1
Yahweh ahayanga no Musa no Haluni msi ye Misili. Ayajile,
2
"Hwaliwe awe, omwezi ogu gabhabhe mwanzo mwezi, omwezi ogwa hwande gwe mwaha gwaho.
3
Libhole ikusanyiko lye Izilaeli isiku lya kumi omwezi ogu shila mtu lazima ayeje ahana he ngole au he mbuzi endodo ya mwene, kila khoya ebhombe esho enyanangole shila nyumba.
4
Nkashile eyo enyumba ndodo sana hu nyana ngole edume no jilani wakwe bheje enyana gole au enyama ye mbuzi edodo yebha bhaye abhatu. Lazima ebhe eye hwa kila mtu alye, hwelyo lazima ahweje enyama eyaye alisye bhotu.
5
Enyana gole yaho au ebuzi yaho endodo lazima eganjebhe no upungufu, ilume eye mwaha gumo owezizye ahweje emo egole au ebuzi.
6
Lazima oyituze paka isiku elya kumi na nne eyo gwo omwezi eshi ikusanyiko lyoti lye Isilaeli lazima libhagoje ebha awanyama dyebhela.
7
Lazima oyeje baadhi ye danda obheshe esehemu zibhele zye mabada lyango age lyango na pamwanya pa felemu zyediago pohalela ezyo enyama.
8
Lazima olye ezyo nyama no siku, baada ya hwoshe pa mwoto olyanje ni kate lyali lenganganyiziwe ne hamila pamo namagonela amakhali.
9
Osahalye embese ama yatelehwe na menze. Badala yakwe oshapa mwoto ni twe lyakwe, amagaga ne sehemu zya mhati.
10
Osileshe hata hashe asagale paka nasapwi. Lazima oyoshe hahoti hahosageye nasapwiti.
11
Eshi shashi hwaziwa alye obhanje obhanje opinyile ilampa lyaho, okwete evilato vyaho, ni lesa lyaho mukhono gwaho. Lazima olyanje nalinali. Pasaka Yahweh.
12
O Yahweh aiga eli: Ebabhale msi ye Misili no siku na shambulile apapwa bhoti abhahwande abha bhatu nabhevyoma msi ye Misili ebalete ipigo hu mangolobhe goti ge Misili. Ane ne Yahweh.
13
Edanda yaibha ndolesyo hu nyumba zyenyu pehaiyenza ane panailola idanda. Ehaishizanya pehaishambulila esi ye Misili. Eli ipigo sagalyai bhenzela abhanankanye.
14
Eli isiku lyaibha kumbukumbu hulimwi, yeli lazima mkombosezye abheshe eshalehe ya Yahweh. Yaibha shelia hulimwe nantele, huvizazi vyonti evya bhantu bhenyu, bhabhali mhwanziwa akobosezye sanyono.
15
Obhalye ikata lyasagali ne hamila owakati we siku saba. Isiku elya kwanza ohaiyefwa ehamila hu nyumba zyenyu. Yayonti yailya ikate lyali ponyezewe chachu ahwande isiku elya kwanza paka isiku elya saba oyo omtu lazima akatwe afume hu Islaeli.
16
Isiku elya hwande hwaibha obhongano lyali te ngwilwe hwajili yane ni siku elya saba hwaibha no bhongano nashi elyo. Nemo embobo yehaibhombwa ezi ensiku ,zaidi ya teleshe. Kila mtu alye eyo diyo mbobo nyene yehaibhombwa nawe.
17
Lazima oazimisye ne eshalehe ye mkate gwaseguponyezewe ehamila huje lisiku eli lye mbabhalete abhatu bhaho amakudi gagali ne silaha hu makudi gagali ne silaha afume msi ye Misili lazima oazimisye eli isiku hwa bhana bhenyu bhoti bhabhatu bhaho. Ene yaibha shelia huliwe.
18
Lazima olye ikale lyasaga liponyewe ehamila ahwadile ndiebhela yisiku elya kumi nanne ye mwezi wa hwande we mwaha paha diebhela yi siku elya ishilini na moja ya mwazi.
19
Owakatit wezi esiku mnyumba zyenyu msahapatihane ne hamila yayoti yailya omkate gwa gulenganyiziwe ne hamila lazima akatwe afume hu jamii ye Zilaeli, oyo omtu abhe jenyi au mtu ya pepwe msi yenyu.
20
Sohailya hahonti hahalenganyiziwe ne hamila. Paponti pobha khale lazima olye ikate la seli ne hamila."'
21
Pepo oMussa ahabha kwizya aviongozi bhonti we Isilaeli eli nabhabhole, "Bhalaji msalule enyana ngole au embuzi zyazibhoye alisye efamiliya zyenyu namugoje enyana gole ye pasaka.
22
Eshi ega itondo lye hisopo otobhezye mudanda yehaibha eli mwibeseni. Paha edanda yeli mwibeseni pamwanya ye felemu ezya hwemelela zibhele zye lyango. Nomo hata omo yaifuma hwoze ye lyango gwakwe paka na sanabho.
23
Hwa huje oYahweh abhashele ashambulile Amisili. Padailole edanda pamwanya pafelemu ye dyango na mihimili gabhele age dyango, aishola ahweze akhaya abhaluhusu ohalibifu ahweze akhaya zzyenyu abhashambulile.
24
Lazima azimisye eli etuki. Eli libhabhe daima shelia huliwe na bhana bhenyu.
25
Pobha hwijile msi oYahweh yadahupele, nashi sahaidiye, abhombe, lazima uadhimishe eli itendo lye ibada.
26
Abhana bhaho pabhaihubhozya, 'Eli itendo eli lye ibaada li ne mana wele?'
27
eshi lazima oje, 'Sadaka ye Pasaka ya Yahweh, huje oYahweh shilile mnyumba zya Isilaeli hu Misili pabha shambulie Amisili abheshele enyumba zyetu hulu." Pepo abhatu bhafugamilie oYahweh.
28
Aisilaeli bhahabhala abhombe nashi oYahwe sabhalajizizye aMusa no Haluni.
29
Hwahabha siku we manane aje oYahwe bha shambulila apapwa bhonti abha hwande abha msi ye Misili, ahwade opapwa owa hwande owa Falao, yakheye pitengo lyakwe elye ezi, opapwa owa hwande owa mtu yali mwigeleza napapwa bhonti abhahande abhe mifugo.
30
O Falao wabhoha no siku - omwene, atumishi bhakwe na Misili. Pali ne kelele ezye maombolezo Misili, huje nemo enyumba yayali nomo omtu yafwiye.
31
O Falao wakwiza oMusa na Haluni no siku naje, "Bhoha sogolaji hwa bhatu bhane, amwe pamo na Isilaeli. Bhalaji, musaye oYahwe, nashi samuyejile muhwaza abhombe.
32
Eji eng'ombe zyenyu ne gole zyenyu nashi sanamu yajile mubhalaje lelo mbaliki.
33
Amisili bhali ne halaka eyabhefwe msi, hwa hubhe bhajile, "Ate tili bhatu bhafwe."
34
Abha hejile engano yobho pasipo ahwonjezye ehamila yayoti. Embakuli zyabho ezya khandile ousu owe ngano bhapinyiliye mmenda gabho namvipongo vyabho.
35
Abhatu abhahu Isilaeli bhobhombile nashi oMusa. Sayanjile bhabha labhile evintu evye hela, evitu evye dhahabu na menda.
36
O Yahweh abhabhombile Amisili ne shauku yabhapedezye Aisilaeli. Esho Amisili bhabhapiye hahonti habhalabhile hweli Asilaeli bhabhejeye viji Amisili.
37
Aisilaeli bhasafiliye afume hu Lamesi abhale hu Sakothi. Bhali ne idadi ya lume 600, 000 hu manama ahonjezye abhashe na bhana.
38
Asanganye wikudi lyabha sebhaIsilaeli bhope bhabhalile nabho pamo ne ng'ombe ne ngole, eidadi egosi eye vyoma.
39
Bhateleshe amikate no wusu we ngano owe hamila wabhafumi nawo hu Misili. Gwagwali saga guli ne hamila kwa sababu bhabhe ngwelye hu Misili nasaga bhawezizye achelewe ahwandale eshalye.
40
Aisilaeli bhakheye hu Misili hu maha 430.
41
Baada ye maha 430, isiku elyo ego amajeshi gonti ga Yahweh gagahwi hamile bhasogoye afume msi ye Misili.
42
Ou wali siku owabhe maso aje oYahweh abhefwe afue msi ye Misili. Ou wali siku wa Yahwe wa azimisye na Isilaeli bhoti na bhantu abhe vizazi vyabho vyoti.
43
O Yahweh wabhola oMusa no Haluni, Ene shelia ye Pasaka: namo ojenyi yaluhusiwa alye.
44
Walakini, kila otumwa wa Mislaeli, yakalilywe hu hela awezizye alye baada yatahiliwe.
45
Ajenyi natumishi bhajiliwe sebhahwanziwa alye eshalye shashonti.
46
Eshalye shihwanziwa alewe mhati mnyumba emo. Saga oluhusiwa anye mule yayoti hoze ye nyumba na saga oluhusiwa abubune ifupa lyalyonti.
47
Eshikholo shoti Isilaeli shihwanziwa aazimisye eshalehe.
48
Nkashele ojenyi akhala nawe na ahwanza azimisye ePasaka ha Yahweh, aholo bhakwe bhonti abhilume bhahwanziwa atahiliwe. Esho awezya ahwenze na azimisye abhabhe nashi abhantu bhabha pepwe mwomwo msi lakini nomo omtu yasaga atahiliwe yaluhusiwa alye eshalye shashonti.
49
Eshelia ye nene ebha hu sishe hwa papwa abhe asili no jenyi yakhala pamo namwe."
50
Asilaeli bhanti bhabhombile shajile oYahweh shabhabholelee aMusa no Haluni.
51
Enza abhe isiku elyo oYahweh abhaletile Asilaeli afume msi ye Misili hu makundi gaga jiami.