¹ Kingobo apapakiba tulekine na atekuchafiri, mtuhika moja kwa moja kukilambo jwa Kosi, na kulabu chake ngatuhika kilambo cha Rodo,na kubhoka oko nguhika kilambo cha patara. ² Tutelakupanda meli ejeijombulike kujenda Foinike , tukobohokela nguusafiri. ³ Patuhikilaje nlongi jakisiwa cha Kipro, ngutuileka upande gina mgeja, tungasafiri hadi siria ngutubeka nangakatika kilambo cha Tiro, kwa magambo oko ndipo meli ibite ijipuliwe shehenaa jake. ⁴ Baada ya kuwabona wanafunzi, ngututama oko machoba saba. Wanafunzi aba ngaanlengela Paulo kupitia roho kwaba jombe, akatimbaje Yerusalemu. ⁵ Hata apatelakutimia machoba yae, twenga ngatuboka ngujenda jetu. Bote pamwe, na aikee babe na ingota yabe, ngabatuhindikila katika ndela yitu apatupita panja ja kilambo. Kisha ngatuputa majugwa pwani, ngaatujopa na ngatulagana kila jumwe. ⁶ Kutuhobokela meli, oko nabo ngababuja ukaja kwabe kabele. ⁷ Hata kutujomwile safari gitu kuboka, Tiro ngutuhika Tolemai. Papa ngutuchalimia alongo, na kutama nabo kwa lichoba jumwe. ⁸ Malabo jake tutelakuboka ngutujenda Kaisari. Twenga ngutujingila ukaja ja Filipo, mhubii jwa injili, ojoakiba jumwe jwa babala saba, twenga ngututama pamwe nabo. ⁹ Mundu ojo akiba na akabinti ancheche mabikira ambajo ngabatabiri. ¹⁰ Baada ja kutama oko kwa lchoba kadhaa, ngahukuta kuboka uyahudi nabii jumwe akemitwe Agabo. ¹¹ Jombe ngahika kwitu na ngauboya mkanda gwa Paulo. Kwa ogo ngaataba makongono na maboko jake mmene na kulenga," Roho mtakatifu ngalenga iyene," " Wayahudi wa Yerusalemu nabampunga mundu ojoammiliki mkanda ogo, nabo ngabamkamuya maboko mwa bandu jwa mataifa." ¹² Tukujoine mambo aga, twenga na bandu abakiba bakitama mahali pamba telakunchii Paulo akahobokaje kujenda Yerusalemu. ¹³ Ndipo Paulo ngaajnga," Mtenda nike, kuguta nankundwekula moja gwangu? Kwa maana mbi tayari, chi tu kutaba, lakini pya kuhika oko Yerusalemu kwa ajili ya lihia la Angwana Jechu." ¹⁴ Kwa iyene Paulo mpaije kushwishiwa, ngatuleka na kulenga," Basi mapenzi ja Angwana gatendeke." ¹⁵ Baada ja lichoba eje, tutelakutola mihukko gitu na gutuhobokela Yerusalemu. ¹⁶ Baadhi ja wanafunzi kuboka kaisari pya ngabalongiana twenga. Ngabanleta mundu jumwe ojoakemitwe Mnasoni, mundu wa Kipro, mwanafunzi wa zamani, ambajo tuamite nabo. ¹⁷ Putelakuhika Yerusalemu, alongo batelakutukaribisha kwa furaha. ¹⁸ Kilabo jake Paulo ngaajenda pamwe twenga kwa Yakobo, na akachahokola bote ngababee. ¹⁹ Baada ja kaachalimu, ngabapee taarifa jumwe baada ja jenge na mambo ambajo Nnongo ejeateile miongoni mwa mataifa kwa kupitia hiduma jake. ²⁰ Kingobo apajoine aga, ngabanhifu Nnongo, na ngabanlengela," Ntendakulola, alongo, kubina maelfu lenga btaelakumini miongoni mwa Wayahudi. Bombe bote babina nia ja kukamula Charia. ²¹ Baalengile kuhuchu mwenga, kwamba ntendakubola Wayahudi ababatama kati ja mataifa kulekana naMusa, na kwamba matendakaalengela, kaakemula ingota yao, na bakakengamaje desturi za zamani. ²² Itekupasa tutende nike? Bila shaka nabajoa kwamba mwenga muhikite. ²³ Iyene ntende chache twenga echenanengile ngoche tabina bandu ncheche ambajo babekite nadhiri. ²⁴ Maatolange bandu aba na ujitakase mene pamwe nabo, na balepele gharama jabe, ili bahotole kuchekula mimutu yabe. Iyene kilajumwe apate kumanya kwamba mambo ababalengele kuhuchu mwenga ni ya uwangi. Nabatendakukibora kwamba mwenga pya ukengime charia. ²⁵ Lakini kwa habari za mataifa ambajo bakolite waumini, tekujandika na kuboya maagizo kwamba bapasite tukiyepuka nailebe eyeiboite dhabihu kwa sanamu na damu, kubokana na chachela echekinyongite , bagiepuke na ngongola." ²⁶ Ndipo, Paulo aliwatwaa akanalome, na lichoba akanalome, na lichoba ja pili, akajitakasa mene pamwe nabo, ngaajingila hekaluni,tutangaza kipindi cha lichoba za kukitakasa,hasdi sadaka mmonyange kwa ajili ja kila jumwe bombe. ²⁷ Lichoba aga saba ejeakaribia kujomoleka, baadhi jawayahudi kuboka Asia bakamona Paulohekaluni, na makutano ngabachimwa, na ngaatondokea maboko. ²⁸ Akiba wanaputa manjega," Bandu wa Israeli, mtujangate. Ojo ni jwajo mundu apaabora bandu kila mahali mambo ambajo ni kuyeto na bandu sheria na mahali pamba pya ngaaleta Wayunani katika hekelu na kupanajisi mahali pamba patakatifu." ²⁹ Kwa kubee mwanzoni akiba bamwene Trofino muefeso akiba pamwe nabo kunjini, nabo walidhani kwamba Paulo ngabanleta hekeluni. ³⁰ Kilambo choa ngubee na taharuki, na bandu ngababutuka pamwe na kumukula Paulo. Ngabampia panja ja hekelu, na mlango mara ngiijogoka. ³¹ Aoapakiba bakijiga kumkoma, habari ngihukila n'kolongwa jwa jeshiu la walinzi kubee Yerusalemu jote ejeikiba itwelile ghasia. ³² Mara eje ngabatola achikari na jemedari ngaabutukila umati. Kingobo bandu apamweni nkolongwa jeshi la achikari, ngabaleka kumputa Paulo. ³³ Kisha n'kolongwa wa jeshingamuhegelela na ngaakamula Paulo, na ngaamuru. akapungwe minyororo mibele. Ngaakonya jombe ni gani na ametenda nike. ³⁴ Baadhi ja bandu kuumati akiba batekupayuka kilebe chenje na bangine chenge. Kwa kubee jemedari ahotwaje kuwalengela chachote kwa magambo ja gaga manjega, ngaamuru Paulo banlete ukate ja ngome. ³⁵ Basi patelakuhika kwenye ngazi,ngaatoligwa na achikari kwa magambo ja ghasia za umati. ³⁶ Maana umati wa bandu ngabakengama na ngabaendelea kuputa manjega," Mumboyange ojo!" ³⁷ Paulo apaabile anletite ukateja ngome ngaalengela kilebe?" Jwajo nkolongwa wa jeshi ngaalenga ," Je tendakulongela kuyunani? ³⁸ Je mwenga chi jwajo Mmsri ambajo awali ngaalongilekea uasi na ngaatola magaidi elfu nne nyikani?" ³⁹ Paulo ngaalenga," Nenga ni myahudi, kuboka kilambo cha Tarso ya Kilikia. Nenga ni raia wa kiolambo maarufu. Ntendakunyopa, mniruhusu nongele na bandu." ⁴⁰ Kingobo jemedari pina ngazi na ngaboya ichara kwa bandu kwa lwake. Kingobo apakiba na unuu chana, ngaanolongela nabo kwa kihebrania.Ngaalenga,