¹ Nkiimba Kristo atiniinga uhuru amu tiwe huru, kwa ikyo, salaleng kyumu ana mtawarwa lingi mmitanie ya uketi. ² Nla ning Paulo nkeemuyia sheeli kwa kooya murinoo.Kristo amulolia wa maana kwa shia yoose ilya ndi. ³ Tena, nkenla kila ndumi nrine sheeli atinye irundia sheria yoose . ⁴ Mommayawo kwa shana Kristo ,wala ''woose mukeetaliywa usuma'' ni kwa sheria. Mouwo kwasha na Neema . ⁵ Amu kwa shia ya mumuyo ,kwa ikusura tikevera finya ya usumani. ⁶ Karika Kristo irino ana ira kutarino iifo maana ndi. Ni ikusura lo yeni likeerunda mashora kuiria ikunda nlyo lyimaanishaa kindo. ⁷ Mwiisongoviee kisha nning amwirisha mtairikyie udeede? ⁸ Ikanjio li la itana kuro lyiukyie kwamwi ito andewawaanga ini ⁹ Idookisa kinnya lyidokisaa kyasho kyoose. ¹⁰ Nkee mukusaria ini karika Ndumi sheeli mutakusa raa kwa shia ingi yoose. ito amuretaa akurika yiumisyo lyamwi yemuni woose ulya. ¹¹ wana wama, kwa kooya nkeengeria ikwanisa mboni ya urina, Nkyinyi ili da nkeevaviswa? kiimba ikyo kilya kyikee ovisa nsalaba kyimakyii kasheeswa. ¹² Ni itingwa lakwa sheeli wala wakeeva wambele kyikasha wakuminya veni. ¹³ Iruva awawanga ini, wanawama, unambweng kyawaria muteerie unambweng twanu sha shia ya mvili. Andu ayo ikunda mukurundie ini kwa ini. ¹⁴ Kiimba sheria yoose indekamilika karika iwawaso limwi; nalyo ni ''Nkita kufure nkyungu wafo sha iwe kumuni.'' ¹⁵ Kake kwa kooya mukuimaraa na ikufura na kunley sheeli mutakukasheese imi kwa ini. ¹⁶ Nkeenumbua, endeny kwa weele amu , na nta mumakyiiitimiza tamaa ta mvili ndi. ¹⁷ Kiimba mvili uwore tamaa nini inginia mumuyo, na mumuyo ukanginia mvili. Ifi foose fikeekulea kyimwina kyingi. Kisora ni ikyi mkeerunda findo mkeetingo ndi. ¹⁸ Kake kwa kooya mumuyo ukee mumbele kwanu, mukee kwasi ya sheria ndi. ¹⁹ Ali mitanie ya mvili yalolio.Nayo ni yaika,ushafu,unini, ²⁰ Kisomw kya sanamu,usawi,suo,inaa, usuda, iwananyashi, ishindana,ikwawa, ikuminya kwa madhehebu, ²¹ wiifu,unangwa,ulafi, na mboni tingi tiwakane na iti .Nawakanya ning, sha ilo nawakanya mbooko, sheeli walya vakeetana findo waya dingu ya Iruva ndi. ²² Kake nunda ta mumuyo ni iti ikunda, ifura, unambwe, isisiria, ukarimu, usha, lwa ndu, ikusura, ²³ Uwoo, na kiasi. Ifo sheria ingeu ya mboni tindi. ²⁴ Walya wakee wa Kristo Yesu wamvavisa mvili andu emwi na itingo na ilanga lao ikasha. ²⁵ Kwa kooya takaa mumuyong, kake teendeny kwa mumuyo. ²⁶ Titawe vekwiisha, titakuruye nkuru kila umwi na naangi ana titakulolie wifu.