¹ "Imbibhi ya Yuda isimbilyehukala mu yijela ilyoji almasi. Ipuzilye bhambabho hi mwoyo imoyo gabho na hu mapeta igi madhabahu gaho. ² Abhana bhabho bhakumbuha amadhabahu gabho na makwi gabho Ashela na makwi gimasole humangamba atali. ³ Ingamba lyane kati ya munthi inyazi ni shuma shaho shuthi palishimo na uvi utile vhaho vhudhi, inzahupele iviteke wabhanji. Igo ndiyo galama amaeneo gaho aga pamwanya ni mbibhi ili maeneo gaho guthi. ⁴ Uhaitezya agale uwihapile. Ihaitumikisya wabhi bhi bhaho ithi uyasiimenye, pipo upembile umwoto ugwyo ugwani ambao gwayaha wilawila." ⁵ U Bwana ayanga, "Umudhu uwahutegemela umwanadamu agunilye; ahubhomba umwanadamu abhe wikhone lyakwe nahugaluzanye umwoyo gwakwe abhe hutali nu Bwana. ⁶ Ghamanga aibha nishi ipoli idodo kati ya Alaba nahawezya alole ahadhu ahidha pahawenza. Aikhala kati yimaeneo igimawe/mbalamagwa, inthi iyasi khalya nabhadhu. ⁷ Lelo umudhu uwahushubhila uBwana asaiwe, pipo uBwana lushubhilo lyakwe. ⁸ Maana ayibha nishi hala ahahali pipi na minzi mushinji musoho; akholo agakwe gawenela. Hagawezya alole ilyoto paliwinza, pipo amatundu gakwe ganzabhe moro, ishi umwaha pawumuhaga awezya abhenu wasiwasi, saga aleha apape amadudu. ⁹ Umwoyo gukhopela sana kuliko hadhu ahanji hahudhi. Guni mbungo; yunanu uyawezwa awelewe? ¹⁰ Ane ni Bwana, ni wina injele, ambaye ijela amasana. Ihupala shila munthu alingane na madala gaakwe, alingane amadudu igimbombo zwakwe. ¹¹ nishi ikhale piunganya amanjinza ga si ilese. Umudhu uya wezwa abhe kabhi iyadhulumule, lelo insiku pazwai nsizanya, ukabhi ubhowaileha, umwisho wakwe aibhalema." ¹² "Paibhanza phetu pitengo lya wilawila ishi sisya, ilyali zuvheziwe awande mwanzo. ¹³ U Bwana lu subhilo lya Israeli. Bhudhi abha huleha bhaibha ni nsoni. Bhala abhali munthi abha galushila afume huliwe bhaigogwa. Pipo bhahuleha uBwana indumbuha zimenze agagali giwumi. ¹⁴ Uphonwe, Bwana, nani imbapone! Nokole ane, nane imbawokolewe. Pipo awe lwimbo lwane lwitaifa. ¹⁵ Enya, mbula, 'Izyo lya Bwana liwi? Ebu lyenze!' ¹⁶ Ane saga ibwahile aleshe abhedimi khosi yaho. Sagaihansugwelye isiku ilya fee. Umenye agaga fumile mwilomu lyane. Gabhombishe witanzi lyabhe waho. ¹⁷ Unganda abhe sababu yihofu hu lini. Awe ulinyililo wane isiku lya hangaishe. ¹⁸ Bhakenye abhadhu abhavhisya, lelo unganda akenye ane. Bhayogopa, lelo unganda aleshe ikhasamala. Tuma isiku lyafwe juu yabho nabhangamizye mahahinji." ¹⁹ U Bwana ambula ishi,: "Bhala uyimelele kati yilyango lya bhadhu afalme bha Yuda lya bhawinjila nafume, womo kati amalyango gamo gunthi gahu Yerusalemu. ²⁰ Bhabhule, 'Uvhi izyo ilya Bwana, afalme bha hu Yuda, namwe mubhadhu mwi nthe bha hu Yuda, na shila mudhu wa Yerusalemu uwa yinjila kati yi malwango iga. ²¹ U Bwana ayanga ishi: "Wihami wajili yima isha ginyu munganda weje amazigoo pisiku irutuyo huje mugalete kati yi malyango ga Yerusalemu. ²² Wala munganje alete amazigo hunzi hunyumba zyinyu pisiku ilya tuye. Musahabhombe musabhombe hahudthi, lelo mulibagule isiku ili Tuyo, nishi pimbalajizye azehe bhaho abhombe."' ²³ Sabhatejelezya wala ateje amakutu gao, lelo bhabhombile inthingo zyabho abhe home aje bha ngaje atejelezye wala aninthishe akhude wala asudwe. ²⁴ Aifumila ajee kha mwaitejelezya lyoli-ili ilyo tamushi lya Bwana-namuganjelete amazigoo humalywango igi jiji ili isiku ili ilya tuye lelo badala yakwe mwabagula isiku lya tuye wa Bwana na munganje bhombe imbombo yayunthi pamwanya yakwe - ²⁵ basi afalme, agosi, nahala abha bhakhala itengo ilya Daudi bhainjila amalyango igimuji ugu na magari ni farasi, abhene na longozi bhabho, abhadhu bha Yuda na khaya bhahu Yerusalemu. Nu muji ugu gwai khala wila na wila. ²⁶ Bhayinza afume hu miji ga Yuda na fume upande zyu ndhi izya Yerusalemu, afume inthi ya Benjamini ni visiwa ivha panhi, afume huma gamba nafume kaskazini, pabhaleta isadaka, izya lugulizye, idhabiha, isadaka ziviliwa ubani na suvhe winyumba ya Bwana. ²⁷ Lelo khasa mwaitejelezya-atakate isiku Llituyo, asinte na weje amazigo amamwamu, wala munganda awinjile malyango ga Yerusalemu umwoto kati yimalyango gakwe, bhope uhai bhangamizya amayumba arungulizye ingome zya Yerusalemu, nasagwaiwezya azimishe.