¹ Upetro, mwanandeje wa Yesu Kristo, kwa vahensa va upalakhano, kwa vatewule, ku Ponto yona, Kugalatia, Kukapadokia Kuasia, na Kubithinia, ² kihumana nuluhala lwa Nguluvi, Uwihesu, kwa yalosewa nu Roho Mtakhatifu, kwa upulisaji wa Yesu Kristo, na kwa kidomoleseswa idanda yakwe. Ineema yive kunyenyu, nayi amani yenyu yiyonjelele. ³ Unguluvi Uwihesu wa Mtwa wesu Uyesu Kristo na abarikhiwe, Ku ukhome wa rehema yakwe, watipelaga kisawa upyakwa ukhangafu wa uhalaji kishilila uufufuwo wa Yesu Kristo kuhuma kwa vina vafwile, ⁴ kwa uhalaji wini wusiyaga, wusikhava nuushafu wala kipungukha. Wutunsiwe kushanya kwa ajili yenyu. ⁵ Kwa uweso wa Nguluvi mulindwa kishilila ilihuvi kwa ukulusaji wini wuli tayari kigubutulwa ku nyakhati sa mwisho. ⁶ Shendevi muili, japo isalisi ni lasima kunyenu kuipulikha husuni ku ujesaji wa aina mbalimbali. ⁷ Iyi, ni kwa ni kwa kiva ilihuvi lyenyu liwese kujesewa, ilihuvi lina nilya thamani kishila isahabu, yina yiyaga ku moto wini wujesa ilihuvi lyenyu. Iyi yipolela ili kija ilihuvi lyenyu liwese kisava isifa, uwutukufu, nilishima kuufufuwo wa Yesu Kristo. ⁸ Musimwajile umwene, lakini mkimubodokha. Musikimwaga isalisi, lakini muyamini kwa mwene na muna ushendefu wini wusiwesa kiyelesekha kwa ushendefu wina wumemile uutukufu. ⁹ Ino muposhela yumwe amatokeo ga lihuvi lyenyu, uukulusaji wa nafsi senyu. ¹⁰ Avakuvamalago vasakulaga na kiposa kwa umakini kihusu uukulusaji uwu, kihusu ineema yini nda yava kunyenyu. ¹¹ Vasakulaga kimanya ni aina nshii ya ukulusaji wini nda wayinsa. Vasakulaga khanji kimanya ni muda mushi Uroho wa Kristo mwini ali mukhati yanave akhandi ilogola shishi navene. Iyi yikhandi yipolela pini akhandi akivajovela mapema kihusu amalawo ga Kristo nuutukufu wini nda wamufwata. Yagubutulwagwa kwa vakuvamalago kija vakhandi ¹² vakigatumishila amajowo aga, na sio kwa ajili yanave vavene, ila kwa ajili yenyu- amatavililo ga majowo aga kishilila vala vina vileta imola kunyenyu kwa nsila ya Roho Mtakhatifu mwini wafilikhwa kihuma kushanya, amajowo gini hata avamalaikha vidobokha kigubutililwa kunyakwe. ¹³ Ino pinyi ifigudi fya luhala lwenyu, Muve vatulifu kumahiva genyu. Muve nuukhangafu mkhamilifu ku neema yini yikhaletwa kunyenyu uluhavi lwa kugubutulwa kwa Yesu Kristo. ¹⁴ Ngaja vana vatiifu, musikhapinywagwa yumwe ni mbungulu sini mwasifwataga pini mukhandi musina luhala. ¹⁵ Lakini ngaja ndenela mwini avashemelile shina mtakhatifu, nayumwe, khanji, muve vatakhatifu ku tabia yenyu yona mumakhalo. ¹⁶ Kwa kiva yiyandishwe, ''Muvesaje vatakhatifu, kwa kiva One nili mtakhatifu.'' ¹⁷ na nda mushemele ''Wihesu'' yula mwini ihiga kwa haki kilingana ni nsengo ya shila munu, tumila umuda gwa safari yakho kuunyenyekefu. ¹⁸ Mumenye kija yikhandi yisili kwa fedha au sahabu - ifinu fini finanjikha - fina mwakhombolelwa kihuma kutabia senyu sa uyasu sini mwaimanyisaga kihuma kwa vawihenyu. ¹⁹ Lakini mwakhombolwa kwa danda ya lishima lya Kristo, ngaja ya kholo mwini asina ukhamilifu wala lidowa. ²⁰ Ukristo wahagulwagwa khabla ya misingi ga nyii, lakini isalisi insiku isi sa mwisho, wagubutulwa kunyenyu. ²¹ Mukimwamini Unguluvi kishilila umwene, mwini Unguluvi wamufufulaga kihuma kwa vini vafwile na mwini wamupelaga uutukufu ili kija ilihuvi lyenyu nuukhangafu wuve kwa Nguluvi. ²² Mwagaha inafsi senyu kiva nofu kwa upulisaji wa yila ikweli, kwa lengo lya ugani wa shikholo wini unaugolofu, ino ganani kwa bidii kihuma munumbula. ²³ Mwasawa mara ya uvili, siyo kwa mbeyu yina yinanjishe, lakini kihuma ku mbeyu yina yisinanjishe, kishilila uusima wa liswi lya Nguluvi linilisigele. ²⁴ Kwa kiva '' amavili gona ngaja masole, nuutukufu wakwe wona ni ngaja liua lya lisole. Ilisole linyala, na liua ligwa, ²⁵ lakini iliswi lya Mtwa lisigala shiluta.'' Uwu ni wujumbe wini watangasagwa ngaja mola kunyenyu.