¹ Vandu fulani vaulwike kuwoka Uyahudini na kuvajigana valongo, vakalongela, "msipotahiriwa ngati desturi ja Musa, mwesajika kuokolewa." ² Vakati Paulo na Barnaba pavavile na mapambano na mjadala pamonga nao, nnongo ahamwile kwamba Paulo, Barnaba, na vangi kadhaa vajaula Yelusalemu kwa mitume na akanahota kwa ajili ja swali halele. ³ Kwa yeneyo, kwa kutumwa kwao na kanisa, vapitile Foinike na Samaria vatangazaye vageuza nia kwa wamataifa valetite furaha jikolongwa nnongo woka. ⁴ Pavaikite Yerusalemu, vakalibishe na kanisa na mitume na akahota, na waliwasilisha taalifa ja mambo goa ambayo Chapanga ateite pamonga nao. ⁵ Lakini vandu fulani vavaamini vavile katika likundi la Mafalisayo vajimite nakulongela, "ni muhimu kuivataili na kuamulu vakamulai sheria ja Musa." ⁶ Heneyo mitume na akanahota wajimite pamonga kulifikilila lenelo swala. ⁷ Baada ja majadiliano malefu, Petro ajemite na kulongela kwao, "Nnongo mmanya kwamba kitambo chizuri chechipitite Chapanga ateile chaguo kati yinu, kwamba kwa mnomo wanagu mataifa vajowanaye lilowi la injili na kuamini. ⁸ Chapanga, ammanyaye mitima, ashudiye kwao, avapikia Roho mtakatifu, ngati chavateile kwitu. ⁹ Na hakutengeneza utofauti yitu na vene, akatendaye mitima jao safi kwa imani. ¹⁰ Kwa yeneyo, kwa kyani munenga Chapanga kwamba mmekai nira panane ja hingu za vanafunzi ambayo hata tati wala twenga tawesitejeka kustamili? ¹¹ Lakini tuamini kwamba chituo kolewaye kwa neema ja Bambo Yesu, ngati chavavile." ¹² Kusanyiko loka latamitenuhu pavavile vajowanila Barnaba na Paulo pavavile vawoa taalifa ja ishara na maajabu ambayo Chapanga agateile pamonga nao kati ja vandu va mataifa. ¹³ Pavalekiti kulongela, Yakobo ajibwite akalongela, "Nnongo munyowanilai. ¹⁴ Simoni ahelizila jinsi kwanza Chapanga kwa neema avasaidile mataifa ili kwamba alipatilai kuwoka kwave vandu kwa ajili ja lihina. ¹⁵ Malowi ja manabii gakubaliana na lela ngati chavajandike. ¹⁶ 'Baada ja mambo genaga chimuyai na kuijenga kavina hema ja Daudi, jiyagwile pai; chinajinue na kuhuisha uhalibifu wake. ¹⁷ Ili kwamba vandu vavabakili wamnonde Bambo, pamonga na vandu wa mataifa vavakemilai kwa lihina langu.' ¹⁸ Yeneyo ndivyo chalongela Bambo jateile mambo genaga gaga manyikana tangu enzi ja zamani. ¹⁹ Yeneyo basi, ushauri wangu ni, kwamba tukotavapikia shida vandu va mataifa vavageukila Chapanga; ²⁰ Lakini tuyandikai kwao kwamba vajiepushe kutali na uhalibifu wa sanamu, tamaa za uasharati, na yavanyongiti, na mihai. ²¹ Kuwoka vizazi ja vazee kuna vandu katika kila muchi vavahubili na kusoma Musa katika masinagogi kila Sabato." ²² Kwa yenoyo akavonikanaye kuvega yavapendize, mitue na vazee pamonga na kanisa loka, kumuhagula Yuda javakemilai Barsaba na Silas, javile viongozi va kanisa, na kuvatuma Antiokia pamonga na Paulo na Barnaba. ²³ Vayandike naha, "mitume, Vazee na nnongo, va mataifa vavavile kwa valongo va mataifa vavavile Antiokia, Shamu na Kilikia ,salamu. ²⁴ Tulisika kwamba vandu fulani ambao tavapikiejika amri yeneyo, vawokite kwitu na vavalagie kwa mafundisho gagaleta shida nafsini mwinu. ²⁵ Kwa yeneyo ivokine vyema kwitu tawoka kuhagula vandu na kuvatuma kwinu pamonga na wapendwa vitu Barnaba na Paulo, ²⁶ vandu vavavile kuhatalisha maisha gao kwa ajili ja lihina la Bambo Yesu kirisitu. ²⁷ Kwa yeneyo tamtumite Yuda na Sila, chanongililai mambo gao goka. ²⁸ Kwa kuvega avonikine vyema kwa Ntima mtakatifu na kwitu, kujaula kunani jinu mzigo ukolongwa kuliko mambo genaga gagavile ga lazima: ²⁹ Kwamba mgeukai kuwoka kwenye hindu yavawoa kwa sanamu, mihai, hindu vya kunyongwa na uasherati. Ngati chimulivekai kutali na genega, chivai vyema kwinu. kwa helini." ³⁰ Yeneyo basi chavapechangine vahelile Atiokia; baada ja kukusanya kusanyiko pamonga, vakabizi barua. ³¹ Pavavile vaisomiti, vahengwite kwa sababu ja kuvalekela mtima. ³² Yuda na Sila, na manabii, vavalekile mtima nnongo kwa malowi gamaena na kuvalekila makili. ³³ Baada ja kutama muda fulani kweneko, vavatavanyishe kwa amani kuwoka kwa nnongo kwa vala vavatumite vala. ³⁴ [Lakini yavonikini vyema sila kubakila kweneko] ³⁵ Lakini Paulo na vangi vatamite Antiokia pamonga na vangi vamaena, ambapo vafundishe na kuhubili lilowi la Bambo. ³⁶ Baada ja siku kadhaa Paulo alongile kwa Barnaba, "Na tuvuye hinu na tuvagendelai valongo katika kila muchi pituhubili lilowi la Bambo, na kuvalola chavavile. ³⁷ Barnaba apalai pia kutola pamonga nao Yohana vavakemilai Malko. ³⁸ Lakini Paulo afikilile yavilejeka vizuri kumtola Malko, javalekite kweneko Pamfilia na ajendililejeka nao katika maengu. ³⁹ Kisha penepa kwaumile kumbishana makubwa kwa yeneyo vatengine, na Barnaba atilite Malko na kusafili kwa meli mpaka Kipro. ⁴⁰ Lakini Paulo amhagwile Sila na kuwoka, baada ja kukabidhiwa na nnongo katika neema ja Bambo. ⁴¹ Na ajawile kupitela Shamu na Kilikia, akihimarisha makanisa.