¹ Mu isinku ilyo Yesu ayefile mnkaya nu kutendama mluvazu lya sumbi. ² Impuga impiti yavungine kwa muzyungula ayinjie mkasi lya wato nakutendama mkasi yakwe impuga yonti vahimilila muluvazu lya sumbi. ³ Kisha Yesu ahayanga amazwi aminji kwa mufano, atili, "Yenya, umpanzi asogoye kuwala. ⁴ Lwe amali kuwala baadhi lya mbeyu zya gwiliye mluvazu yidala niynyonyi zihinza zihaziseva. ⁵ Imbeyu izinji zyagwiliye pamwanya lya yalawe, ambapo zitapaste intope wa inyakukwilana ghafla zyamezile kwa sababu intope vitamali nu vutali. ⁶ Ilelo izuva lwelihafuma zihapebwa kwa sababu zitamali nu mazi pezihuma. ⁷ Imbeyu izinji zyagwiliye pakasi lya makwi aminvwa amakwi agaminvwa ihatalimpa kumwanya ihagabuda. ⁸ Imbeyu zimo zyaguye pansi inyinza nu kupapa imbeyu izyamwano mala miya moja nkani, izyamwavo sitini ni zyamwavo thelathini. ⁹ Weali nu makwutwi nu ayivwe. ¹⁰ Avanavunzi vinzile nu kumuvuzya Yesu, Shoni ukuyanga nu mpuga kwa mufano?" ¹¹ Yesu ahajibu kuvavuzya mpewilwe uvupendeleo wa kumanya isili zya uvufalume wa kumwanya bali kukwavo vatavapiye. ¹² Ilelo wewonti wealinasho, kwake uwene kwayonjezewe nkani, nu kwapate ifaida impiti. ilawe atalinasho poshe shila shealinasho vakumufula. ¹³ Isho nkuyanga navo kwa mufano kwa sababu ingawa vakulola, vatahalole nkani. Nu ingawa vakwivwa atahivywe wala kumanya. ¹⁴ Uvukuwi wa Isaya watimila kwavo ula weukuyanga pe mukwivwa mwivwe ilelo kwa namuna yeyonti temumanye; wakati lwemkulola muwezye kulola ilelo kwa namuna yeyonti ila mtahamanye. ¹⁵ Nu amoyo lya vantu ava gavahisi shigomu ku kiwivwa, nu vasinziliye aminso gavo ili vatahawezye kulola kwa minso gavo, au kukwivwa kwa makutwi gavo, au kumanya kwa moyo gavo, Hivyo vanga gevushila havili, nu kuvaponywa.' ¹⁶ Bali aminso ginyu gabalikiwilwe, kwa kuwa gakulola, nu makutwi ginyu kwa kuwa ga kwiva. ¹⁷ Mwemmwo nkuvavuzya avakuti avinji vantu vevali nu wandinga vamali nu hamuya kugalola amambo gala vatagivuye ¹⁸ Isalizi yivwi mufano wa mpanzi. ¹⁹ Ahavalilizyo wewonti wa kwivwa izwi lya uvufalume nu atahalimanye, ndipo umtala malandu akwinza nu kushinyatula sheshi walilwe mkasi lya moyo wakwe ino yembeyu ila yeya walilwe mluvazu kwidala. ²⁰ Uwene we awalilwe mu mivwa ni vula wakuuvwa izwi nu kuliposhela kala kasya kuluseshelo. ²¹ Bado atalinu mazi mkasi yakwe, ila akuvumila kuhavalilizyo ahafupi. Ahavalilizyo amatatizo au mateso lwegatokela kwa sababu lya ineno kupunula gafla. ²² Awalilwe kati lya kwi lya minvwa, uno wevula akwivwaizwi ilelo masumbuko aga munsi nu vudanganyifu wa utajili kulibida lila izwi litinze lipape amatunda. ²³ Awalilwe kwenye ntope inyinza, uno we vula akwivwa izwi nu kulimanya. Uno wevula we akupapa amatunda nu kukwendelela kupapa moja inkani lya mala miya, yimo sitini, yimo thelathini." ²⁴ Yesu ahavapa Mufano uwamwavo. Ahati, "Uvufalume wa kumwanya vukuhola nu muntu we awaye imbeyu inyinza mu shamba lyakwe. ²⁵ Ilelo avantu lwevahivwa, uadui wakwe ahinza vulo ahawala amapelele pahati lya ngano kisha ahavala izyakwe. ²⁶ Baadaye ingano lweihamela nu kufuma amazao gakwe, ndipo mapelele gahaloleho vulo. ²⁷ Nu avavonvi ava muhete mugunda vahinza vaha muvuzya, 'Mwene, utawaye imbeyu inyinza mu mugunda waho? Yavavuli isalizi lili nimpelewe? ²⁸ Avavuzya, avahaduwi vavovile ili avavonvi vahamuvuzya, "Kwa hiyo ukwanza tuvale twipe? ²⁹ Uwa mugunda ingati ndali lwemukuupa amagugu mukwipa poka nu ngano. ³⁰ Galehaje gakuleshe poka mpaka ahavalilizyo ahakuvuna kwenjanje kuva vunaji, 'Isuti gipe amagugu nu mugapinye amalundo malundo nu kugapemba, ilelo vunganishi ingano mushagashane."" ³¹ Kisha Yesu avafumwizya ishiholanyo ishamwavo ahati ishina mwene sha kumwanya shikuholana nu mbeyu lya haladali ye muntu ayinyatuye nu kuyiwala mu mugunda wakwe. ³² Imbeyu ino kuvuhakika nyinsi kuliko imbeyu iziinji zyonti. Ilelo ingeyamela kuva mpiti kuliko imime lya yonti lya bustani, likuva ikwi, kiasi kuti inyonyi zya kumwanya zikwinza nu kuzenga ivisanzo mu matawi gakwe." ³³ Ahavavuzya ishiholanyo ishamwavo ahati uvupuma wa kumwanya ngati vuhali vula ila vunyatuli lwenu mwantanda nu kusanganywa kuvipimo vitatu kwa uvu mpaka vivushe. ³⁴ Ago gonti Yesu agayanzile kwenye mpuga kwa mufano. Nu lwepatali mufano atayanzile sheshonti kukwano. ³⁵ Ino yamali kuti shilashe shaya ngilwe lutushila kwa mukuwi shiwezye kutimila, pala peayanzile, "Kwengubule ilomu lyane mu Mufano. Kwenjanje inongwa zila zyezya lipo vazyisile tangu misingi yansi." ³⁶ kisha Yesu ailesile ipuga nu nu kuvala kuhaya. Avanafunzi vakwe vahamuvalila nu kuyanga, tufafanulile mufano wa mapelele lya mugunda." ³⁷ Yesu ahajibunu kuyanga, Akuwala imbeyu inyinza we mwana wa Adamu. ³⁸ Umugunda yensi niimbeyu inyinza avavana wa uvufalume. Mapelele ni wvana wa yula umunanzi, nu aduwi we aziwaye ni ibilisi. ³⁹ Nu mavuno mwisho wansi nu avunaji veva havizya. ⁴⁰ Ngati she mapelele vakuga vunganiha nu kupembwa umoto, isho vwe iliyima umwisho wansi. ⁴¹ Umwana wa Adamu kwatume avahavizya vakwe, nu kuvunganiha kufuma mu vufalumu wakwe amambo gonti gega sababisizye imbivi nu vala vevakuvomba imbivi. ⁴² Valisumba vonti mwi tanulu lya mwoto kwe kuliyima inkuta nu kusya amino. ⁴³ Ndipo avantu vali nu wandinga valilama ngati lizuva mu uvufalume wa Tata wavo. Uwene weali nu makutwi nu payivwe. ⁴⁴ Uvufalume wa kumwanya ni ngati sefu yeyizishilwe mu mugunda. Umuntu aiyilola nu kuizyiha mu luseshelo lwakwe ahavala kukazya vwonti vweamile nuvwo nu kukala umugunda. ⁴⁵ Havili, uvupuma wa kumwanya vuli ngati muntu weakuvomba ibiyashala weakulondola ilulu lya thamani. ⁴⁶ Ahavalilizyo lweahayilola ila lya thamani ahavala ahakazya shintu sheamali nasho nu ahayikala. ⁴⁷ Uvufalume wa kumwanya ni ngati nyavu yeyili mkasi lya sumbi, nu kuti kuvunganiha iviumbe ivwa kila aina lwe vuhizula avavuvi vahavuvuta mpaka mluvazu. ⁴⁸ Lwe vuhizula avavuvi vahavuvuta mpaka mluvazu. Kisha vahatendama pansi vahavuvililo ilelo vwevitali ni thamani vwasumbilwe ukutali. ⁴⁹ Iliyima inamuna ino mu mwisho wansi avahavizya wali yinza nu kuvalehanya avantu avambivi kufuma muvala vevali nu wandinga. ⁵⁰ Nu kuvasumba mkasi yitanulu lya mwoto kwekuliyima inkuta nukusya amino Mwamanya amambo gonti aga? ⁵¹ Mwamanya amambo gonti aga? Avanafunzi wahajibu, "mwemumwo". ⁵² Kisha Yesu ahavavuzya kila msimbwe ava mwanafunzi wa uvupuma akuholana nu wa nyumba we akuumwa mu hazina yakwe ivintu ivipwani nu vwahali." ⁵³ Ikawa Yesu ahamala iviholanyo vwonti ivwo ahepa msehemu iyo. ⁵⁴ Kisha Yesu lwehafiha mu mkowa wakwe nu havalanganizya avantu mu sinagogi. Matokeo gakwe vahasamaye nu kuyanga kwoshi umuntu uno papaste ihekima ino namiujiza ino? ⁵⁵ Umuntu uno te mwana wa Selemala? Mariamu te vunyina? nu vajenzi wavwe te vu Yakobo, Yusuph, Simoni nu Yuda? ⁵⁶ Nu vadada vakwe tulinavo panapa? baasi umuntu uno agazile kwoshi aga yonti?" ⁵⁷ Avachukizizye. Ilelo Yesu avavuzizye, "Unabii atakukosa kuva nu mshinzi isipokuwa kumwavonu munsi yavo. ⁵⁸ Nu atavezizye kuvomba imiujiza aminji kwa sababu vatamali nu imani nawene.