¹ Mfira mwenga muvimani kaka na dada wangu, ya kuwera watati wetu waweriti pasi ya wingu na woseri wapititi mu bahari. ² Woseri wabatizitwi waweri na Musa mkati ya liwingu na mkati mwa bahari, ³ na woseri waliiti shiboga shilashilii sha shiroho. ⁴ Woseli walanditi shinywaji shilashilii sha roho. Maana walanditi kulawa mu mwamva gwa roho gwaguwafatiti na mwamba ulii uweriti wa Kristo. ⁵ Viraa Mlungu kahelepelwitindili sana na wavua wau, na maiti zau wazitapanyiti mulijangwa. ⁶ Basi mambu aga goseri gaweriti mifanu kwetu, ili twenga natuwera wantu wa kutamani madoda handa na womberi ntambu ya watenditi. ⁷ Naguwela wabudu sanamu, handa wamonga wau waweriti, ayi ni handa walembiti, ''Wantu wakaliti pasi na kulanda na wambolo kati kuvina kwa tamaa za mapenzi.'' ⁸ Natulenda uasherati handa wamonga wauwatenditi. Wafua shaka limu wantu ishirini na tatu elfu kwa sababu ayi. ⁹ Wala natumjora Kristo, handa wamonga wau watenditi na wawabongonyola kwa njoka. ¹⁰ Na, vilavi namnun'gunika, handa wamonga wau ntambu yawanun'gunikiti na kalwabongonyola na mahoka wa mauti. ¹¹ Basi mambu agu gandendikiti mifano kwetu. Wagalombiti ili kutuonya twenga - tuliofikiliwa na mapeni ga zamani. ¹² Kwa hangu kila yakatiwona kaweri makini nakatuluka. ¹³ Kwa hela lijera liwapatiki mwenga ta kawaida ndili ya wanadamu. Ila Mlungu ni mwaminifu. Hapokawaloki wawajeri kupita uwezu wenu. Pamwela na lijeru yomberi hakawapanani mlyangu gwa kulawila ili mdahi kustahimili. ¹⁴ Kwa hangu, wafiru wangu, muitugi ibada ya sanamu. ¹⁵ Nanguzumba na mwenga handa wantu wana mahala, ili muamui kumpindi ya lanzumba. ¹⁶ Shikombi sha baraka shatubariki, ushirika wa mwanzi gwa Kristo ndili? Ukati guli gwatugumega, ushirika ndili wa nshimba ya Kristo? ¹⁷ Kwa kuwera mkati ni gumu, twenga tuweriti wavua twanshimba yimu. Twenga toseri twanka mkati gumu kwa pamwela ¹⁸ Muwalori wantu wa Israeli: Je! Walii woseri waliau dhabihu si washiriki mu madhabahu? ¹⁹ Nanguzuma shishi basi? Yakuwera ya sanamu ni shintu? Au yakuwera shiboga shawalaviiti sadaka kwa sanamu ni shintu? ²⁰ Viraa mnanguzumba kumpindi mwa vintu vilii wavilavivyu sadaka wantu wapagani wa maisi, yakuwera wangulavia vintu avi kwa mapepu na kwa Mlungundili. Neni nfirandili mwenga kushirikiana na mapepu! ²¹ Mdahandili kulandila shikombi sha Mtuwa na shikombi sha mapepu . Hamdahi ndili kuwera na ushirika mu meza ya Mtuwa na meza ya mapepuu. ²² Au twangumtia Mtua wivu? Twana makakala zaidi yakuyi? ²³ Vitu vyoseri ni halali," Lakini vyoseri ndili vifaavyu." Vintu vyoseri ni halali," Lakini vyoserindili viwanyavu wantu. ²⁴ Kwahela hata yumu mekasakuli maherepa gakuyi tu badala yakuyi, kila yumu mekasakuli maherepa ga myagui. ²⁵ Mwangudaha kulia kila shintu shawaweza sokoni bila kukosia- kosia kwa ajili ya dhamiri. ²⁶ Maana" Dunia ni mali ya Mtuwa, na vyoseri vimemaziavyu." ²⁷ Na muntu yakaamini ndili pakawaalika kulia, na mfira kugenda, mlii shoseri shakawapanana na pasipu kukosia maswali ga dhamiri. ²⁸ Lakini muntu pakawagambila," Shiboga ashi shilawana na sadakag awapagani," namlia. Ayi ni kwa ajili yakuyi yakawagambiliti, na kwa ajili ya dhamiri. ²⁹ Na neni maanisha ndiri dhamira zenu. Bali dhamiri ya yulii yamonga. Maana kwa shishi uhuru gwangu uhukumiwi na dhamiri ya muntu yumonga? ³⁰ Paiwera neni nangutumila shiboga kwa shukrani, kwa shishi wanigiri kwa shintu ambashu nshukuru kwacho? ³¹ Kwa hangu, shoseri shamlia au kulanda , au shoseri shamtenda, mtendi goseri kwa ajili ya ukwisu wa Mlungu. ³² Namuwakosia Wayahudi au Wayunani, au kanisa la Mlungu. ³³ Mjeri handa neni nuwajeravyu kuwaherepela wantu woseri kwa woseri kwa mambu goseri. Nangusakula ndili faida yangu mweni, bali yawavua, na neni ni nangutenda hangu ili wapati kulopolwa.