¹ U Bwana ayanga ishi, "Bhala hunyumba ya mfalme wa Yuda, utangazye izyo ili ubho. ² Uyanje, 'Awe mfalme wa Yuda, awe bhukhele itengo lya Daudi, uyuvhe izyo lya Bwana. Ntejelezyi, amwe mwatumishi bhakwe, namwe mubhadhu bhakwe, mubhinza humalyango iga. ³ U Bwana ayanga ishi, "Bhomba wanalyoli nanyenyekele, nu mudhu wabhudhi uwa yiwilye-mwokholaji afume makhono mwa bhashindana. Unganje hubhombele amabhibhi ujenyu wabhudhi kati yisi yaho, au apina au ufwele. Unganda abhombe ivhulugu au awite idanda iyasili ahatia amahali ipha. ⁴ Khamba mubhomba amambo nishi igo, basi afalme abho bhakhala itengo lya Daudi bhayinjila madwango ginyumba ene bhayijezya igari ni falasi, umwene, atumishi bhakwe, na bhadhu bhakwe! ⁵ Lelo khasa muhuvha amazyo iga afume hulini gala injanjile-ili tamuko la Bwana-basi nyumba ini iyishifalme ihainanganyiziwa."' ⁶ Maana uBwana ayanga ishi juu inyumba ya falme wa Yuda, "Awe uli nishi Gileadi, au nishi pasudwe ishi Lebanoni hulini. Hata isho ihaigaruzanya abhe li jangwa, kati yi miji gasa gali na khaya. ⁷ Pipo imbalajizye abhabhananganya uwinza juu yalemwe! Abhathu abhi duso zyabho bhayidumula mierezi gaho agali minza nalileshe agwe hu mwoto. ⁸ Ipo amataifa aminji gaishizanya humji ugu. Shila mudthu ayi bhula ula uwa hudaga, "Mbona abhombile ishi kwajili yi jiji ili igosi?" ⁹ Na ubhinji ayijibu, "Husababu bhaleshile ipatano lya Bwana, Ungulubhi wabho, bhabhundama humagulubhi aganje, bhagaputa." ¹⁰ Uganda alile paya afwile. Unganda dhonde wajili yamwene. Lelo na mwaha umdhu wabhudhi uyawinjila mwijala, haga aibhuya ailole idhi iyapipwe.' ¹¹ Maana uBwana ayanga ishi juu ya Yehoahazi, mwana wa Yosia, mfalme wa Yuda, uwahali mfalme badala ya Yosia pamandi, 'afumile mahali, ipa wala hagaibhuya. ¹² Aifwa ubho mahali pala bhamwemwejile amateka, nahaga iyilola nanthele insi ini.' ¹³ Ole umdhu wabhudthi uwazenga inyumba yakwe huchafu ni vhumba vhakwe vha juu kati yadhumule; ambao bhamo bhabhomba imbombo, lelo haga sobwa. ¹⁴ Ole uwamdhu wabhudti uwaiyanga, 'Ihaizenga inyumba ithali ni vhumba vha panya ivhi baba, nabhazenga ama amadirisha ababa, nikhuta izya milezi na paha irangi ishamamamu.' ¹⁵ Lelo, ili lihubhomba ubhe falme mwinza, huje uwanza abhe ni mbao zi mwerezi? Lelo ubaba waho hagaalile na mwele, lelo lelo abhombile ulonzi nuwanalyoli? Isho amambo gaha minza uwajili ya mwene. ¹⁶ Olonjile amaneno aga masikini nuyawanza. Ihali nyinza. Lelo, ikutu anye ane? - ili tamuko lya Bwana. ¹⁷ Lelo nahumo ahadhu pamaso gimakutu na mwoyo gwaho ugabhile wasiwasi hu faida yaho yasayanalyoli na awite idanda iya saga ini hatia, watitihilye abha bhombele ujanja abhanji. ¹⁸ Ipo Bwana ayanga ishi juu ya Yehoyakimu, umwana wa Yosia, mfalme wa Yuda. Hagabhainsonda huje bhayanga 'je ole, holo wane! au 'Ole, yulumbu wane!' Hainsonda hujebhayangaje 'Ole, bwana! ' au 'ole, usisya!' ¹⁹ Aisyilya ishi syila idogovhi, bhaidendelula uhutali nataje huzi iyimiyango ga Yerusalemu. ²⁰ Zubha amagamba ga Lebanoni khala ihoro. Pazya isauti yaho Bashani. Khora afume humagamba ga Abalimu, maana amanyani bhaho bhudti bhayina nganyiziwa. ²¹ Ihanjile nawe uwakati uwa ulisalama, lelo uhayanjile, 'Sihayuvha.' Ili lyali desturi yaho afume uwana waho, kwani uhu vhizye isauti yane. ²² Ihala ihabhalisya adimi bha bhudti, na manyani bhaho bhaibhala wapinywe. Lyoli uhaibha nsoni na sweme na humbombo zyaho zyuthi imbibhi. ²³ Awe falme, ambae hukhala kati Nyumba ya Mwipori lya Lebanoni, awe bhuhabhombile shansu pahati mielezi, uhabha ni hali ya sajilye puhaipata ihofu uwakati uwapape." ²⁴ "Nishi ane ishiishi-ili litamushi lya Bwana-hata kama awe, Konia, umwana wa Yehoyakimu, mfalme wa Yuda, uhali alama yikhono gwane ugwi lilo, khana gwisyaga. ²⁵ Pipo imbaponyizye makhono gabhala abha wanza ubhumi winyu nahukhono wabhala ambao mubhogopa, hata mukhono gwa Nebukadreza, mfalme wa Babeli na Wakaldayo. ²⁶ Ihaitaga awe nu mayi waho uwa pipe kati yi nthi iyinje, inthi iyasaga upiphe, naubho uhaifya. ²⁷ Ahusu eneo ili ambalo uwanza abhuye, habhaibhuya ipa. ²⁸ Bhuli! Ishi shombo ishashiarauliwe ni shashipasushe? Bhuli, Konia shombo shashizaraule? Henu bhatajile umwene nabhapephe bhakwe, hutwale kati yinthi uyasaga uyimenye? ²⁹ Ee Nthi, Nthi, Nthi! Tejelezyi izyo lya Bwana! ³⁰ U Bwana ayanga ishi, 'Simba pamwanya mthu unu Konia umwene haga aibha mwana. Hagaifanikiwa uwakati wi nsiku zyakwe, wala numo hata umo kati yishikhoro shakwe uyifanikiwa au khale nathele pitengo lya Daudi na tabhale juu ya Yuda."'