¹ Valavaji va udesi navisa kwa Vaisraeli, na vaalimu va udesi wokwisa kwa henye. awo wokwisa kwa udesi woleta wijisi va udesi awo womukana Mutwa yoyavagulile. vangwiletela wubi va upesi kwa vene. ² Wolofu wofwata ng'asi sao sa nyoni kwa vanu awo woiliga ng'ani nofu. ³ kwa uhatufu wokong'a vanu wolonga ng'ani sa udesi kudindilwa kwawo kokwisa upesi, wubi wovafwata. ⁴ Aho Nguluvi siyalavaleka malaika yevamleema. Aho nakavatosa mwikombo ili vawopwe milejesi mbaka kudindilwa kwise. ⁵ Aho nguluvi siyalaileka isi yakatali. Ahyo nakamuvika Nuhu, muuya na mnofu, hamwe navanjisa, nakaleta galika mu isi yavanya chidada. ⁶ Nguluvi nakainyanya isi ya Sodoma na Gomola ahyo najipituka kuva chifu na janangika ili ive mfwano kwa vabi kwa siku sa kulutalo. ⁷ Lachini yeaditile ahyo nakamuhesa Lutu munu munofu, yaali yana husuni kwamijendele mibi kwa vala yevabihye kuhulika ng'ani sa Nguluvi. ⁸ Ahyo munu munofu, nakikala nawo siku seka nakateseka Numbula yake kwasila ng'ani seyapuliiche na kulava. ⁹ Ahyo Mutwa kankagula jinsi ya kuvahesa vanu vake muda gwakuteseka asho kuvaleka vabi kwaajili ya kudindilwa siku sa kulutalo. ¹⁰ Ahyo awu nakadita ahi kwavala yevakwendelela kukala muisi valeche udobofu wa muvili ahu nakubedala ng'ani. vanu iva vakangafu mumahosa gawo sivangwogopa kuliga ng'ani nofu. ¹¹ Aho malaika vana uweso na ludali kuliko vanu, lachini siwowesa kuvasitaka awo kwa Mutwa. ¹² Lachini iva vanyama vagaya luhala vatenjeneswa kwa asili ya kubatwa na kunyanywa. ¹³ Vanteseka kwa ujebi wa wubi wao hamunyi cheka kanguhwa kwa uhatufu. vamema wafu na wubi. vanhechelela uhatufu na udesi hovanguva kushelehe na heve. ¹⁴ Miho gaho gagubikwa na umalaya; sivangwiguta kudita mabi, huvadetelesa na kuvagwisa vaumini vadodo kumabi vana numbula simema udobofu, awo vana vana loona ¹⁵ Vaileka ng'asi ya kweli vananjika vaifwata ng'asi ya Balaamu mwana va Beori, nakagana kuhombwa malipo gawubi. ¹⁶ Lachini nakakalipilwa kwaajili ya ujebi vake. Punda yali chibubu na kalonga kwalisi lya munu, nakalemesa lukwale lwa mlonzi. ¹⁷ Vanu iva vavefinyali figaya malenga. fihwana nafuluuka yeiheswa nang'ala fuluka sito yolivichilwe kwaajili ya ihwo. ¹⁸ Huloonga kwakwidaai hela. huvagwisa vanu kwa udobofu wa mivili. huvadetelesa vanu yevangana kuvachimbila vala yevangwikala katika wubi. ¹⁹ Kuvalonjela vanu ng'ani nofu vakati vawo vene vafu va wubi va ufisadi. maana munu kanditwa huva mubi va kila chekimulongosa. ²⁰ Uyo yangwepa wafu wa mwinyi kwa kutumia luhala lwa Mutwa na mwakosi Yesu kristo, na kupiluchila wafu awo tena hali yaache kuva nzibi kuliko ya mutalo. ²¹ Chiba vanu awo vakevaleche kwisela kweli kuliko kuisela tena kuleka ng'ani nofu sovapelilwe. ²² Ng'ani ai huva na ukweli kwa awo. ``Libwa lyampiluchila madesi gache na ngubi yeyojile hupiluka tena mumadope''