¹ Isalizi inswe twetuli nu maha tukwanziwa kuvunyetula uvuzaifu wawevali zaifu, nu tukwanziwa kujihondezya wenewe. ² Kila woka witu amuhondezya mupalamani wakwe kwani ni lijambo lyinza, kwa nsivo la kumuzenga. ³ Kwani poshe Chiristi atajihondezizye mwenewe. Badala yakwe, yamile ngati vueyisimvilwe, "INdingo zyavala vakulizile gonaga nene." ⁴ Kwa shoshonti sheshilongoleye kusimbwa, sha simvilwe kwa kutwelekezya, ikusudi kuti kutushila uvujimbilizi nu kutushila kutiwa mwoyo nu maansimba inkandituli nu vudandamazu. ⁵ Isalizi Mulungu wa vujimbilizi nu wakupa mwoyo avape kua nu nia sawa kwa kila woka kulingana nu Yesu Chiristi. ⁶ Akuwezya kuvomba ishi kwa nia mwoyo muwezye kumutima kwa lumili lwoka Mulungu nu Tata wa Mwene witu Yesu Chiristi. ⁷ Kwa hiyo muposheli kila woka, ngati shila Chiristi avaposheleye, kwa vushindamu wa Mulungu. ⁸ Kwani inkuyanga kuti Chiristi avombesile muvomvi wa tohara kwa niaba lya ndinga wa Mulungu. Avomvile ishi ili kuti awezye kusibitisya iahadi zyezyafumile kwa matata, ⁹ nu kwa mataifa kumutukuzya Mulungu kwa uwila zyakwe. Ngati ambayo insimbwa, "Kwa hiyo ntafuma isifa kwaho miongoni mwa mataifa nu kukwimba isifa mu zina lyaho." ¹⁰ Havili yikuyanga, Seshelelaji, imwe vantu wa mataifa, poka nu vantu vakwe." ¹¹ Nu havili Mutimaji Mwene, winyu mataifa gonti; leha vant wa mataia gonti vamutime uwene." ¹² Havili Isaya akuyanga, "Kuliyimanani nu shina la Yese, nu woka alivuha kutawala pamwanya lya mataifa. Mataifa valiyima nuvusuvilo mu uwene." ¹³ Isalizi Mulungu wa lusuvilo avizuzye nu luseshelo lwonti nu amani kwa kukwitiha, ili kuti muwezye kuzidi mu lusuvilo, kwa maha lya Mupepo mufinjile. ¹⁴ Nene welele shanishiwilwe nimwe, vajenzi vane. Shanishilwe kuti welele imwe wenewe mwizyuliwilwe nu winza, mwizyuliwilwe nu vumanyi wonti. Inkushawishiwa kuti, imwe mukuwezya welele kuhimizya kila woka nu wamwavo. ¹⁵ Ilelo inkusimba kwa vadandamazu nkani kwinyu pamwanya lya amambo gamo ili kuvakumusya havili, sababu lya shipawa yeimpewilwe nu Mulungu. ¹⁶ Shipawa shishamile kuti imbwezye kuva muvomvi wa Yesu Chiristi wevamusontelezizye kwa mataifa, kujifumwa ngati kuhani wa injili lya Mulungu. Nkenawezizye kuvomba ishi ili kujefwa kwa Mulungu kwa mataifa kuva kwitishiwilwe, kuvishilwe kuluvazu nu Mulungu kwidala lya mupepo mufinjili. ¹⁷ Isho luseshelo lyane lwane yili mu Chiristi Yesu nu mu amambo lya Mulungu. ¹⁸ Kwani intagawezya kujalibu kuyanga lyolyonti isipokuva kuti Chiristi akamilisizye kutushila kwane uwitisi wa mataifa. Aga amambo gatimiziwilwe kwizyi nu tendo, ¹⁹ Kwa maha zya ishara nu maajabu, nu kwa maha zya Mupepo mufinjile. Ino yali ili kuti kufuma Yerusalemu, nu kuzyungulila apatali ngati kweyili, imubezye kuyinyetula panzi kwa ukamilifu utastimenti lya Chiristi. ²⁰ Kwa kwidala ili, inia yane yimile kuyilumbilila utastamenti, ilelo te sehemu Chiristi akumanyiha kwa zina, ili kuti intahawezye kuzenga pamwanya lya musingi wa muntu uvunji. ²¹ Ngati yisimvilwe: "Ambao kwa uwene vatali ni haali zyakwe ayinzila valimulola, nu vala vatamuivuye vali mumanya." ²² Kwahiyo namile welele indindiwilwe mara winyi kwinza kwinyu. ²³ Ilelo isalizi, intali havili sehemu yoyonti mu mikowa ino, nu nimile inkutamani kwa miaha minji kwinza kwinyu. ²⁴ PIsho mara lwonti inkuvala Hispania, indinulusuvilo ingenavalololwe inkutuha, nawezya kutwalwa kwidala lyane nimwe, baada lya kuwa insesheye uvushilika nimwe kwa muda. ²⁵ Ilelo isalizi nasogoye Yerusalemu kuvahudumila avavitisi. ²⁶ Maana yahondeye vantu wa Makedonia nu Akaya kuvomba indajizyo maalumu kuvapina miongoni mwa vitisi ukwo Yerusalemu. ²⁷ Ndiyo yanile kwa shikunzi shavo, ndiga vavadeni vavo mana nyeyava amataifa gvashilikile mu amambo gavo lya shiroho, vakudaiwa navo welele kuvahudumila mu mahitaji gavintu mu mahitaji lya vintu. ²⁸ Kwa hiyo, ahavalilizyo mwakamilisya ivi nu kuva uvukwilanu uwintonongwa ili kwavo, indekutimbale mwidala poka nimwe ukwo kuhispania. ²⁹ Imanyile kuti, ahavalilizyo heninza kwinyu indiyinza muvulinganu uwavulo zya chiristi. ³⁰ Isalizi inkuvahomelezya vajenzi kwa Mwene witu Yesu Chiristi nu kuwa shikunzi wa Mupepo, kuti mwashili kile poka nane mandavo zyinyu kwa Mulungu kwa ajili yane. ³¹ Lavaji kuti imbezye kupokwa kufuma kuvitisi mu Yudea, nu kuti huduma lyane ukwo Yerusalemu iwezye kuposhelewa nu vautisye. ³² Lavaji kuti ingawezya kwinza kwinyu kuluseshelo kutushila shikunzi lya Mulungu, nu kuti imbezye kuva poka nane, kupata kutuzya. ³³ Nu Mulungu wa amani ave poka nimwe mwenti. Amina.