¹ Kwanja kuweliti na Shisoweru, na Shisoweru kaweliti pamuhela na Mlungu, na Shisoweru kaweliti Mlungu. ² Ayu, Shisoweru, kumwanzu kaweliti pamuhela na Mlungu. ³ Vintu vyoseli vitendeka kupitira yomberi, na pota yomberi kwahela hata shintu shimu shashiweriti shitendeka. ⁴ Mnkati mwakuyi kuweliti na ukomu, na au ukomu guweriti nuru ya wanadamu woseli. ⁵ Nuru ing'ara mu giza, wala giza lidodaziwa ndiri. ⁶ Kuweliti na muntu ya karagalilwa kulawa kwa Mlungu, mweni litau lyakuyi kaweriti Yohana. ⁷ Kiziti gambira Shahidi kushuhudia kuhusu ili nuru,ili kuwela woseri hujimila kupitira yomberi. ⁸ Yohana kaweriti n dili nuru, bali kiziti ili kashuhudii kuhusu ili nuru. ⁹ Ayi iweriti nuru ya nakaka ambayi iweriti yankwiza mu dunia nayi hutumira nuru kila yumu. ¹⁰ Kaweliti mu dunia, na dunia kupitira yombeli, na dunia immanitindiri. ¹¹ Kiziti kwa vintu vyakuyi, na wantu wakuyi wamwankiti ndiri. ¹² Bali kwa waki wavua yawamwankiti weni waaminiti litau lakuyi, kwa wombeli kawapita haki ya kuwela wana wa Mlungu, ¹³ Weni wazalikiti, si kwa mwazi, wala kwa ufiru wa shimba, wala kwa ufiru wa muntu, bali kwa Mlungui mweni. ¹⁴ Na yombeli katendikiti shimba na akaishi mu mwetu, tuulola ukwisa wakuyi, ukwisa handa muntu pakee gwa kipekee yayiziti kulawa kwa Mtua, kamema neema na nakaka. ¹⁵ Yohana kashuhudiiti kuhusu yombeli, na kakomiti umatu kuzumba ," Ayu ndo uli yazumbiti habari zakuyi pazumba," Yuli yakiza kumbeli kwangu nin mkuru kuliku neni, kwa toziya kaweriti kabla ya neni." ¹⁶ Kwahel;a kulawa utimilidfu wakuyi, twenga twa woseli twanka buri kipawa baada ya kipawa. ¹⁷ Kwa kuwera sheria ijegwiti kupitira Musa. Neema na nakaka viziti kupitila Yesu kristu. ¹⁸ Kwahela mwanadamu ya kamwonitu Mlungu lishaka loseri muntu gweka yakuyi mweni ni Mlungu, yakawela mu shifua sha Tati, katenda yombeli kavimanika. ¹⁹ Na au ni ushuhuda gwa Yohana lishaka makuhani wa walawi yawalagalitwi kwakuyi na wayahudi kumkosia," Gwenga gwa gani?" ²⁰ Bila kusita na kukana, bali kankuliti ," Neni si na Kristo." ²¹ Hangu wamkosiiti," Kwa hangu gwe gwa ga vinu?" Gwenga gwa Eliya? Kazumbiti," Neni siyu." wazumbiti, Gwenga gwa nabii? kankuriti," Hapana." ²² Su wamgambiliti, Gwenga ni gwa gani, ili kuwela tuwapanani lijibu lawaturagalila"? Gulishuhudiaashi gwenga gamweni?" ²³ Kazumbiti, " Neni na sauti yakuyi yakawela nyikani:' Muirangazii njra ya Mtuwa,' gambira nabii Isaya sikazumbiti." ²⁴ Su kuweriti na wantu pali kulawa kwa Mafarisayo, wamkosiiti na kuzumba, " ²⁵ Kwa shi gubatiza basi gambila gwe si Kristo wala Eliya wala nabii?" ²⁶ Yohana kwankuriti pakatakula," Nangubatiza kwa mashi hata hangu , muwamu wenu akagoroka muntu ya kammana ndiri. ²⁷ Ayu ndi yakizi kumberi kwangu. Neni nistahilindiri kulegezia ngoi za viatu vyakuyi." ²⁸ Mambu aga gatendeki aku Bethania, ng'ambu ya Yordani, mahali ambapu Yohana kaweriti pakabatiza. ²⁹ Lishaka lalifatiti Yohana kamwoniti Yesu pakiza kwakuyi pakazumba," Guloli mwana kondoru gwa Mlungu yakaitora madoda ga ulimwengu! ³⁰ ayu ndo yazumbiti habari zakuyi pantakura," Yomberi ya kiza kumbeli mkwangu nu mkulu kuliku neni, kwa kuwela kaweliti kabla ya neni.' ³¹ Nimmanitindiri yomberi, viraa ntenditri hangu ili kuwela kavunurwi mu Israeli, kuwela niziti pambatiza kwa mashi." ³² Yohana kashuhuditi," Woniti Roho paisuruka kulawa mbinguni mmfanu gwa liuwa, na isigariti kumpindi kwakuyi. ³³ Neni nivimaniti ndili viraa yombeli yakanagalila ili mbatizi kwa mashi kang'ambiliti,' uli mweni akaoni Rohu paisuruka na kulikala kumpindi kwakuyi, ayu ndo yakabatiza kwa Rohu Mnanagala.' ³⁴ Woniti na shuhudia kuwela ayu ni mwana gwa Mlungu. ³⁵ Kayi l;ishaka lifatiti Yohana kaweriti kagoroka na wafundwa wakuyi wawili, ³⁶ wamwoniti Yesu pakagendagenda na Yohana pakazumba," Guloli, Mwana kondoru gwa Mlungu!" ³⁷ Wafundwa wawili wapikaniliti Yohana pakatakula aga pawamfuata Yesu. ³⁸ Kayi Yesu kagarambukiti na kuwalola wafundwa wali pawamfata na kumgambira," Mfira shishiu?" Wankliti, " Rabi, ( maana yakuyi ' mfunda,' gulikala koshi?" ³⁹ Kawagambazia," Mwizi na mloli. " Su waoniti na kuwona mahali pakaweriti kalikala; walikaliti pamuhela na yomberi lishaka ali, kwa kuwela iweriti ipata saa kumi hangu. ⁴⁰ Yumu gwa wali wawili wampikanila Yohana pakayowela na kumfuata Yesu kaweriti ni Andrea ,mlongu gwakuyi Simoni Petro. ⁴¹ Kamwoniti mlongu gwakuyi Simoni na kumgambira" Tumpata masihi"( ambayu katafsirwa Kristo). ⁴² Kamjegiti kwa Yesu. Yesu kamloliti na kuzumba," Gwenga ni Simoni mwana gwa Yohana" agushemwi Kristo," ( maana yakuyi 'Petro'). ⁴³ Lishaka lalifatitiu lishaka yesu pakafiriti kuwuka kugenda Galilaya, kampatiti filipo na kumgam,bira," Gufati neni" ⁴⁴ Filipo kaweliti ni mwenyeji gwa Bethsaida, muji gwa Andrea na Petro. ⁴⁵ Filipo kapatiti Nathanaeli na kumgambila, tumpata uli ambayi Musa kaandikiti habari zakuyi mu sheria na Manabii. Yesu mwana gwa Yusufu, kulawa Nazareti. ⁴⁶ Nathanaeli kamgambila," Je shintu shiheri shiwera kulawila Zazarethi? " Filipo kamgambira ,Gwizi na guloli." ⁴⁷ Yesu kamwoniti Nathanaeli pakiza kwakuyi na kuzumba," Guloli mwisraeli nakaka yakawera ndiri na uzyangaji mnkati kwa kuyi!" ⁴⁸ Nathanaeli kamgambazia, " Gunumana shi neni?" Yesu kankuliti na kumgambazia," Kabla ya Filipo kenikushemi paguweriti pasi ya mtera, nikuon iti." ⁴⁹ Nathanaeli kanlkuliti," Mfunda gwenga u mwana gwa Mlungu! Gwenga ni mfalme gwa Israeli"! ⁵⁰ Yesu kamwankura na kumgambira, toziya nikugambira nikuwaniti pasi ya mtera' je guamini? Aguoni matendu makulu kuliku aga." ⁵¹ Yesu kazumba, " Amini, amini, nuwagambira amzioni mbingu pazivuguka kuwaona malaika pawakwena na kusuruka kumpindi mwana gwa Adamu."