¹ Paulo chibaluva va Kristo Yesu kwa wende wa Nguluvi na Timotheo mng'oloszetu, ² Kwa vaumini na vang'olosze,vaaminifu,katika Kristo Yesu ye vangikala kolosai.Lusungu luve kwa henye na uwuya kuhuma kwa Nguluvi Dada vetu. ³ Twataula shukrani Nguluvi Dada va mutwa Yesu Kristo,na twanguvasuchila chila mala. ⁴ Tuhulika yimani yenyu,katika Yesu Kristo na wende ye mwinao kwa vala veka ye vabagulwa kwa ajili ya Nguluvi. ⁵ Mwana wende awu kwa sauli ya taraja lya wuhakika ye muvichilwa kuulanga kwa ajili ye henye ,na muhulika kuhusu talaja,Ayo ya wuhakika,kabla katika ng'ani lya ukweli yinjili,

⁶ kwa henye.Yinjili ayi diveleko na yajenda ku isi yeka yali yadita ahi mgati mwenyu,pia tangu siku ho muhuliche. ⁷ Ayi yenjili,ye mwifuza kuhuma kwa pafra mwende ,vetu,chibaluva mu yetu,ambaye ni chibalava mwaminifu va kristo kwa niyaba ya hetwe. ⁸ Epafra kaudita uszelekane kwa hetwe wende,wa hetwe katika numbula. ⁹ Kwa sauli ya wende awu luhuma siku ho tuhuliche ahi situlaleka,kuvasuchila,tuva twasuka kuva,momemeszwa luhala,lwa wende wake,katika hekima yeka na luhala lwa mu numbula. ¹⁰ Tuva twasuka kuva,mojenda kwa kwilangalila lwa mutwa,katika,ng'anyigwa,nofu.Tuva twasuka kwamba,molela divaleko katika chila pigo nofu na kuva na kwamba mokula katika luhala lwa Nguluvi. ¹¹ Twasuka muvesze kusopwa ludali,katika chila uveszo,kwihwana na ludali lwa uwu ya wake,katika uvumilifu,na ustahimwivu weka. ¹² Twasuka kuva kwa fulaha,motaula skukrani kwa Dada,yake kavadita henye muvesze kuva na hono katika urithiwa vaumini katika lumuli. ¹³ Katuhesza kuhuma katika wuzajila wa lwisa na kutuhejesza katika wutwa wa mwana vake mwende. ¹⁴ Katika mwanage twana wukomboszi kulechelwa kwa szambi. ¹⁵ Mwana ni mhwano wa Nguluvi ye siyiwoneka.Ni lulelo lwa kamwi,lwa kuwumba fyeka. ¹⁶ Kwa kuva kwa mwene finu fyeka fiwumbwa fila ye fili kuulanga na yefili ku isi finu ye fiwoneka na yesifiwonekana mafive ni fya kwikala au mamlaka awu uzajila au vanya ludali finu fyeka nafiwumbwa na mwene kwijili yache. ¹⁷ Mwene yalikuvepo kabla ya finu fyeka nakatika mwene finu fyeka fyawumbiliszwa hamwi. ¹⁸ Na mwene ndiye Mutwi gwa muvili yaani kanisa mwene ni mwazo na mlele ka va kamwi,kuhuma miwongoni mwavafe.Ahiyo kana nafasi ya kamwi miongoni mwafinu fyeka. ¹⁹ Kwa kuva Nguluvi na yigana kiwamba wutimilifu wache weka wikale mgati mwake. ²⁰ Na kufikong'asa finu fyeka kwache kwa ng'asi ya mwanage.Nguluvi na kadita Amani,kukolela Danda ya Nguluvi nayikong'asa finu fyeka kwache mwene yikiwa ni finu fya isi au finu fya kuulanga. ²¹ Henye piya,kwa wakati wumwe mwali vajenzi kwa Nguluvi na mwali maadui wi vake,katika luhali na mato cheo mabi. ²² Lachini lino kavapatanishe henye kwa muvili gwake kukolela ifa.Nakadita ahi yili kuvaleta henye va nofu,vagaya lawama na bila dosali mbele yache, ²³ Kota mwajenda katika yimani ye mszengwa na kuva thabiti pa sipo kuwuswa kutali kuhuma kunya talaja lya,ukangafu lya yinjili ye mhuliche.Ayi ndiyo injili ye yivatangaswa kwa chila munu ye kawambwa hasi ya wulanga ayindi yinjili ambayo kwa ayo heni Paulo ndiva chibaluva. ²⁴ Lino ndahechelela kugogangwa kangu,kwa ajili ya muvili gwake ambao ni kanisa. ²⁵ Heni nda chibaluva va kanisa adi savasava na kaszi yo melilwe.Kuhuma kwa Nguluvi kwaajili yenyu kulumemya lukani lwa Nguluvi. ²⁶ Au ye ukweli wa siri ye wali ufihwa kwa miaka myolofu na kwa mbegalo lachini lino yigubulwa kwaveka ye vidichila katika mwene. ²⁷ Ni kwa vala ambao,Nguluvi nayigana kugubula ye kwali wutajili wa wutukufu ye kwali wutajili wa wutukufu wa sili ya wukweli awu miwongongoni mwa matayifa.Ni kuva Kristo ka mgati mwenyu ukangafu wa wutukufu,ye wangwisza. ²⁸ Ayu ndiyo ye twangumlava.Twa ngumuwona chila munu na kumwijisza,chila munu,kwa hechima yeka yili,kuva tumlete chila munu mtimilifu,katika Kristo. ²⁹ Kwaajili ayi heni ndakangala na kwitahidi,kulingana na ludali lwake ye lwadita migo mgati mwangu katika uveszo.