¹ Basi kundaneni na mwanamayo. ² Mtatekwe ivakaribisha vandu vengi, namu kwa ikunda kuto, vengi vakaribisha ngoo njewa bilaimanya. ³ Manya voose vali veroni, muveli navo handu hami, ni moo wa mwanu ulevikwa shavo. ⁴ Kwakuto ndoa iheshimiwe na hatakuto kitara kifanyiwe usafi, namu Ruva nyevarukumia vahuni na vasherati. ⁵ Kahindi mko sa mwanu zamaisha sivengisha katika ikunda na besa. Muve mweriska na vindo murile, namu Ruva mweni nyaleamba, ''tingevatelea nywe kabisa, wala ivakiria nywe.'' ⁶ Basi turisike na tutete kwa ukari, ''Abaa nife engiaria tingeihova, mundu nyeidima iki ini?'' ⁷ Vawasieni vaya valevaroreni nyweni, vaya valeteta iteta la Ruva kwa mwanu, na kumbukeni matokeo amwavo, igeni imani la mwavo. ⁸ Yesu Kristo nife hiyo, na linu, na hata milele. ⁹ Utasherorwa na ifundishwa na mafundisho akwasha kwasha akigeni kwani ni undusha ngoo itengeneswe kwa neema, na shi kwa sheria ihusu chao iya tievasaidia vaya valishi kwa iyo. ¹⁰ Turile numba na vaya vekaa katika numba yo tiivete haki yejaa. ¹¹ Namu samu sa vanyama, sileduliwa sadaka kwa ajili ya mbaka, ileindwena na mobia mtwe kati ya maenoe akwasha, kwakuto moo za mwavo sileoshwa njaa ya kambini. ¹² Kwakuto Yesu nyaletetseka njaa ya mlango wa uruka, ilivavikia vandu wakfu kwa Ruva ihitia samu yakwe. ¹³ Nakwakuto tuende kwakwe njaa yakambi, tukutike fadhili sakwe. ¹⁴ Namu titwete handu hetamia kati ya mriu. Badala yakwe tutafute mri wesha. ¹⁵ Ihitia Yesu itakwe mara kwa mara mujidue sadaka yemshukuru Ruva, imsifu namu itunda la momu zamotu likiri rina lakwe. ¹⁶ Na utatekwe irunda mesha na iariana nywe kwa nywe, namu kwa sadaka Ruva eikunda yo sana. ¹⁷ Heshimuni na ijitosa kwa viongozi vamwanu, namu valiendelea ivaringa kwaajili y nafsi zamwanu,shavaya vedua mahesabu. Heshimuni ili viongozi vamwanu vaidime ivatunza kwa ikunda, na shi kwa isua, lia litevaaria. ¹⁸ Tuhembeni namu tuishi twete dhamira ngisha, tuori tuishi katika mateta mesha katika mambo ose. ¹⁹ Navose ngilivaamkulia ngoo ili murunde kuti, ili ngiidime iuya kwa mwanu mfiri singi singivuhi. ²⁰ Kahindi Ruva waloli, uya alevainde iduka kwa vaya vamefa mweringa mutuwe wa makondi, Abaa wamotu Yesu kwa samu ya maagano a milele. ²¹ Nyavaininga nguvu kwa kila kindo kisha irunda shakundu akundife, kerunda kazi kati kwa motu ilingisha yekundwa mesoni kwa kwakwe, ihitia Yesu Kristo, kwakwe kuiriliwe doka milele na milele. Amina. ²² Kahindi ngilikuninga moyo, mwanamae, iiriliwa na iteta leiningiana moyo namu kwa ufuhi lileandukwa kwa mwanu. ²³ Manya kuwa mwana maya motu Timotheo amelekelewa huru namu pamoja na nywe ngevalolea mwesha mfiri sisa kufuhi. ²⁴ Itikira vatwe navo voose na uvakunde voose. Vaya validuka italia valikutikira. ²⁵ Na neema ive na nywe voose.