¹ Kisha, Yesu akiwa ayizuye Mupepo Mufinjile, agalusile kufuma Njenje Jordani nu alongoziwilwe nu Mupepo mwalugwa ² kwa insiju arobaini, nu ukwo aligwilwe nu Setano. Avalilizyo hanaho ataliye shoshonti, nu mwisho wa ahavalilizyo hanaho alihisi nzala. ³ Setano ahamuvuzya, "Ngati iwewe ni Mwana wa Mulungu, livuzye iwe ili kuva mukate." ⁴ Yesu ahajibu "Yisimvilwe; 'muntu teahatenda mukate weka." ⁵ Kisha Setano amwongozizye pamwanya kwenye yigamba nu ahamulolesya ufalme zyonti zya munsi kwa umuda ahansi. ⁶ Setano ahamuvuzya, "Inkukupa amamulaka ga vutawala ufalme hizi zyonti poka nu fahari zyakwe. Inkuwezya kuvomba shoshonti pisho kwa sababu vyonti vikabiziwilwe kwane ivitawale, nu inkuwezya kumupa wowonti inkwanza kumupa. ⁷ Kwahiyo, ngati unganiinamila nu kumuputa, vintu ivi vyonti vikuva vwaho." ⁸ Ilelo Yesu ajivile nu kumuvuzya, 'Yisimvilwe, "Lazima umupute Mwene wa Mulungu waho, nu lazima umutumishile uwene weka yakwe." ⁹ Baadaye Setano amulongozizye Yesu hadi Yerusalemu nu kumuviha isehemu lya pamwanya kabisa lya jengo la hekalu nu kumuvuzya, "Ngati iwewe ni Mwana wa Mulungu, jisumbe pansi kufuma ipa. ¹⁰ Kwa sababu ysimvilwe "Alivalajizya ahavizya vakwe vakutunze nu kukulinda, ¹¹ nu valikuvusya pamwanya munyove zyavo ili kuti utahavwalzye vinama vwaho pamwanya yiwe.'' ¹² Yesu ahajibu amuvuzizye, "Yiyangwilwe, "Utahamjaribu Mwene Mulungu waho." ¹³ Setano amala kumulunga Yesu, asogoye zyakwe nu kumuleha hadi ahavalilizyo ahamwavo. ¹⁴ Kisha Yesu agalusile kwa maha zya Mupepo, nu ihabari kuhusu uwene zihayela nu kusata mu mikoa jirani gonti. ¹⁵ Asambilizizye mu masinagogi gavo, nu kila woka ahamusifu. ¹⁶ Insiku lyoka asogoye Nazareti, muji ambao alelewilwe nu kukulila. Ngati vweyamile desturi yakwe ayinjile kwenye sinagogi insiku lya sabato, nu ayimiliye kusoma amaandiko. ¹⁷ Akabiziwilwe igombo la nabii Isaya, pisho, afunguye igombo nu ahalondola isehemu yeyisimvilwe, ¹⁸ "Mupepo wa Mwene pamwana yane, kwa sababu amisile amafuta kulumbilila ihabali njinza kwa masikini. Asontelezizye kutangazya uhuru kwa kuvakungwa, nu kuvomba vatakulola vawezye kulola havili. Kuvaweka huru vala vakugandamizwa, ¹⁹ kuvutangazya umwaha ambao Mwene alilolesya uwinza wakwe." ²⁰ Kisha ahaligubishila igombo, ahamugalusizya shiongozi wa sinagogi, nu vahatenda mapansi. Aminso lya vantu vonti vamile mu sinagogi vamwinjiliye uwene. ²¹ Ayanzite kuyanga navo akuyanga, "Lelo iandiko ili lyatimizwa makutwi gintu." ²² Kila woka pala ashimishizizye shila ashiyanzile Yesu, nu vinji mukasi yavo vasukumiye nu amazwi lya mushinzi gamile kufuma mwilomu lyakwe. Vamile vakuyanga, "Uno ni mujaha welele wa Yusufu, te Pisho?" ²³ Yesu ahamuvuzya, "hakika kutimuya hili imethali ino kwane, "Tabibu, jinyonje mwenewe. Shoshonti shetwashivuye ukuvomba Kapernaumu, shivombe ipa shijiji kwaho." ²⁴ Welele ahayanga, "hakika inkuvavuzya imwe, kutali nabii akwitishilwa mu munsi yakwe." ²⁵ Ilelo inkuvavuzya imwe ndinga kuti kwalinava nu vajane avinji Israel mu shipindi sha Eliya, ahavalilizyo kumwanya kwinze kwa fungwa kutahime ni mvula kwa miaha gatatu nu nusu, ahavalilizyo kwali nu nzala mupiti mu nsiyonti. ²⁶ Ilelo Eliya atatumwilwe kwa wowonti woka wavo, Ilelo kwa mujane woka tu ahatendamaga Sarepta papipi nu muji wa Sidoni. ²⁷ Welele, kwamile nu vakoma avinji Israeli mu shipindi sha Elisha nabii, Ilelo kutali poshewoka wavo ahaponywa isipokuva inkwitiha muntu wa Siria. ²⁸ Vantu vonti mukasi lya singaogi vinzile nu mulaha vagalema iga gonti. ²⁹ Vimiliye nu kumusukumizya panzi lya muji, nu kumulongozya mpaka kuvukingo wigamba lya muji wavo wazengwilwe pamwanya yakwe, ili wawezye kumusumba pansi. ³⁰ Ilelo atusile salama mu yavo nu ahavala zyakwe. ³¹ Kisha ayishiye Kapernumu, mu muji wa Galilaya. Sabato yoka amile akusambilizya vantu mukasi lya ³² sinagogi.Vasukumizizye nu nsambilizyo yakwe, kwa sababu asambilizye kwa mamulaka. ³³ Isalizi insiku ilyo mukasi lya sinagogi, kwamile nu muntu weamile nu mupepo lya impepo ichafu, nu ahakutaga kwa isauti lya pamwamwanya, ³⁴ "Tuli shoni imwe, Yesu wa Nazareti? Winza kutwangamizya? Imanyile iwewe ni nanu! iwewe ni mufinjile wa Mulungu!" ³⁵ Yesu alikemeye impepo ahayanga, "Puma mwa, nu mwepe muntu uno!" Impepo vula amusumba muntu vula pansi pakasi mu yavo, mwefile vula muntu bila lya kumusababisizya amavu gegonti. ³⁶ Vantu vonti vasukumiye, nu vendeleye kuliyanga yanga ijambo ilyo kila woka nu wamwavo. Vahayanga, "Ni amazwi lya aina vuli iga?" Akuvuzya impepo ichafu kwa mamulaka nu maha nu vakwepa." ³⁷ Pisho, ihabari pamwanya lya Yesu zihayela kila sehemu mu amazwi gegazyunguluye mukoa uwo. ³⁸ Kisha Yesu ayefile mu muji uwo akukwinjila mu nyumba lya Simoni. Isalizi, mayi vwala wakwe nu Simoni amile avinili ihoma inkali, nu vahamusii kwa niaba yakwe. ³⁹ Pisho, Yesu amusejeleye, ahayakimela yila ihoma nu yihamuleshela. Gafula ayimiliye nu kukwanda kuvatumishila. ⁴⁰ Zuva lyali likuswa, vantu vamuleteye Yesu kila woka weali muvinu wa marazi lya aina mbalimba. Avisile nyove zyakwe pamwanya lya kila muvinu nu kuvaponya vonti. ⁴¹ Amapepo welele gavefile avinji vavo gakuhola kwa isauti nu kuyanga, "Iwewe ni mwana wa Mulungu!" Yesu agakemeye amapepo nu kugaluhusu yanje, kwa sababu vamanjile kuti uwene amile ni Chiristi. ⁴² Ahavalilizyo kwasha, asogoye ieneo lyelitali nu vantu. Makutano lya vantu vamile vakumulondola nu vahinza kwa ieneo amile. Valinzile kumudindila atahavale apatali. ⁴³ Ilelo ahavuzya, "Lazima welele indumbilile ihabari nyinza zya ufalme wa Mulungu mu muji wamwavo mwinji, kwa kuwa ino ndiyo sababu natumwilwe ipa." ⁴⁴ Kisha ayeneleleye kulumbilila mukasi lya masinagogi mu uyahudi mwonti.