¹ Upaulo, mwini washemelwagwa nu Kristo Yesu kiva mwanandeje kwa ugani wa Nguluvi, nu Sothene ukholo lwesu, ² kwa litembe lya Nguluvi lini likwali Kukoritho, kwa vala vini vavishilwe tayari kishilila Uyesu Kristo, vini vashemelwa kiva vatakhatifu. Tikivayandishila khanji vala wona vini valishemelelaga ilitawa lya Mtwa wesu Uyesu Kristo ku mahala pona, Umtwa wanave nu wesu. ³ Ineema ni amani yive kunyenyu kihuma kwa Nguluvi uwihesu wesu nu Mtwa wesu Uyesu Kristo. ⁴ Insiku sona nikimuhonjesa Unguluvi wangu kwa ajili yenyu, kwa sababu ya neema ya Nguluvi yini Ukristo Uyesu ⁵ wavapelaga.Wavasenga kiva matajiri ku shila nsila, kululogolo bahamo maarifa gona. ⁶ Wavasenga matajiri, ngaja ushuhuda kihusu Ukristo kija wasibitiswa kiva kweli muvamunyenyu. ⁷ Kwa hiyo musipungushilwa ikarama sa shiroho, ngaja shini mna hamu ya kihepelesa uugubutulo wa Mtwa wesu Uyesu Kristo. ⁸ Ambi akivakhangasaga omwe khanji hadi mwisho, ili musikhalaumiwagwa lya Mtwa wesu Uyesu Kristo. ⁹ Unguluvi yu mwaminifu mwini wavashemelaga omwe kuushirika wa mwanakwe, Uyesu Kristo Umtwa wesu. ¹⁰ Isalisi nikivalomba avakaka na vadada vangu, kishilila ilitawa lya Mtwa wesu Uyesu Kristo, kija wona muyitishe, na kija kusikhavesaga nu mugavanyikho mu vamo va munyenyu. Nikivalomba kija muwungane bahamo ku nia yimo na kukusudi limo. ¹¹ Kwa kiva avanu va khaya ya Kleo vanijovela kija kuna mgavanyikho gwini guyendelela muvamo va munyenyu. ¹² Nina maana iyi: Shila yumo wenyu ija, ''One ni wa Paulo,'' au ''One ni wa Apolo'', au ''One ni wa Kefa'' au ''One ni wa Kristo''. ¹³ Wuli! Ukristo agavanyishe? Wuli! Upaulo watowagwa kwa ajili yenyu? Wuli! mwabatiswagwa kwa litawa lya Paulo? ¹⁴ Nikimuhonjesa Unguluvi kija nisikhamubatise yeyona, isipokiva Krispo nu Gayo. ¹⁵ Iyi yikhangi kija kusina yeyona mwini nda waja mwabatiswagwa kwa litawa langu. ¹⁶ (Khanji nabatisaga va mukhaya ya Stephania. Zaidi ya hapo, nisimenye kija mwabatisaga umunu uyunji yeyona). ¹⁷ Kwa kiva, Ukristo asikhanifilishe kubatisa ila kihubiri imola. Asikhanifilishe kihubiri kwa majowo ga hekima ya shibinadamu, ili kija ingufu ya msalaba gwa Kristo yisikhawusiwagwa. ¹⁸ Kwa kiva uujumbe wa msalaba ni uyasu kwa vala vini vafwile. Lakini kwa vala vini Unguluvi akivakulusa, ni ngufu ya Nguluvi. ¹⁹ Kwa kiva yiyandishwe, ''Ambi nikiinanga ihekima ya vanya busara. Nikhaunanga uufahamu wa vanya luhala.'' ²⁰ Akwali kwii umunu umunya busara? Akwali kwii umunya elimu? Ali kwii umulogolaji umushawishi wa nyii iyi? Wuli, Unguluvi asikhaisetwise ihekima ya nyii iyi kwa uyasu? ²¹ Kihuma inyii yava ku hekima yakwe yisikhamumenye Unguluvi, yamupendesaga Unguluvi kuuyasu wanave wa kihubiri ili kikulusa vala vini vakiniyamini. ²² Kwa Vayahudi iposelela iishara sa miujisa na kwa Vayunani isakula ihekima. ²³ Lakini tikimuhubiri Ukristo mwini watowagwa, mwini ali shikwaso sha Vayahudi na ni uyasu kwa Vayunani. ²⁴ Lakini kwa vala vini vashemelwagwa nu Nguluvi, Vayahudi na Vayunani, tikimuhubiri Ukristo ngaja ngufu ni hekima ya Nguluvi. ²⁵ Kwa kiva uuyasu wa Nguluvi una hekima kishila ya vanadamu, nuubofu wa Nguluvi una ngufu kishila ya vanadamu. ²⁶ Lelela ulushemelo lwa Nguluvi kunyenyu, avakaka na vadada vangu. Sio vinji venu mukhandi ni hekima ku fiwango fya Shibinadamu. Sio vinji venyu mukhandi ni ngufu. Sio vinji venyu mukhandi kuukhome. ²⁷ Lakini Unguluvi wahagulaga ifinu ifiyasu fya nyii ili kufiaibisha avanya hekima. Unguluvi wahagulaga shini shibofu ku nyii kushiaibisha ishinya ngufu. ²⁸ Unguluvi wahagulaga shila shini sha hali ya pansi na shini shisalilwe kunyii. Wahagulaga hata ifinu fini fisikhavasiwe kiva finu, kwa kufisenga sio shinu ifinu fini fya thamani. ²⁹ Wagahaga ndeni ili asikhavesaga akwali yeyona ni sababu ya kuidayi pamwandi yakwe. ³⁰ Kwa sababu ya shila Unguluvi shini wasenga, isalisi muli mukhati ya Kristo Yesu, mwini wasenjekha hekima kwa ajili yesu kihuma kwa Nguluvi. Akhandi haki yesu, uutakhatifu nuukhombosi. ³¹ Ngaja matokeo, ngaja iliandikho shini lija, ''Mwini akiisufya, aisufye kishilila Umtwa.''