¹ Awe uli bhuli uwihaki, u Bwana, uwakati wawudhi pileta abhatake huliwe. Lazima ibhule husababu iyalalamishe: Yenu amadala gai thavu bhafanikiwa? Abhadhu bhudhi asaga bhamini bhafanikiwa. ² Awe uhatotile nabhe na makhoro. Bbhawendelela apape amadundu. Awelipa pipi anao kati yi maromu, lelo uli hutali na moyo gao na moyo gao. ³ Lelo awe wewe umenye, awe Bwana. Undolile na gwenye umwoyo gwane. Ubhefe nishi ingole izya bhole. Ubhishe tayali wisiku ilya chinjwe. ⁴ Lelo! Insi ihayuma huda bhule, ni vyavimelile mugunda vyaifuma hunogwa yi thavu izya khaya bhakwe? Ivikhanu ninyonyi zyeveziwe. Lyoli, abhadhu bhayanga, "Ungulubhi hamenye henu hahaifumila huliti." ⁵ U Bwana ayanga, "Lyoli, awe, Yeremia, ujendile na masikali bhima gulubhi galitile, ugawezya bhuli huje ushindane ni farasi? Ukiwa uwina hutelemuko yi nsi iyili hinza, ubhabhombe bhuli kati ya wipoli hupepe na Yordani? ⁶ Kwa maana hata horo bhaho nifamilia iya baba waho bhadhalaule nahulajile husauti ingosi. Ugandaabhamini, hata kama bhayanga amambo aminza huliwe. ⁷ Injile shile inyumba yane; Indeshile agale wani. Iponyizye abhadhu bhane aganye makhono gabhibhi bhakwe. ⁸ Agale wene hulini huli ni shi insama mwina; umwene awibhishila juyalini husauti yakwe yuyo, isho ivitililye. ⁹ Amalipo gane gigarama ni fisi, ni nyonyi imbandanje mbadanje pipi ni tye lyakwe. Bhalanga, ubhunganye ivhavi ubwelye vyunthi ivyaviwile kati yi magunda, ubhalete ili bhalye. ¹⁰ Adimi abhinji bhananginye ugunda gwani ugwi masurusuro. Bhagatezizye mahalli pane pudhi ungunda; Bhagaluzinye amahali pane apinza abhe lijagwa, nauswimu. ¹¹ Bhabhombile abhe swimu. Insonda hunogwa yakwe; umwene swimu. Insi yundhi abhe nsyimu, pipo numo umudhu uwabhishele iga mumwoyo gwakwe. ¹² Abhawangamizya bhizele amaeneo gundhi agali wazi jangwani humaana ipanga lya Bwana lilya afume upande bhumo uwinthi hadi uwinji. Nabhumo uwinza kati yi nthi hushi umbe shashunthi ishashili shumi. ¹³ Bhatotile ingano lelo amavuno gi mivya. Abhene bhalitile alingane afumilane ni mbombo. Lelo hagabhapatile hahundhi. Basi mukenye hufaida yinyu usababu hu gwoyo gwa Bbwana." ¹⁴ U Bwana ayanga ishi juu ya paramani bhane bhudhi achafu bhabhukhana ubhumiliki uhubhalisisha abhadhu bhadhu bhane Israeli, "Enya, ani ndimi ambe iha yi nyizya afume inthi yao bhibho, ihaidaga inyumba iya Yuda afume kati yabho. ¹⁵ Ipo baada yigo hungamizye amataifa iga, ihaifumila huje aibha nipya na juu yabho nabha lente adhele; Ihayibhabhuya-shila mudhu nulithi wakwe ninsi yakwe. ¹⁶ Ihaibha shila mataifa gaimanyila ewine amadala agabhadhu bhane, alape witawa lyane 'Nishi ni Bwana isha khala!' shisho shisho nishi pabha manyizizye adhu bhane alape wa Bali, bhaizegwa pahati ya bhadhu bhane. ¹⁷ Lelo khashe numo yayudhi uwa huvya, basi ihaisenya itaifa ilyo. Na lyoli lyaiseywa nananganyiziwe ili lyilya itamushi lya Bwana."