¹ Baada ya Yesu kuzumba visoweru avi, kaukiti na wafundwa wakuyi kuelekea bondi la Kidron, ambaku kuweriti na bustani, ambaku yomberi na wafundwa wakuyi wingiliti mkati mwakuyi. ² VInu yulii Yuda yakafiliti kumsaliti, nayu kashimaniti shisoweru ashi, kwani Yesu kaweriti pakagenda lieneu ali mara kadhaa pakawera na wafundwa wakuyi. ³ Nayu Yuda, baada ya kuwera kupata likundi lya maaskari na maafisa kulawa kwa wakulu wa makuhani, wiza wawera na taa, kurunzi na silaha. ⁴ Nayu Yesu, hali pakavima kila shintu shashiweriti shitendikiti dhidi yakuyi, kalil;aviiti kulongoru na kuwakosia," Ni gaa mumsakuliti?" ⁵ Na womberi wamwankuritio ," Yesu Mnazarethi." Yesu kawagambiliti, " Neni ndiyu" Nayu Yuda yakamsaliti , kaweriti kugoloka pamwela na askari walii. ⁶ Kwa hangu pakawagambiliti," Neni ndiyu" wauyiti kimberimberi na kugua pasi. ⁷ Halafu kawakosiiti kayi," Ni ga yamsakula? na womberi wamwankuliti kayi " Yesu Mnazareth." ⁸ Yesu kawankuliti," Mpera kuwagambira kuwera neni ndiyu, kwa hangu handa mwangumsakula neni, muwaleki hawa wamonga wagendi." ⁹ Aga gaweriti hangu ili shisoweru shilii shitimiliki palii pakazumbiti," Mu walii wagumpananiti, numwasitindili hata yumu. ¹⁰ Ndipu Simon Petro, yakaweriti na upanga, kaugendeliti na kumdumula likutu la kulia ntumintumi gwa kuhani mkulu. Na litau lyakuyi ntumintumi yulii liweriti Malko. ¹¹ Yesu kamgambiliti Petro," Guuzii upanga waku mu ala yakuyi. Kwa shishi nishilandilindili shikombi shilii shakampananiti Tati?" ¹² Basi likundi lilii la askari na jemedari, na wantumi wa Wayahudi wamlemit Yesu na kumtawa. ¹³ Nau wamlongozii kwanja mpaka kwa Anasi, kwani yomberi kaweriti mkwe gwa Kayafa, ambayu ndiyu yakaweriti kuhani mkulu kwa mwaka agu. ¹⁴ Vinu Kayafa ndiyu yakaweriti kawapanana ushauri Wayahudi yakwamba imfiriti muntu yumu kafui kwa ajili ya wantu. ¹⁵ Simoni Petro kamfatiti Yesu, na helahangu mfundwa yumonga. Na yulii mfundwa kaweriti kamanikanika mkwa vkuhani mkulu, naya kingiriti pamwela na Yesu mu behewa lya kuhani mkulu; ¹⁶ Lakini Petro kaweriti kagoloka kunja ya mlyangu. Basi mfundwa yulii yakaweriti kamanikana kwa kuhani mkulu. Kalawiti kunja na kugenda kuyowera na mwanamdala yulii ntumintumi yakaweriti kangunda mlyangu na kumwingiziya Petro mkati. ¹⁷ Basi kijakazi yu;lii yakaweliti kangulinda mlyangu kamgambiliti Pertro, " Je gwenga si yumu gwa wafuasi wa muntu ayu?" Ma yomberi kazumbiti," Neni siyu." ¹⁸ Na walii wantumi na wakulu waweriti pawagoloka mahali palii; wakoziya motu ili kupata lijotu. Nayu Petro kaweriti nau, pakawota motu pakawera kagoloka. ¹⁹ Kuhani mkulu kamhojiti Yesu kumpindi ya wafundwa wakuyi na mafunda yakuyi. ²⁰ Yesu kamwankula," Naugambira mwazi mwazi ulimwengu , neni numfundishiti mara kwa maramumasinagogi na mu hekalu mahali ambapu Wayahudi hilikusanya. Na neni nzumbiti ndiri loseri mu siri. ²¹ Kwa shishi munkosiiti? muwakosii wampikanilitiu kumpindi ya shilii shanzumbiti wantu hawa wavimana mambu galii ganzumbiti. ²² Yesu pakazumbiti kal;a hangu, yumu gwa wakulu yakaweriti kagoloka kamkomiti Yesu kwa liwoku lyakuyi na kisha kazumba,' Je, hangu ndivyu ikufiravyu kumwankura kuhani mkulu?" ²³ Na Yesu yomberi kamwankuliti," Handa nzumba lijambu loseri lidoda basi guweri shahidi kwa ajili ya vidoda, na handa nuwankula vyema kwa shishi kunkoma? ²⁴ Ndipu Anasi pakampeleka Yesu kwa Kayafa kuhani mkulu kuwera wamtawalila. ²⁵ Vinu Simoni Petro kagoloka pakalipasha joto vmweni. Halafu wantu walii wamgambiriti. " Je, gwenga vilaa si yumu gwa wafundwa wakuyi?" Akakana pakazumba" Neni ndili." ²⁶ Yumu gwa wantumi wa kuhani mkulu, ambayi kaweriti mlongu gwa yulii mpatu ambayu Petro kamdumuliti likutu, kazumbiti," Je si gwenga yanukuwoni nayi kulii kubustani." ²⁷ Petro akakana kayi na mara njogolu kawika. ²⁸ Kisha wamtola Yesu kulawa kwa Kayafa mpaka Pritorio. Iweriti asubuhi na mapema. Womberi weni wingira ndili ili Pritorio. Ili nawiza kunajisika na kwilia pasaka. ²⁹ Kwa hangu Pilato kawagenderiti pakazumba," Ni ushitaka ga lya limuhusu muntu ayu? " ³⁰ Wamwankuliti na kumgambira ," Handa muntu ayu mekaweriti ndili mtenda uovu, metumjega ndili kwako." ³¹ Pilato kawagambira, Mumtoli mwenga maweni, mwakamuhukumu kugendana na sheria yenu." Nau Wayahudi wamgambiriti," Sheria ituruhusu ndili twenga kumvula muntu yoseri." ³² Wazumbiti aga ili shisoweru sha Yesu shitimiliki, shisoweru ambashu kaweriti kapera kala kuzumba kumpindi ya aina ya kuhoa kwakui ³³ Basi Pilato kingiriti kayi Praitoria kamshemitindili Yesu; kamgambiliti, " Je, gwenga ni mfalme gwa Wayahudi? " ³⁴ Yesu kamwankuliti, " Je, gwenga gunkosia liswali ali kwa sababu gufira kuvimana au kwa sababu wamonga wakulagalira ili gunkosii nemni? " ³⁵ Nayu Pilato kamwankula," Neni namyahudi ndili, au hangundili? " Litaifa lyangu na kuhani mkulu ndiyu wakujegitiu kwa neni, gwenga gutenda shishi? ³⁶ Yesu kankula ," Ufalme gwangu si gwa ulimwengu au, handa ufalme waneni meuweri na sehemu mu ulimwengu au wantumintumi wangu mewankomalili ili nawandavia kwa Wayahudi. Kwa nakaka ufalme wangu wangulawa ndili panu" Basi ³⁷ Pilato, kawaagambiliti, " Je, gwenga basi ni mfalme"? Yesu kawankuliti," Gwenga ndivyu gwanguzumba kuwera neni ni mfalme, kwa sababu ayi neni niukiti na kwa sababu ayi neni niza ulimwenguni ili weli shahidi gwa nakaka ili. Yoseri yakawera wa ayi kweli huipikanila liziwi lyangu. ³⁸ Pilato kawagambiliti," Nakaka ni shishi?" nayi pakapeliti kala kuzumba aga kagenda kwa Wayahudi na kuwagambira " Nona ndili mu koseri kwa muntu ayu. ³⁹ Mwenga mwana utamaduni untendau nimvugulili matawalilwa yumu wakati wa pasaka .Je mfira numvugulili mfalme gwa Wayahudi." ⁴⁰ Kisha wakomiti umatu pawazumba, ayu ndili, gutuvugulili Baraba. " Nayu Baraba kaweriti nyang'anyi.