¹ Awu ye ugubulo wa Yesu Kristo ambawo Nguluvi nakampela yili kuvalajila fibaluva vake ngani ambaszo laszima szisze ahi behi nakagadita gaszelekane kwa kumutuma malaika vake kwa chibaluva vake Yohana. ² Yohana nakataula wushuhuda,wa chila chinu ye kawona yechahusana,na lukani lwa Nguluvi na kwa wushaidi ye utawalwa kuhusu Yesu Kristo. ³ Afunyililwa mwene ye kangwimba kwa diszi,na vala veka ya vanguhulika makani ga ulavaji awu na kutii yechandikwe amo kwa sauli muda gusila. ⁴ Yohana kwa makanisa saba yeali ako,Asia:Lusungu luve kwenyu na amani kuhuma kwake ye ali aho,ye kabaho,na yeyokwisza,na kuhuma ku Numbula saba,ye vali kulutalo ya chigoda cheke cha enzi, ⁵ na kuhuma kwa Yesu Kristo ambaye ye shahidi ,mwaminifu lulelo lwa kamwi,va ye vatajika,na mzajila va vatwa,va isi ayii.Kwake mwene ye kangutwenda na katuvika,hulu,kuhuma ku szambi szetu kwa Danda yake, ⁶ katudita kuva wutwa,mazajila va Nguluvi na Dade vake-kwake kuva uwuya na ludali yigaya mwiso dayima yigayamwiso.Amina. ⁷ Lave,kangwisza,na fuluka:Chila disziho dyomuwona,hamwe na veka yeva msoma,Na kabila szeka sza inyiszo lombochesza,kwake,ena,Amina.

⁸ Heni ye Alfa na Omega,"kalonga Mutwa Nguluvi."Mwene ye aliaho na kabaho na ambaye kangwisza,munya ludali." ⁹ Heni ,Yohana mngoloszenyu na yumwi ye kangushilichi hamwi na nyi katika mateso na utwa na wufumilifu mnofu ye uli katika Yesu,ndali katika chisiva ye changuchemwa patimo kwa Sauli ya ng'ani ya Nguluvi na wushuhuda kuhusu Yesu. ¹⁰ Ndali katika numbula siku ya mutwa.Nanyulika kumbele kwangu diszi dya kuchanya kota dya tarumbeta, ¹¹ yalonga," Wandiche katika chitabu ye ungugawona,na ugalajisze kwa makanisa saba,kubita Efeso,kubita Smirna,kubita Pergamo,kubita Thiatira ,kubita Sardi,kubita philadelphia,na kubita Laodikia." ¹² Namituka kuwona ye diszi dya nani ye dyali dyalonga na heni,na homituche nambona chinara cha szahabu,cha twa saba. ¹³ Hagatina gati ya chinala cha tala yaliba ho yumwi kota mwana va Adamu,kafala kazu nali na yifika hasi ha magulu gake na musipi gwa szahabu nagupilima mambaga yake. ¹⁴ Mutwi gwake na nywele szache szali zelu kota sufu zelu kota the lyi na meho gake gali kota dilapi dya moto. ¹⁵ Zaho szache szali kota shaba yeyofugwa muno,kota shaba ambayo yikoleszwa,kumoto,na diszi dyake dyali kota diszi dya lulenga lonjefu ye gabogoma kwa luvilo. ¹⁶ Yali kibata nyenyeszi saba katika diwoko dyake dyo kundyo na kuhuma kumutwi gwake kwali na upanga mkali,wunga makali kuvili.Wusu wake wali wangung'ala,kota mwanga mukali gwa Duiszuva. ¹⁷ Honandimuwona,nandigwa hamagulu gake kota munu yekatajika na kavika diwoko dyake sya kundyo,kuchanya kwangu na kulonga ," Leche kogopa!Heni ndiva kwanza na va mwiso, ¹⁸ na ambaye ndangikala ndali najika,lachini lave,ndangikala milele!Na ndinaszo fungulo sza mawuti na kuszimu. ¹⁹ Kwa ahyo wandiche ye kuga wona ye ga sambi,na gake yegokwisza hambele baada ya aga. ²⁰ Kwa maana yeyifiha kuhusu nyenye szi saba yekusziwona katika diwoko lyangu la kundyo na chila chinala chatara saba yegala makanisa saba."