¹ Yesu ahavavuzya havili vanafunzi vakwe, "Pamile nu muntu woka tajiri weamile nu meneja, nu vamuvuzizye lya kuti meneja unoakutapanya mali zyakwe. ² Pisho tajiri ahamwita, ahamuvuzya, "Ni shoni ishi inkushivwa pamwanya yaho? Fumwa ihesabu lya vumeneja waho, kwa kuva utangawezya kuva meneja havili.' ³ Vula meneja ahayanga mumwoyo wakwe, imbombe shoni, maana mwene wane amakunefwezya imbombo yane lya vumeneja? Intali maha zya kulima, nu kulava inkulola nsoni. ⁴ Imanyile kuti indivombe ili vanefwa mu imbombo yane lya vuwakili vantu vankalibisye munkaya zyavo. ⁵ Pisho uwakili ahavita vadeni wa mwene wakwe kila woka ahamuvuzya wa kwanda, 'ukudaiwa shiasi vuli nu mwene wane?' ⁶ Ahayanga vipimo mia moja ivwa mafuta ahamuvuzya 'nyetula hati yaho tendama hakasya simba hamusini.' ⁷ kisha ahamuvuzya wamwavo nu iwewe ukudaiwa shiasi vuli?' ahayanga 'vipimo mia moja ivwa vusu wa ngano.' Ahamuvuzya 'nyetula hati yaho simba semanini.' ⁸ Vula mweneahamutima meneja umuvivikwa vila avomba kwa werevu. Kwa kua vana wa muulimwengu uvu ni werevu nyinji nu shughulika kwa vushevu nu vantu wa luvazu waho kuliko vwevali vana wa muvuzeru. ⁹ Nane inkuvavuzya jivombelaji machale kwa mali lya vuvivi ili lweyava nayimo vavakalibisye mu makao lya shima. ¹⁰ Aliye mwaminifu mu lyelili ahansi nkani akuvanga mwaminifu kulila lyelili lipiti welele. nu muvivi mu lyelili ahansi huva muvivi mu lyelili lipiti welele. ¹¹ Ngati imwe mutali vaminifu mu mali lya vuvivi ni nanu kutiavitishe mu mali lya ndinga? ¹² Nu ngati mutali vaminifu mu kutumila mali lya muntu wamwavo ni nanu kutiakupe yeyili yinyu mwenewe? ¹³ Kutali muvomvi angawezya kuvavombera vamwene vavili, kwa maana kutiamwilwe woka nu kumusungwa wamwavo, ama kutiavepoka uno nu kumusufwa uno Mutangawezya kumuvombela Mulungu nu mali." ¹⁴ Basi Mafalisayo, vamile vasungwilwe ihela vagivuye iga gonti nu vahamuzihaki. ¹⁵ Nu ahavavuzya, "Imwe ndiyo kujidai ihaki pilongolela lya vanadamu, ilelo Mulungu agamanyile amoyo ginyu. Kwa kuva lyelishindikwa kwa vanadamu huva lichukizyo pilongolela zya Mulungu. ¹⁶ Sheria nu vanabii vwalipo mpaka Yohana ayinzile. Kufuma ahavalilizyo uno, ihabari nyinza lya ufalme wa Mulungu vukulumbililwagwa, nu kila muntu akulingaga kujinjizya kwa maha. ¹⁷ Ilelo ni rahisi kwa imwanya nu munsi vwepeshe kuliko poshe herufi yoka lya sheria yikosenkane. ¹⁸ Kila akumuleha umushi nu kumwimala mushi mwamvo akuvembuha, wope akumwimala uwene alekwilwe nu mulume akuvembuha. ¹⁹ Pamile nu muntu woka utajili azyeye amenda zya rangi lya zambarau nu kitani inzelu nu amile akuseshela kila lisiku vutajiri wakwe vupiti. ²⁰ Nu vapina woka zina lyakwe Lazaro avikwilwe pigeti lyakwe, nu ali malonda. ²¹ Wope amile akutamani kukwikuta kwa makombo geguye mu meza lya vula tajili poshe imbwa zihinza kumumwanta malonda gakwe. ²² Yihava vula vapina ahafwa nu ahanyetulwa nu ahavizya mpaka pashifuva kwa Ibrahimu. vula tajili wope ahafwa ahasyilya. ²³ Nu kula kuzimu amile mu mayimba agavusizye aminso gakwe ahamulola Ibrahimu kwa patali nu Lazaro pashifuva shakwe. ²⁴ Ahakuta ahayanga, 'Tata Ibrahimu, fwila uwila umusontelezye Lazaro avishe umwisho lya samba hakwe muminzi, avuburudisye ulimi lwane; kwa sababu inkuyimba mu mwoto uno. ²⁵ Ilelo Ibrahimu ahayanga, 'Mwanawane kumbuha lya kuti mu maisha gaho wagaposheleye amambo gaho aminza, nu Lazaro shinisho apasite mavivi. Ila isalizi alipo apa akufafijiwa nu iwewe ukuvwale. ²⁶ Nu nkani lya igo, kwimile shimo kubwa nu litali kati yitu, ili vala vakwanza kufuma uku kukwinza kukwinyu vatahawezye vala vantu wa kwinyu.' ²⁷ Vula tajili ahayanga, 'Inkulava Tata Ibrahimu, kuti munsontelezye mukaya kwa tata wane ²⁸ kwa kuva ninao vajenzi vasano ili vasunse, kwa lyoga kuti vope welele valiyinza isehemu ipa pa mayimba.' ²⁹ Ilelo Ibrahimu ahayanga, 'Valinavo Musa nu vanabii. Valeshevatejelezye avene. ³⁰ Vula tajiri ahayanga, 'ndali, Tata Ibrahimu, ilelo ngati vasogolela muntu akufuma kwa vafwe valintonta.' ³¹ Ilelo Ibrahimu ahamuvuzya, 'vatavatejelezya Musa nu vanabii vantangashawishiwa poshe muntu azyuha mu vafwe.