¹ Izyo ili diyo lya mwinzele uYeremia afume wa Bwana baada ya uwakati ula Nebuzaradni, amuri wa asikali agula pabhaleshile abhalaje afume Rama. Baada ya humweje ihali yifungwa yi manyororo. Palushimo nafungwa bhudti abhahu Yerusalemu na Yuda bhahegwilye hali yifungwa paka hu Babeli. ² Wope amiri wa asikari bha gula ahamwega uYeremia ahabhula, "U Bwana Ungulubhi waho atamushe amabhibhi iga juu ya mahali ipaa. ³ Wope uBwana agaletile. Nabhombe nishi payanjile, usababu musantile uBwana wala haga mwogupe isauti yakwe. Ndiyo maana ineno ili libhinzele amwe! ⁴ Na ishi enya ihu wigulila sanyunu amanyororo iga agagali makhono gaho. Kha ulola shinza abhale hu Babeli, parushimo nane haya inza, nane imbahutunze sana. Lelo ngulola shibhibhi abhale hu Babeli palushimo nane, basi leha. Enya idthi yudti witanzi lyaho. Apa pali pinza pamaso gaho apapa hufaa bhalaga uwo." ⁵ Palisile haga abhalile ayanga, "Bhuya ishi Gedalia umwana wa Ahikamu umwana wa Shafani, ambae falme wa Babeli abheshile abhe diwani juu yi miji ga hu Yuda. Ubhakhale palushimo nao kati ya bhadtu aubhala papudti apubhalole wewe pahuje pahufaa." Basi amuri yabhasikari agula apela ivhalye ni zawadi, ahaleha abhalaje mwene. ⁶ Basi Yeremia ahashila wa Gedalia umwana wa Ahikamu, uwo Mizipa. Ahakhala palushimo nawo kati ya bhadtu bhala abhasagele kati yidhi. ⁷ Ipo agosibhudti abha sikari abha bhahali kati yi bala, abhene nabhadtu bhabho pabha huvha huje ufalme wa Babeli abheshele Gedalia umwana wa Ahikamu abhe diwani juu yidthi. Na huje akabidhi alume na bhashi nabha bhana, na bazi ya pina abhithi abha wegwa mateka hu Babeli. ⁸ Ipo bhabhalila Gedalia uwo Mizipa. Bhope bhabhibha Ishmaeli umwana Nethania; Yonathan na Yonathani, abhana bha Kareaa; Seraya umwana wa Tanhumethi; bhana bha Efai Netophathite; na Yezania umwana wa Mmaaka-aene bhabho. ⁹ Na Gedalia umwana wa Ahikam umwana wa Shafan, abhalapila abhene na bhadtu bhabho, ayanga, "Mungandawogope abhatumishile Wakaldayo. Khalaji kati yidthi mutumishile ufalme wa Babeli, yope ibhafae. ¹⁰ Nane enya, Imbakhale hu Zipa ili ini milile witanzi lya bha Wakaldayo abhabhatujulila. Lelo amwe tunguli divai, na madundu agi wakati wisanya, na mafuta, muvibhishe ividtu ivho muvhombo vhinyu. Mukhale kati yi miji agamu ku gwilye." ¹¹ Bhope pabha huvhizye Wayahudi bhudti bhali na yilumbo na kati ya bhana wa Amoni, na bhibho abha hali kati yi Edomu, nibho abhahali kati yithi zyudti aje ufalme wa Babeli abhaleshile Yuda amasagazi, ni huje bhabhishile Gedalia umwana wa Ahikam umwana wa Shafani juu ya bhene. ¹² Basi Wayahudi bhudti bhaha bhuya afume shila mahali wa bhanyiziwe bhahala mpaka ithi ya Yuda, bhabhalila Gedelia uwo Mizpa. Bhabhunganya idivai nadundu igi wakati wisanya ga minji sana. ¹³ Nandtele uYohana umwana wa Karea ngosi bhudti abha sikari yabarani bhabhalila Gedalia uwo Mizpa. ¹⁴ Bhabhola bhuli, "Una habari awe huje Baalis ufalme wa bhana bha Amoni atumile Ishmaeli umwana wa Nethania awegake?" Lelo Gedalia umwana wa Ahikim haga ahamini ineno ili. ¹⁵ Basi Yohana umwana wa Kerea abhula Gedalia uwa Mizpa hu siri ayanga, "Undeshe ishile imbale ikhome Ishmael umwana wa Nesathania. Wala hapa nu mudtu uwanza manye ijambo ili yenu agoje awee? Hata bhanya bhane Wayahudi abhabhabhugine nabhasagazibha Yuda bhangamile?" ¹⁶ Lelo Gedalia umwana wa Ahikam abhula Yohana umwana wa Kerea, "Ungana libhombe ijambo ili, maana uhu mwandila Ishameli."