¹ Ulamkalipila mlume muvaha.Bali msope numbula kota.Dadako,uvasope numbula vakwa miszi valume kuva ni vang'oloszo. ² Vasope numbula vadala vaavaha kota va tuwo na vadala vahiza kota vahaszawo kwa umaldadi weka. ³ Vapele hesima vajane vala yeva jane kwelikweli. ⁴ Lachini kota mjane kana vana au zukulu valeche kwaza viyijisze kulajila hesima,kwa vanu va mkaye mwawo vene valeche vavatuze vaszazi,vao.manofu,kwa kuva ai yanojela mbele ya Nguluvi. ⁵ Lachina mujane kwelikwe ni yula kalekwa iyena naye kavika luhuvi kwa Nguluvi,siku szeka kangi kala katika kusala na kusuka hamunyi na hachilo. ⁶ Hata ahyo mdala yula yeyangikaka uhatufu katajika,yingavaje mumi. ⁷ Na ulonje aga makani yili kwamba valava na lawama. ⁸ Yila kota munu siyovatuza vang'olosze hasa vala yevali mukaye yake.Kuyibihila yimani na ni mubi kuliko ye sikaokwiche. ⁹ Basi mdala yandichiswe kuorosza kota mfile ma yave na umri yesiupinguka,sitini na ni mdala va mulume yumwi. ¹⁰ Laszima yave kuszelekana kwa matendo manofu mayive na kwamba kavatuza vanage au nakava mkalimu kwa vajezi au kotuga magulu ga ga vaaminiwo,au kavatanga ambao vava vateseka au nakitaula kwa migo yeyeve nofu. ¹¹ Lachini kwa vala vafile vahiza leme,kuvandikisa ku orosza ya vajezi kwa kuva ma vinjile ku udobo fu gwa muvili dhidi ya Kristo wogana kutoleka. ¹² Kwa ng'anyigwa ayi vangwinjila kuhatiya kwa kuva vabena kwituula kwawo kwa mtalo. ¹³ Na piya vangwinjila ku maszovea gawugata vene vapilima kaye kwa kaye situ,kuvani vagata bali pia vanguva vasenjenyaji na vanya winjilila ng'ani sza vanji,vene longa ng'ani yesivahwaniti kugalonga. ¹⁴ Kwa ahyo,heni ndagana vadala vahiza vatoleche.Vavele vana vi milile kayeszao,yili kutokumpela,yabilisi nafasi ya kutuhiga kwa kudita szambi. ¹⁵ Kwa sauli baadhi yawo vampitu chila setani. ¹⁶ Kota,mdala yeyote kedichila kana,vafile,basi na yavatanje .Yili kanisa,lisielemewe,yili livesze kuvatanga,vala ye vali vafile kweli kweli. ¹⁷ Basi vavaha vala ye valongosza finofu,vavalilwe kuva vapelwe hesima ngomi hasa vala yeva ngishugulisha na kwijisza ng'ani iya Nguluvi. ¹⁸ Kwa kuva wandiko lwalonga,ulaiwopa senga mulomo ho kangu dya masoli,''na ''Chibaluva kasta hili mahombo gake.'' ¹⁹ Ulanuchila,nongwa dhidi ya muvaha isipokuva,kuva mashahidi vavili au vadatu. ²⁰ Vakalipile vanyamabi mbele ya vanu veka yili vanji yevasigale labda,wokogopa. ²¹ Ndugu kulajisza,kwa szati mbele ya Nguluvi na mbele ya Kristo Yesu,na malaika,vahagulwa kuva utuze maajiszo,vahagulilwa kuva utunze maajiszo aga bila wubaguszi we uve.Na kuva uladita ng'ani yeyive kwa wapendeleo. ²² Ulamuvichila munu yeyote mawoko upesi wasishiliki szambi sza munu yunji kwatachiwa kwiyijisza mwene uve mwelu. ²³ Si kwatuchiwa kung'wa lulenga wiyena Badala yache ,ung'we ujimbi,chidogo kwa ajili ya dileme na matumwa gako ga chila mara. ²⁴ Szambi sza baadhi ya vanu sza szelekana kwa umwaszi na sza nguvalongelela,kuhigwa,lachini baaszi ya szambi szafuta hambele. ²⁵ Ahyo hihyo baadhi ya kaszi nofu szaszelekana kwa umwa szi lachini hata szinji siszofihama.