¹ Paulo, Imtwa wa Kirisito Yesu kwa igamapenzi ge Mlungu, Timoteo induge yetu, ² ikwewaumini na ndugu iwaaminfu mne Kirisito walikolosai. Ineema na iwe kwenu, na iamani kulawa kwe Imlungu Tata wetu. ³ Tolapfva shukurani kwe Imlungu Tata we Imtwa wetu Yesu Kirisito, na towalombera mala kwa mala. ⁴ Tuhulika imani yenu mne Yesu Kirisito na upendo wamnao kwa awla wosi iwabaguligwe kwa ajili ye Imlungu. ⁵ Mna upendo uno kwa isababu itaraja ye uhakika ihifatzigwe kulaga kwe ajili yenu. Tzamuhulika ukuhusu itaraja ayo ya uhakika kabla katika dilonga ja kweli,injili, ⁶ ambayo itza umwenu. Injili ayi yakweleka ditunda na yakwenela mne isi kosi. Tzain'gali itenda mgati yenu pfvipfvila tangu gamatzua gamuhulike ne kwifunza ukuhusu ineema ye Mlungu mne kweli. ⁷ Aino ndiyo injili yamwifunzile kulawa kwa Epapafra, impendigwa wetu ne imtumishi miyetu, ambaye ni mtwana mwaminifu wa Kirisito kwa iniaba ya twete. ⁸ Epafra kutenda umanyike kuna twete upendo wenu mne gumuhe. ⁹ Kweisababu ye upendo uno, tangu ditzua hatuhukilke fvi hatuna tuleke kuwalombela. Tukala tulomba kuwa mjatzigwe ga maarifa ge mapenzi gake mne hekima yosi na ufahamu we gumoyo. ¹⁰ Tun'gali tulomba kwamba mwange kwa ustahimilipfvu we Imtwa mne tzinzila tziogile. Tu'gali tulomba kuwa mweleke ditunda mne chila tendo dinogile na mkule mne gamaarifa ge Imlungu. ¹¹ Tolomba mdahe kugeligwa ingupfvu mne kila uweztzo kulingana na tzingupfvu tzake na utukufu wake mne upfumilivu na ustahimilipfvu wosi. ¹² Tolomba kwamba, mne ifuraha, mtzolapfva ishukurani kwa Tata, yawatendile mwemwemdahe kuwa na isehemu katika ulisi katika nuru. ¹³ Katupfvabula kulawa mne chisi na kutuhamitzila mne ufalme we imwnage mpendwa. ¹⁴ Mne mwanage tuna ukombotzi, gumsamaha gwe tzambi. ¹⁵ Imwana ni gumfano gwe Imlungu yahakoneka. ¹⁶ Kwapfvila, mne yeye pfivu pfvosi pfvilumbigwa, pfvilikulanga na pfvili mne isi, pfvinu hapfvikoneka na pfvikoneka. kama pfva ienzi au gamamlaka au gautawala au wene tzingufvu, vinu pfvosi pfvilumbigwa na yeye na kwa ajili yake. ¹⁷ Yeye tza an'gali baho kabla ya vinu pfvosi, na mna yeye ipfvinu pfvosi pfeyamwa hamwe. ¹⁸ Na yeye ndiye iditwi je ulukuli, yaani dikanisa, yeye ndiye mwande na mwoneka wa ugumwande kulawa mne wapfvile, apfvo, kenayo inafasi ya gumwande mne pfvinu pfvosi. ¹⁹ Kwa pfvila Imlungu kapendetzigwa ne utimilifu wake wosi na ukale mgati mwake, ²⁰ na kupatanisha pfvinu pfvosi mna yeye kwa inzia ya imwanage. Mlungu tzakatenda iamani kubitila idamu ye gumsalaba gwake. Mlungu tzakapatanisha pfvinu pfvosi mna yeye mwenyego , apfvo, pfvinu pfve Isi au pfvinu pfva Kulanga. ²¹ Namwe kuya, kwa wakati umwe tzamwageni kwe Imlungu na tza mwamaadui wake mne tziakili na gamatendo gehile. ²² Lelo sambi, kawpatanisha mwemwe kwe ulukuli lwake kubitila ichifo. Tzakatenda apfvo, ili awagale mwemwe iwatakatifu, yamlihela tzilawama na tzidosali mbele yake, ²³ kama mwogendelela mne iimani, yamwimalishigwe na isabiti, bila kusigwa kutalimne didalaja je ujasili je injili yamuhulike. Aino ndiyo iinjii ambayo mna ayo nene, Paulo, tzanin'gali mtumishi. ²⁴ Lelo nofurahi ga magaya gangu kwa ajili yenu. Nene notimitza mne ulukuli lwangu chihunguka kwa igamagaya gangu ge kirisito kwa ajili ya ulukuli lwake , ambao ni dikanisa. ²⁵ Nene ne mtwana we dikanisa adino, sawasawa na uwajibu wanin'gigwe kulawa kwe Mlungu kwa ajili ya mwemwe, kudimemetza dilonga je Mlungu. ²⁶ Auno ni ukweli we isiri tzain'gali ipfvitsigwe kwe imilongo mingi na pfvizazi. Lakni sambi igubuligwe kwa wosi mne yeye. ²⁷ Ni kwala amabao Mlungu kabama kugubula utajiri we utukufu we siri ye ukweli uno mne gamataifa. Ni kwamba Kirisito kamne mimuhe yenu, ne ujasiri we utukufu ukutza. ²⁸ Ayuno ndiye yatumtangatza. Tumwonya chila munu, ukumfundisha chila muna kwe ihekima yosi, ili kwamba tumgale chila munu mkamilifu mne Kirisito. ²⁹ Kwa ajili ino, nene nejitahidi na kujibidiisha kulingana ne tzingupfvu tzake tzitenda isan'gano mgati mwangumne uwetza.