¹ Simoni Petelo, Musese na Mtumua waki Yesu Kilisito, Ku ioo naliausingile usuili uo uo wa thamani kina nalikupokelila ishee, usuili nawili mukati ya haki yaki Mukungile na muguni witu Yesu Kilisito. ² Ukende utule kumiani: amani yongeleke kukilila maalifa maki Mukungile nu Shekulu witu Yesu. ³ Kukilila maalifa maki Mukungile kualigagia mantu makue tulu kunsooko ya asalili wa ukalii, Kupuna kuaki Mukungile nalukuitile kunsooko ya uzaa wa utukufu wakue. ⁴ Ku nzila iyii aliukusuililie ahadi z athamani. Alutendile ilii wakutende asalii ii yukii lyaki Mukungile, ku kadili nakuendelile kukuuleka udobu wa unkumbigulu uu. ⁵ Kunsooko iyii, tendii ukamatiku kuyongelia uzaa ku nzila ya usuili wani, kunsooko ya uzaa, maalifa. ⁶ Kukilila maalifa, ngele, nu kukilila ngele sabuli, nu kukilila sabuli, utaua. ⁷ Kukilila utaua ulowa wa natua nu kukilila ulowa wa antua, ulowa. ⁸ kina mantu igaa makoli mukati yani, namendelile kukula mukati yani, iyogua innyee sikamukitula muagumbaa hau antu nasikamulela nkalii ku maalifa yaki Shekulu witu Yesu Kilisito. ⁹ Lakini wensi namugila ka mantu igaa, ukumaona mantu ma piipi du: mwne ingi mupoku. wiagua uweligua wa milandu yakue wa kalii. ¹⁰ Kululo, antua anee, tendii ukamatikia muihakikisilie uuteule nu witua kunsooko yani. Kina mukakumatenda igaa, sikamukakikumpia, ¹¹ Iyo mukakiligilia wingii wa lango lya kuingilila ku utemi wa kalii na kalii waki Shekulu witu muguni Yesu kilisito. ¹² Kululo inee nikitula nakondaa kukuajukia mantu igaa kila nkua, sunga kin amumalingile, na inoo muatula ku kulukulu, ¹³ Nishiga kina nilii sawa kukualailya nu kukuajukia kyanya ya mantu igaa, kili nili ku kianda ikii. ¹⁴ Ku ndogolelio ningie kina sika tungo lyipu nikalegia kiandaa kyane, kina Shekulu Yesu Klisito naliundagilile. ¹⁵ Nikakitaidi ku ukamu kunsooko kunsooko yani ili mujuke mantu igaa pembele yani kulega. ¹⁶ Kunsooko ishee sikalikutiatile masumule naliningiligue ku umani paso kinalumuilile kyanya ya ngulu ni kukilagila kuaki Shekulu witu Yesu Kilisito, bali ishee alikua mashaidi a utukufu wakue. ¹⁷ Mwene alusingile utukufu niheshima kupuna kuaki Mukungile tata paso lulii nitegeleka kunpa ku utukufu nukulu nitambula, "Uyu wayu muana wane, muilogua wane na nilogeligua nunduyo." ¹⁸ Nakuluigia lulii uluu lupuna kugulu paso kinakuensi nunduyo ku mulima uoo nawelu. ¹⁹ Kutiite lukani ulu lua unabii naligiile, na kulyaso muatenda izaa kukulitimilya. Ingi kina ntala nyukumiliminta mukiiti mpaka kinauyela ni nsonda za utui nazikigela ku mioo yani. ²⁰ Lingii igaa ya kina, kutilii unabii nayandikua kunsooko ya kukisiggisha kuaki nabii mukola. ²¹ Kunsooko kutili unabii naliwizile ku ulowa wa muanamuntu, ila ana antu aliasumigue nu Muau Muelu nalutmbuile kupuna kuaki Mukungile.