¹ Ipo uBwana abhula, "Hata uMusa au Samweli bhahimilele witanzi lyane, bando sihabhasilila abhadhu ibha. Bhefye witanzi lyani, ili bhawezye awepe. ² Khashele bhanzahubhule, 'Tuuwaziwa abhale wii?' Ipo ubhabhule, 'U Bwana ayaga ishi Bhala abhawazi wa afwe na bhafwanje; bhala bhatayalisiwe kwajili yipanga bhalaje nali panga. Bhala twalilye hunzala bhawanza ale na inzala; na bhala abhatwalilye asame bhawaziwa asame.' ³ Pipo ihaibhapela humakundi makundi makundi agane-ili diyo tamushi lya Bwana-ipanga ilya goje abhanji, ibwa izebule inyonyi izya humwanya na wa nyama akhali na bhala abha ngamiya. ⁴ Ihaibhabhombela ijambo ilya li tisya wafalume bhundhi mudunia husababu uManase umwana wa Hezekia, ufalume wa Yuda, abhombile uwo Yerusalemu. ⁵ Hu mana yunanu uwayibhasajila, Yerusalemu? Yunanu uwandonda kwajili yaliwe? Yunanu uwageuha abhuzye usitwi waho? ⁶ Undeshile tamushi lya Bwana-ubhule khosi. Isho ihaibhakhoma hukhono gwane nahuwangamizye. Idhile abhasajile. ⁷ Ipo ihai bhapeta nishipetelo kati yima dwango agi inthi. Ihayibhannyizya. Ihabhangamizya abhadhu bhane maana habhuyile nazileshe amadala gao. ⁸ Ihaibhamba afwele bhabho abhe bhinji nishi usanga ugwi sumbi. Eshile umai uwasahala ihaituma uwangamizye pasanya. Ihaigundusye ni hofu nagwe wajili yabhene. ⁹ Umai uwa pipe abhana saba aina njiha. Ayi ha. Isanya lyakwe lishile uwakati shasiku. Umwene aibha nsoni nafadhaishe, pipo ihaibhefya bhala abhabhasagalile ni panga witanzi wabhibhi bhao-ili litamushi lya Bwana." ¹⁰ Ole wane, mai wane! Maana uphapile aane ambae ni mudhu uwashindane na mahoji kati ya muthi yudhi. Sikopizye, wala numo umudhu uwa kopizye, lelo bhuthi ndani. ¹¹ U Bwana ayanga, "Bhuli sihaibhupa ni fainda? Huwana lyoli ihaibhabha abhibhi bhaho bhailabha usada uwakati uwifuto ni shida. ¹² Bhuli, umudhu agasya ijela? Hasa ijela ilya fume kaskazini aga gali gasa ngene na shaba? ¹³ Ihaibhapela abhibhi bhaho ukabhi waho nishanga shaho kama nyara zilyene. Ihaibhomba ili husababu yimbibhi zyaho zyunthi uzibhobhilye muhati mubhaha zyaho zyunthi. ¹⁴ Ipo ihaibhomba utumishile abhibhi bhaho kati yi ndhi iya sagaiminye, huje umwan ayaha, waha wilyoyo lyani juu liwe." ¹⁵ Awe wewe uminye, Bwana! Unkumbushe na navhe. Unsombele ufusye wabhala abha nanza. Unjivhu waho unganda nefye. Utambule huje ini nsoni kwajili yaliwe. Inongwa zya hozipathine, nagalya. ¹⁶ Inongwa zyaho wa moje hulene, ifulaha yane nu mwoyo gwane; maana itawa lyaho litangaziwa juu ya line, Bwana, Ungulubhi uwasikali. ¹⁷ Sihakhele kati yibungano ugwa bhala abha mojelile au abhamongwa. Ihile husili husababu yikhono gwaho ugwikhone, maana umemizye ilyoyo. ¹⁸ Henuu amavune gane gawendelela ni phanga sazipona, ikhana aponeshe? Lelo, uhaibha minze agaga bhuma? ¹⁹ Ipo uBwana ayanga ishi, "Yeremia, Khamba uhai lamba, ihaibhuzya, nawe uhayimelyela witanzi lyane na thumishile. Kwa maana khuitenganisya ivigalama, uhaibhanishi ilomu lwane. Abhadhu bhayiznza huliwe, lelo awe wewe unganda bhuye wabhene. ²⁰ Ihaibhomba ulubhumba ulyishaba ulyasaluwinjiha wabhadhu ibha, bhopye bhaikhomana ibho huju ya liwe. Lelo sabhaihutola, pope ane indi palishimo nawe ili huwokole nahuponye-ili litamushi lya Bwana- ²¹ maana ihayikombola makhono mwa bhibhi na hukobole kati yi makhono gabhashindana."