¹ Mwaholo, einseibho eizya mwoyo gwane napuute hwane hwa Ngouloubhei ni kwajili yabhenele, nei kwaajili yahwokoshe hwabho. ² Hwa huje eimbashuhudila huje bhahwituma hwaajili ya Ngouloubhei, leloi seihuje njele zyabho. ³ Hwa huje sebhaimeinye eilyoli ya Ngouloubhe, nabhahwanza azije eilyoli yabho bhebho. Saga bhahwisyaga hulyoli ya Ngouloubhei. ⁴ Hwa huje iKilisiti yuyo watimizye isheliya eyelyoli huje omtu wahuposhela. ⁵ Hwa huje uMusa ahwandiha ahusu elyoli eyo ehwenza ashilile ne eshelia: "Umutu wabhomba elyoli mshelia abhakhale hwa lyoli ene." ⁶ Lakini elyoli yetumilana nashilile olweteho luyanga eshii, "Ogajeyanje humwoyo gwaho, 'Yonanu wabhabhale humwanya?'(Ohu hulete uKilisiti pansi). ⁷ Na ogajeyaje, 'Yonanu abhahwishe mwilende?" (Ane, huleta uKilisiti humwanya afume hwabhafwe). ⁸ Lelo liyanga yenu? "Izu lipapepe nawe, afume mwilomu lyaho na afume humwoyo gwaho." Eilyo lizu eilya luseishelo, eilyo lya tiliyanga. ⁹ Hwa huje kashile hwilomu lyaho ouhweiteiha ou Yesu huje gosi, na huposhele humwoyo gwaho huje Oungouloubhei avyouseizye afume hwa abhafye, oubhahwauliwe. ¹⁰ Hwa huje humwoyo oumuntu ahumweiteiha napate eilyoli, nahwilomu ahweiteiha napate ouwaule. ¹¹ Hwa huje izu liyanga, "Kila wahuposhela saga abhakenyesewe." ¹² hwa huje naumo olengano nu Yahudi nu Muyunani. Hwa huje Ugosi yoyola Ugosi wa bhoti naweshoma hwa bhoti bhabha hukwizya. ¹³ Hwa huje kila walikwizya itawa elya o Ugosi abhahokoshe. ¹⁴ Hwa huje bhole uwezizye hukwizye ola wasaga mwamweteshe? Bhagakhozya bhole ilibhawezye huposhele nashi oyo sagabhamwovyezye? Na bhezehozye hwoole pasipo uwalumbelele? ¹⁵ Bhezewezye bhole alumbelele, akashile sebhatumwilwe? - Nashi sagasimbilwe hwa huje owinza wemagaga gabhala bhabhatangazya enogwa enyinza izye mambo aminza!" ¹⁶ Lakini bhoti sagabhatejelezezye amazu. Huje oIsaya ayanga, "Ogosi, yunanu wahovyezye otumwa wetu?" ¹⁷ Huje ulweteho luhweza afumilane natejezye na hwovye hwizu elya Kilisiti. ¹⁸ Lakini eyanga, "Huje sagabhahovyezye?" nalyoli kabisa. "Amazu gabho gamalishe afume hwoze nahunsi yoti, nenogwa zyabho zibhalile paka humwisho gwe dunia." ¹⁹ Ashile goti, Eyanga, "Huje Abhaisraeli sagabhamenye?" Kwanza uMusa ayanga, "Embabhadizye embabheshele uwivu hwa bhantu bhasaga bhe taifa. Hwidala elitaifa lyasaga lyahwelewe, embabhachochele paka mvitwe." ²⁰ Nou Isaya anilyomi sana naayanga, "Natangeine nabhaala bhasaga bhanazile. Nabhoneshe mwabhala bha sagabhananzaga." ²¹ Lelo hwa Bhaisraeli bhayanga, "Einsiku zyoti nagoloseizye amakhono gane hwa bhasagabhahwiyisizye nahwa bhantu aakhomee."