1
U Musa asogoye afume inyanda zi Moabu hadi whigamba li Nebo, hadi pashilele shi Pisga, shishili mkabala ni Yericho. Oho uYahwe anolesezye ense yonti yi Gileadi afume whutali wi Dani,
2
ni Naftali yonti nense yi Efraimu nu Manase, nense yonti yi Yuda, hadi idimi igosi lya huswelo,
3
ni Negevi, nu uwuwanda whi bonde li Yericho, ikhaya yi mitende, hadi uhutali wi Soari.
4
U Yahwe amozezye, "Ene anse yanalapile wha Abrahamu, wha Isaka, na wha Yakobo, na yanje, "Imbahubhapele upapo waho. " Iluhusile uyenye humaso gahjo, ila sagawayibhala hula. "
5
Basi uMusa umutumishi wa Yahwe, afwiye pala panse yi Moabu, hansi izu lya Yahwe sobhezezye.
6
U Yahwe asyeleel whi bonde lyense yi Moabu umukabala ni Beth-peori, lakini nomo wamenye imbepa yakwe peleho hadi ilello eli.
7
U Musa ali nu wumuri wi maha myamoja na ishirini lwafwanga; amaso gwakwe sagagafifiliye, wala engovo zyakwe ziasili sagazyapongoshe.
8
Abhantu bhi Israeli bhamombolezezye uMusa hunyanda zi Moabu hunsiku thelathini, epo pepo insiku zi maombolezo ga Musa pazyatimiye.
9
U Yoshua umwana wa Nuni ali amemwilwe ni roho yi hekima, kwa maana uMusa amesheye inyobhe pamwanya yakwe. Abhantu bhi Israeli bhatejelezezye na wombe gala ga Yahwe gamozezye uMusa.
10
Afume epo sagahutokeye ukuwe hu Israeli hansi uMusa, wamenye uYahwe amaso wha maso.
11
Sagahufumiye abhe nu kuwe wowonti hansi uwene hu ishara na amiwujiza ga Yahwe gatumile awombe hunse yi Misri, wha Farao, na whabhatumishi bhakwe, na hunse yakwe yonti.
12
Sagahuwahile abhe nu kuwe wowonti hansi uwene hu mambo gonti amagosi, gahogofye ga Musa awombile pamaso gi Israeli yonti.