¹ Kulawa kwa mbui na kugenda kwa mdala wamsaguriti na wana wakui ndambu ya niwafiriti mwaziu sinenigwe ka yangu gwenga woseri warii wavimana mwaziu , ² kwa ndambu hai mwazii mumba mwetu na kugorokera pamuhela na twenga muritumbiru. ³ Uheri, rehema litumbiru haliweri na twenga kulawa kwa Mlungu na kulawa kwa Yesu kristo mwana gwa tati ndambu za mwaziu na ufiru. ⁴ Sekerela kuvimana kuna kwana wamonga watakula mwazili, nambu ili twankiti amri kulawa kwa tati. ⁵ na vinu na kuhuwira gwenga mdala,nikuragalila ndili amri ya syai ilailia ya twelitinayi kulawa kumberi,vinu turifiritwawenikwa taweni au ndiyu ufiru tutakiwa tugendigendi ndambu maragarira yakui. ⁶ Aga ndo na maragarilu galii gambila ga tupakaniliti kumbeli vinu su tutendi kugendagenda ndambwayi. ⁷ Kumbiti vinu waongu wavua wasambaa kuulimwengu, na hawajimiri kuzumba Yesu kristu kiziti mushimba.Ayu ndo kazyanga na kumrema kristu. ⁸ Muroli maweni ndambu hai na mwagamizia shintu shaseri tushitendiriti lihengu gutendi ili twawupi mafupu goseri. ⁹ Yoseri uria kendrei kulongolu ndeteri maumafundu ga Yesu kristu,kahela Mlungu .Yomberi karikariti mulifundishu kanaga tati na mwana vilaa. ¹⁰ Gambira muntu kakwiza kwa mwenga na kujegandili mafundu na nammwanka munumba mwenu na mulamsia. ¹¹ Yakamjimila kumlamsia na kurihangila muvidoda vyakui ¹² Nana vintu vivua vya kukurembelela , nanemiti kuyaremera murikaratasi na muwinu. Lakini niritumbira kwiza kwenu na tuyoweri sheni kwa sheni, mukasekerera kwetu tupati kwanga vyaseri. ¹³ Wana wa mkuru gwetu watulamsia.