¹ Ilelo Sauli, ayendeleye kuyanga vitisyo poshe vya kufwa kwa vanafunzi wa Mwene, asogoye kwa kuhani mupiti ² nu kumulava barua kwa ajili lya masinagogi ukwo Dameski, ili kuti ingeamupata muntu weali Kwidala lila, ave mwanavuli au mwantanda, avapinye nu kuvaleta Yerusalemu. ³ Poshe peamamile akusafili, yatokeye kuti lweapalamila Dameski, gafula yihamuhozya kwonti kwonti uvuzeru kufuma kumwanya,' ⁴ wope ahagwa pansi nu ahivwa isauti yikumuvuzya, "Sauli, Sauli mbona ukunjivwa nene?" ⁵ Sauli ahajibu, U nanu iwewe Mwene? ahayanga, 'Nene ndiye Yesu ukumbuzi; ⁶ Ilelo vuha, yinjila mumujini, wope kuti uvavuzye gegakwaniwa kutiumbe. ⁷ Vala vantu vevasfiliye poka nu Sauli vahapuma mwa, vakutijelezya isauti, vatakulola muntu. ⁸ Sauli ahavuha mu munsi nu lweagubula aminso gakwe, atawezizye kulola shintu, vahamulema inyove vahamuleta mpaka Dameski. ⁹ Kwa insiku tatu atakulola, hali atakulya kumwela. ¹⁰ Basi pepali umwanafunzi Dameski zina lyakwe Anania, Mwene ayanzile wope mu maono, "Anania."Nu kuyanga, "Yenya, nipo apa, Mwene. ¹¹ "Mwene ahamuvuzya, "Vuha uvale zyaho mu mutaa wevukwitwa nyofu, nu mu nyumba lya Yuda nu uvuzilizye muntu kufuma Tarso weakwitwa Sauli; maana ashili akulava; ¹² nu amuwenyi mu maono muntu zina lyakwe Anania akwinjila nu kumuvishila inyove pamwanya yakwe ili kuti apate kulola. ¹³ Ilelo Anania ahajibu, Mwene, inivuye ihabari zya muntu uno kwa vantu avinjij, kwa shiasi vuli avavombeye imbivi vafinjilwa wa hukwo Yerusalemu; ¹⁴ Apa ana mamulaka kufuma kwa kuhani mupiti kumulema kila woka akulyitishila zina lyaho. ¹⁵ Ilelo Mwene ahamuvuzya, "Sogoli, kwa maana uwene shililo shiseva kwane, alyililwe zina lyane pilongolela lya Mataifa nu wafalme nu vana wa Israeli. ¹⁶ Maana kutiimbalolesye yalivyo minji gatakumwanza kuyimba kwa ajili lya zina lyane." ¹⁷ Anania ahavala, ahinjila mula munyumba; ahamuvishila inyove ahayanga, Mujenzi Sauli, Mwene Yesu, akuloleshye mu kwidala pamile ukwinza, ansontelezya upate kulola havili nu uyizule Mupepo mufunjile. ¹⁸ Gafula vihagwa muminso pakwe ivintu ngati vipapazula, apata kulola, ahimilila, ahozelwa, ahalya shakulya nu kupata amaha. ¹⁹ Ahatendama poka nu vanafunzi ukwo Dameski kwa insiku nyinji. ²⁰ Ahavalilizyo huo huo ahamutangazya Yesu mu masinagogi ahayanga kuti uwene ni Mwana wa Mulungu. ²¹ Nu vonti lwevivwa vahasukumila nu kuyanga, "Te muntu uno weavananginye vonti vevisite Zina ili ukwo Yerusalemu? Nu apa ayinzile kwa kunsivo la kuvapinya nu kuvatwala kwa vakuhani." ²² Ilelo Sauli awezesizwe kulumbilila nu kuvomba vayahudi vatendime Dameski vachanganikiwe nu kusibitisya lya kuwa uno ndiye Chiristi. ²³ Baada lya insiku nyinji, Vayahudi vahavomba shari poka ili vamugoje. ²⁴ Ilelo umupango wavo vuhamanjiha nu Sauli. Vahamugundamila pamulyango musanya nu vusiku vapate kumugoga. ²⁵ Ilelo vanafunzi vakwe vahamunyetula insiku vahamwisya kutushila muluvumba, vahamwisya pansi mu kapu. ²⁶ Nu Sauli afiha Yerusalemu, ahajilibu kujivunga nu vanafunzi ilelo vamile kumwogopa, vatahasadiki kuva uwene ni umwanafunzi. ²⁷ Ilelo Baraba ahamunyetula nu kumutwala kuvamitume, Nu velekezya namuna Sauli vweamuwenyi Mwene mwidala nu Mwene ayanzile wope, nu namuna Sauli alumbiliye kwa vudandamazu kwa zina la Yesu ukwo Dameski. ²⁸ Ahomine navo lwevinjiye nu kufuma Yerusalemu. Ahayanga kwa vudandamazu kwa zina la Mwene Yesu, ²⁹ lweakuhojiana nu vayahudi wa Kiyunani ilelo vakulinga mara kwa mara kumugoga. ³⁰ Ahavalilizyo vajenzi vamanya ijambo ilyo, vahamunyetula mpaka Kaisaria, nu vamuteale vale Tarso. ³¹ Basi kanisa lyonti mu Uyahudi, Galilaya nu Samaria, lyamile nu amani, nu lihazengwa nu kujenda mwiloga lya Mwene nu faraja lya Mupepo Mufinjile, Kanisa lihakula nu kwa kwonjela idadi. ³² Kisha yatokeye Petro lweamile akuzyungulazyungula ipande zyonti za mikowa, ahavishila vitisi vakutendama mu muji wa Lida. ³³ Ahamulola ukwo muntu woka zina lyakwe Ainea, muntu uyo amekuwa shitala miaha minane; maana amile ahataye. ³⁴ Petro ahamuvuzya, "Ainea, Yesu Chiristi akuponye; Vuha nu ujitenjele shitala shaho," Mara ahavuha. ³⁵ Nu vantu vonti vatendime Lida nu Sharoni vamulola muntu uyo, vamugevushiye Mwene. ³⁶ Pamile nu umwanafunzi Yafa akwitwa Tabitha, ambao lyatafisiwilwe ngati "Dorcas" Uno mwantanda ayizuye imbombo nyinza nu matendo lya uwila agavomvile kwa vapina. ³⁷ Yalolesile mu insiku hizo avinile nu ahafwa; vamusafisya, mamuzuvwa shumba sha pamwanya nu kumukasya.. ³⁸ Kwa vili Lida yamile papipi nu Yafa, nu vanafunzi lwevivwa kuti Petro amile ukwo, vasontelezizye vantu vavili kwakwe, vakumuvuzya, "Nzaga kwitu bila kuhava." ³⁹ Petro ahavuha nu kukwepa poka navo. Afiha, vamulesite mu shumba sha pamwanya. Nu vajane wonti vimiliye papipi wope vakuhola, vakumulolesya ikoti nu menda ambazo Dorcasi avasoneye ahavalilizyo akiwa poka navo. ⁴⁰ Petro ahavifwa vonti panzi lya shumba, ahasugamila ahalava, kisha ahavugevushila muvili, ahayanga, Thabitha, vuha". Ahafungula aminso gakwe nu amulola Petro ahatendama pansi. ⁴¹ Kisha Petro ahamupa inyove yakwe ahamuvusya, nalwe avita vitisi nu vajane ahakabidhi kwavo lweali mupuma. ⁴² Ijambo ili lihamanyiha Yafa yonti, nu vantu vinji vahamwitiha Mwene. ⁴³ Yatokeye Petro ahatendama insiku nyinji Yafa poka nu muntu akwitwa Simoni, mugomba makwe.