¹ Eimbapela hulimwei ou Fibi ouyiloumbou wenyu, ouyo tumwa wibhanza lyeilili ouhwo Kenkrea, ² ili huje muwezizye huposhele ashilile hwa Gosi. Bhombaji eishi ashilile itawa eilyei tabhalo eilya bhooziwa, na mweimeileile padwemo nou mwene ashilile lyolyoti lyabhabhe ahwanza oumwene. Maana oumwene youyo ahali ntumwa wa bhiinji, nahwaajili yalini neimwenei. ³ Mlamshe Priska nu Akila, wabhomba embombo nane ashilile uKilisiti uYesu, ⁴ ebhoo hutubhalo yane bhahandilefwe na huntabhalo yabho bhene. Na efumiya asalifwe hwabhene, nasaga nene nimwene, nahwabhala humabhanza goti age mataifa. ⁵ Lilamshi ibhanza lyalili mnyumba yabho. Lamshi Epanieto omwinza wane, oyowepapwe wahwade hwa Kilisti ashilile hu Asia. ⁶ Lamshe u Maliamu abhombile embombo hwilyomi hwaajili yalimwii. ⁷ Mlamshe Androniko nu Yunia, bhamwetu, nabhabhapinyilwe padwemo nane. Nabhapapepe padwemo natumwa, bhabhatagaliye humanye uKilisti sesele aane. ⁸ Mlamshe Ampliato, omwinza wane ashilile Ogosi. ⁹ Mulamushe Urbano, oubhomba mbombo padwemo nanei ashilile ouKilisti nou Stakisi ouganwe wanei. ¹⁰ Mulamushe Apele, oumwene ahweiteisheilwa ashile ouKilistii. Bhalamushi bhonti bhabhali munyumba ya Aristobulo. ¹¹ Mundamshile Helodioni, ounou wa mwentu. Mundamshile bhonti bhabhali munyumba ya Narkiso, bhabha hweli ashilile Ougosi. ¹² Mndamshile Trifaina nu Trifosa, bhabhabhomba eembombo hwilyomi ashilile Ogosi. mlamshe Persisi omwinza wabhombile embombo shinza hwa Gosi, ¹³ Mndamshile o Rufo, wasalulilwe ashilile Ogosi inunyina wakwe nu walini. ¹⁴ Mlamshe Asinkrito, Flegoni, Herime, Patroba, Herima, na hola bhoti bhabhali padwemo nabhene. ¹⁵ Nisalimie Filologo na Yulia, Nerea na dada yake, na Olimpa, na waumini wote walio pamoja nao. ¹⁶ Mndamshile omoomo hubusu ifinjile. Amabhanza goti ashilile uKilisti gabhalamhaa. ¹⁷ Salezi embasunda, mwaholo, asebhanye amwanya yebho bhabhasababisha anyapane nyapane nazijilwe. Bhabhala shenje nendajizyo zyebhalajiziwe. Galushi mfume hwa bhene. ¹⁸ Hwa huje abhantu nashebha sebhatumwa bha Kilisiti Ogosi, bhalisha amavyanda gabho bhebho. Hunogwa zyabho enyololo nasalifye hwilega bhabhakhopela omoyo gasaga galogwe. ¹⁹ Hushifwani eishi hunshinshi yenyu muhufishila kila oumo. Huje, esoungwelwe humwanya yenyu, lelo eimbaza aamwe mubhei nagolele ashilile na minza, namugajebhe nalogwe hwitagalila lyei mbibhi. ²⁰ Oungouloubhei owei tenganu sagabhakhale hugoje ousetano pansi yenyayo zyenyu. Eimpyana eiya Gosi ouYesu Kilisti eibhe padwemo namwei. ²¹ Ou Timotheo, oubhomba mbombo nanei, abhalamuha nou Lukio, Yasoni nou Sospeter, bhamwetu bhanei. ²² Neinei, Tertio, nahandishe ikalata eili, eimbalamuha ashilile itawa lya Gosi. ²³ Gayo, aandeilile nahwibhanza lyonti, libhalamuhaa. Erasto, wakhata eivintu vyei shijiji, abhalamuha, padwemo nou Kwarto wali holo. ²⁴ [Zingatia: Katika nakala halisi za kwanza, mstari huu haupo. Tazama Warumi 16: 20. "Eimpyana ya Gosi ouYesu Kilisti eikhale namwe mweti. Amina."] ²⁵ Eisalezi hwamwene youyo wali nikhone agabhomba huje mweimeileile aleingane nei bhangili namamanyisizyo ya Yesu Kilisti, aleinganei nalolesewe husili yeifisilwe humaha miinji, ²⁶ lelo eisalezi gamalishe nagaloleshe nabhehwe apazelu nagagasimbilwe nakuwe aleingane nadame hwa Ngouloubhei ouwei wiila na wiila hunshinshi eiyeilweiteiho lumo lweibhamataifa gounti? ²⁷ Hwa Ngouloubhe mwene ouwe nshinshi, ashilile ouYesu Kilisti, hubhe nouutuntumu ougwe wiila nawiila younti. Aamina