¹ Henu Peter na Yohana vavile vajelekea katika hekalu vakati va maombi, saa tisa. ² Mundu fulani chiwete tangu apangwite, avile vagega kila siku na avile vakagonikai katika mlyangu va hekalu vaukemela waamboni, ila awezai kuomba sadaka kuwoka kwa vandu vava vile vavejelekiai kuhekalu. ³ Pwamweni Petro na Yohana vakavandikila kujingila muhekalu, ajopite sadaka. ⁴ Petro akazile mio, pamonga na Yohana akalongela, "tulolai twenga." ⁵ Chiwete akavalola akaloliaye kupokela chindu fulani kuwoka kwave. ⁶ Lakini Petro akalongela, "fedha na dhahabu nenga njeta, lakini chila chiminacho chimuhai kwinu katika lihina la Yesu kirisitu va Nazaleth, gendae." ⁷ Petro akatola kwa chiwoko chaki cha kulumi, na akajinula panane: mala jimonga magendelo gake na ihundu ja mahupa gake akapata makili. ⁸ Hahumbaye panane, mundu chiwele ajimite na kwanza kugenda,akajingila kuhekalu pamonga na Petro na Yohana akagenda, nahahumbaye, na kusifu Chapanga. ⁹ Vandu woka vamweni agendaye na kusifu Chapanga. ¹⁰ Vakatambua kwamba avile ni jula mundu ambaye avile atamai ajupa sadaka kwenye mlyangu mzuli va hekalu; wajwadhute na kukangacha na kustajabu kwa sababu ja chela chichiwokile kwake. ¹¹ Namana chivile vashilikiaye Petro na Yohana, vandu woka kwa pamonga vavatukie kwenye ukumbi vaukemela wa Sulamani, vakangiche sana. ¹² Petro palolite ili jwene akawajibu vandu, "Enyi vandu va Israel, kwa kiani ikangacha? kwa kiani magalongela mio ginu kwitu ngati kwamba tatehile hajojo agendaye kwa makili gitu tavete au uchaji witu?." ¹³ Chapanga wa Ibrahimu, na Isaka, na va Yakobo, Chapanga va Tati witu, atukwize mtumishi jake Yesu. Hajojo ndiye ambaye mwangotamwenga mwakabizi na kukana palongolo ja pamio ja Pilato, japo jwene avile ahamwili kunekelea huru. ¹⁴ Mwakanaye mtakatifu va mwenye Haki, na badala jake mwapalai jwakoma anekai huru. ¹⁵ Mwangoto mwenga mwakomite mfalme va uzima, ambaye Chapanga afufue kuwoka kwa wafu- Twenga ni mashahidi va alele. ¹⁶ Henu kwa imani katika lihina lake, mundu ajojo ambaye mnamwona na kujuanila, afanyite kuwa na mkili.Imani ambayo ipitila kwa Yesu yapikile jwene afya hajeje kamilifu, palongolo jinu mwangota mwenga mawoka. ¹⁷ Yenu, Nnongo, manya kwamba mate nditi katika ujinga, ndivyo pia chavateile viongozi winu. ¹⁸ Lakini mambo ambayo Chapanga anongilile mapema kwa milo ja manabii woka, kwamba hajojo kristu chatesakai, henu agatimize. ¹⁹ Kwa yeneyo tubwiye na kugeuka ili kwamba dhambi jinu iweze kuondolewa kabisa, kusudi ihike nyakati ja kubuludika kuwokana na kuvega kwa Bambo; ²⁰ na kwamba awesaje kutuma kristu ambaye jwatehuliwe kwa ajili jinu, Yesu. ²¹ Jwene ndiye ambaye lazima mbingu yapokelai mpaka vakati va kulejishwa kwa hindu yoka, ambaye chapanga hailongile zamani yakalekwa milomo ja manabii vatakatifu. ²² Hakika musa alongile, 'Bambo Chapanga chihinuwai nabii ngati nenga kuwoka katika nongo winu. Chumujowanilai kila chindu ambacho chitanongelelai mwangoto mwenga. ²³ Chiawokilai kwamba kila mundu ambaye hajowanilajeka kwa nabii jonjoni chahangamilai kabisa awoke kati ja vandu.' ²⁴ Hena na manabii woka mmokai Samweli na vala vavafatite baada jake, valongile na kutangaza siku hajeje. ²⁵ Mwangota mwenga ni wana va manabii na wa agano ambalo chapanga aliteile pamonga na mababu, ngati chavalongile, kwa Ibrahimu, katika mbeyu jinu familia yoka ja chilambo chibalikiwa. ²⁶ Baada ja Chapanga kujinua mtumishi vake, atumite kwinu kwanza, ili avabaliki mwangota mwenga kwa kugeuka kuwoka katika uhovu winu."