¹ Kwa ng'asi ahi,henye yomulivake inabidi mwihumie kwa valume venu henye,ali,vamwesivalatii lukani,kukolela tabia tha vadala vao vangwetha kukwegwa bila lukani, ² kwa sababu wao vene wova valavile tabia yenu nofu hamwe na hesima. ³ Ahi iditwe siyo kwa mapambo ya kwivala-kusuka nywele,vito vya dhahabu,au mienda ja mitindo. ⁴ Lakini badala yake iditwe kwa unu wa mugati va numbura,na kuzidi kwa unofu va kunyenyekela na kutulia kwa numbura,ambao ni va thamani hatutalo ha Nguluvi. ⁵ Kwa kuva vadala vanofu navipamba vene kwa ng'asi ahi.Vali na imani kwa Nguluvi na vidichila na valume zao vene. ⁶ Kwa ng'asi ahi sara nakamwidichira ibrahamu na kumchema mwene''Mutwa''vake.henye lelo mwavana vake kama mudita yomanofu na simungogopa mabi. ⁷ Kwa ng'asi yiyo,henye valume inabidi mwikale na vadala venu mwanthela kuva vao ni venzi va dala dhaifu,mamuvathele vene kama vabochelaji vayenu va zawadi ya wumi.Mudite ahi ali kwamba maombi genu galeche kulemethwa. ⁸ Alafu,henye nyeka,muve na nia yimwe,yovana lusungu,wende kama vanyalukolo,yavangunyenyekea,na vapole. ⁹ Muleche kwipilulila,au maligo kwa maligo.Kumbele kwake,mubitilile kubariki,kwa sababu ahi muchemwa,kusudi murithi baraka. ¹⁰ ''Mwene yoyogana maisha na kuona siku nofu lazima yale methe lulimi lwake kwa wubi na milomo jake kulonga hila. ¹¹ Navapituche na kuleka mabi na kuditagoma nofu,yasache amani na kuifuata. ¹² Meho ga mutwa kangumuona munya haki na masikio gake kahulika maombi gake.Lakini uso va Mutwa wakumbele cha vala yovangudita dhambi.'' ¹³ Ni nani yoyovadhuru henye,kama mungilowa lyoli nofu? ¹⁴ Lakini mamuteseke kwa haki,mubarikiwa muleche kugopa vene vangogopa,Mleche kuva na wasiwasi. ¹⁵ Badala yake,muviche Kristo Mutwa munumbura thenu kama mnofu.Kila wakati muvetayari kumupitura chila munu yoyanguvautha henye ndauri mungi huvila kwa Nguluvi.Mudite ahi kwa upole na hesima. ¹⁶ Muve namawatho manofu ali kwamba vanu yovangulinga maisha genu manofu katika Kristo nawethe kuhonga nyoni kwa sababu vanlonga kumbele dhidi ya henye kama mwali vadita dhambi. ¹⁷ Finofu sana,kama Nguluvi kangilowa,mwateseka kwa kudita finofu kuliko kudita fibi. ¹⁸ Kristonayo nakateseka kamwe kwajili ya dhambi.Mwene yoyana haki na kateseka kwa ajili ya hetwe,yotwali twihela haki,kusudi yatulete hetwe kwa Nguluvi,na kafwa mumu vili,nakaditwa mumi kinumbura. ¹⁹ Munumbura,na kabita nakuthihubiri numbura lelo thakuchifungo. ²⁰ Si thala kudichila wakati wa kuvumilia kwa Nguluvi howali unthinda wakati wa nuhu siku za kuthenga kwa safina,na Nduluvi na kaokoa vanu vadodo numbura -vanane -kuhuma mululenga. ²¹ Ahi ni alama ya ubatizo wangu wao koa henye lelo,siyo kama kaofugwa wafu kuhuma mumuvili,lelo kama kusuka kwa dhamiri nofu kwa Nguluvi,kukolela kwa kufufuliwa kwa Yesu Kristo. ²² Mwene kakuliwoko lya kulia lya Nguluvi.Na kabita kuchanya.Malaika,amri,na ngufu lazima vamwichile mwene.