yakwe nataga Kuuarabuni na panyuma kitina Kudamesiki. ¹⁸ Bahene baada ya makha gatatu natanaga kiluta Kuyerusalemu kumutembelela Ukefa, nakhalaa nu mwene kwa nsiku kumi na tano. ¹⁹ Lakini nisikhavajile avanandeje avanji saidi ya Yakobo, ukholo lwakwe nu Mtwa. ²⁰ Lelela, pamwandi ya Nguluvi, nisideha kwa shila shina niyandikha kunyenyu. ²¹ Bahene nataga ku mikoa ga Shamu ni Kilikia. ²² Nisikhandi nimanyikha kwa meho kwa matembe ga Uyahudi gala gini gakhandi kwa kishilila Kristo, ²³ lakini vakhandi vipulikha tu,''Umwene akhandi akikulafya isalisi itangasa ilihuvi lini akhandi akilinanga.'' ²⁴ Vakhandi vakimutukusa Unguluvi kwa ajili yangu.