¹ Kia kiveli tangu kira kia, tuleishua, kia tulekolea kwa meso amotu, kia tulekiambulia, na mavoko amotu nialekiraa-ihusu iteta lia la uzima. ² Na uzima uya uleitobirwa ili umanyikane loli, na tuleulolea, na iushuhudia, na ivavia uzima wa kirere, ambao uveli kwa Abaa na uleitobirwa umanyikane kwa motu. ³ Kia tulekolea na ikiishwa twekiamba kwa mwanu seke ili lee mwidime iva kimi nasue, na ushirika wa motu pamoja na Abaa na kona wakwe Yesu Kristo. ⁴ Na twakuandikieni findo fihofi nyueni ili lee ikunda la mwanu live itimilifu. ⁵ Iu hou nivo ujumbe tuleuishwa iduka kwakwe na ivavia; Mungu ni saa na kati yakwe tekwete mlema hata udingidi. ⁶ Kwakolea tukaamba lee twete ushirika nafe na tulitambuka mlemeni, twelemba na twerunda loli. ⁷ Hata kuto tukatambuka saeni shakundu alali katika saa, tweshirikiana sue veni kwa veni, na samu ya ma-Yesu Kristo yetusambia iduka mbiao sose. ⁸ Kwakolea tukaamba tetwete mbiao, twajilemba veni, na loli teili kati ya motu. ⁹ Hatakuto tukatubui mbiao samotu, fee niwa loli na wa haki itusamehe mbiao sa ,motu na itusambia na uvishwa wose. ¹⁰ Tukaamba lee tetwerunda mbiao twemrora fee ni wa mboru, na iteta lakwe trlili kati ya motu.