¹ Kuuka miaka ikumi na iini neende lingi Yerusalemu anduemwe na Barnaba. Lo nankurika Tito anduemwinanyi. ² Neende kimba kya Iruva akuorusa kwakwa sheeli ntinye neende. Naroo mbele yaoo injili ilya naia wandu wa isanga. [Kake narera kwa siiri kwa walya wa fifumbi muhimu] . Natana kuri kiimba nnlolie sheeli ntakeerisha, ana narisha kyaruu. ³ kake mpaka, ulya ekee andu emwi nang ulya ekee Myunani, kyawara karino. ⁴ Kindo kyi kyarundo kiimba kya wafari wa uresi iwo washe kwa ikufisa amu walle unambwe lweru kari ka Kristo Yesu.Watingwa itiarua ise ise maketi maketia sharia. ⁵ Takuniingia iveerikyia nta kwa saa imwi ndi amu injili ya udeede isaa taare yailasho kwanu. ⁶ kake wala wanumbulwa sheeli wanini waniingia kindo kyoose kwakwa ndi. Na kyoose kyila weerunda kyoore welekyia kwakwa ndii Iruva eerikya wandu wakasha ndi. ⁷ Washilolia sheeli naaminio ikwanisa kirero kwa waia wngi taare weeke warine. Kyiike Petro akwaanise kirero kwa wala weekee varine. ⁸ Amu iruva to arunda mashora nrimeng wa Petro kiimba kya urimi kwa wala vekee varine, lingi aruna mashora nrimeng wakwa na wandu wa mataifa. ⁹ Kyeeri Yakotoo, Kefa Yoane, Wata wamanyika sheeli watotoria siri, Wamanya ililia lo naniingwa ning, watiwaria tikawa kindo kyimwi ning na Barnaba. Warunda kari amu teende kwa vandu va mataifa, Naamu wamakyii yeenda kwa wala wakee wandu walya Warine. ¹⁰ Andu emwi neese watingo tuwakumbuwe wakyiwa. Nang da natingo irunda kindo kyi. ¹¹ Kyeeri kefa ashe Antiokia, nanlea kweeliwa kyiimba akooya arunda kyikasha. ¹² Kitaare wandu kyiindi wansha kuuka kwa Yakobo, Keefa akooya eelya kyimwi na wandu va mataifa. Kake wandu wo wa isanga. Kya akooya eeree wandu veetinyoo irino. ¹³ Na Wayahudi wengine walungana na suoii andu amwi na Kefa. Numa yayo mpaka na Barnaba awarwa nsuo yo. ¹⁴ Kake kasa na kooya kitare wakesora injili ya udeede namuya Kefa mbele yaawo woose, ''Kwa kooya ini Wayahudi kake nkeena mikae ya wandu wa isanga mkarea mikaange ya Kiyahudi, Mkyinyi ili mukeetingo wandu Wayahudi?'' ¹⁵ Ise tikee Wayahudi kwa iiriwa ana tikee wandu wa isanga lya marekondi'' ¹⁶ Manya sheeli kitaare eefo ataaliywa iwa kwa mikaanye yamwi nndi Kake ataaliywa sheeli akeeve kyiimba kya ikusura kari ka Yesu Kristo. Tashe kwa ikusura kari ka Kristo Yesu amu titaalya sheeli tikeeva kwa ikusura klarika Kristo ana nkwa mirundie ya sheria ndi. Kwa mirundie ya sheria eefo wa mvili ataaliywa iva ndi. ¹⁷ Kake kwakooya tikeeruya Iruva kwa itaalywa tikeewa kari ka Kristo, Tikeekulolia tiweni sheeli da tiwore mareko, Alli Kristo atanwa iketi lya mareko ro? Nkuro nndi! ¹⁸ Amu kwa kooya natoobiria illa sheria kyasia illa sheria nareawo nakuorusa shimuni sheeli ntakeemakyii sheria. ¹⁹ Kwiria sheria namfwe kwa sheria kwa ikyo ntinye ikaa kwa kiimba kya Iruva. ²⁰ Nawaviswa andu emwi na Kristo. Ana nning niifo ndi, Kake nki risto eefo kari kakwa.lli nkyikee na mvili nkeeka na ikusura kari ka Mwana wa Iruva ito akuniingia kiimba kya ishifura. ²¹ Nkelea ililia lya Iruva ndi, amu kwako oya usumani lwifoo kwiria sheria, Kyasi Kristo evaa afwe kyaruu.