¹ Kuhani mupiti ahayanga, "amambo iga ni lya ndinda"? ² Stephano ahayanga, "Vajenzi nu matata vane, ntejelezyi nene: Mulungu wa vushindamu amufumiye tata witu Abrahamu ahavalilizyo heamali Mesopotamia, kabula atatendime Harani,' ³ ahamuvuzya,' Yepe mu munsi yaho nu vajama vaho nu vala mu munsi inkulolesye.' ⁴ Kisha ahepa mu munsi lya Ukaldayo ahatendama Harani, kufuma hapo, baada lya tata wakwe kufwa, Mulungu ahamuleta kwenye munsi ino, vakutendama isalizi. ⁵ Atamupiye shoshonti ngati vupwani wakwe, patamile nu sehemu poshe lya kuviha shinama. Ilelo Abrahamu aahidiwilwe poshe kabula atapasite umwana kuva apewe munsi ngati miliki yakwe nu kwata wakwe. ⁶ Mulungu ayanzile wope ishi, lya kuti kwata lyakwe nkandivatendama mu munsi lya vajeni, nu kuti avahayavukwo valivavomba kuva vatumwa vavo nu kuvavomba havivi kwa umuda wa miaha mia nne. ⁷ Nu Mulungu ahayanga, kutindilonje taifa ambalo lilivavomba mateka, nu baada lya hapo valifuma nu kumputa mu sehemu ino.' ⁸ Nu ahamupa Abrahamu igano la tohara, pisho Abrahamu ahava tata wa Isaka ahamutaili insiku lyane; Isaka ahava tata wa Yakobo, nu Yakobo ahava tata wa vasokulu vita kumi nu vavili. ⁹ Vasokulu zyitu vahamulolela uvuzuva Yusufu vahamukazya mu munsi lya Misri, nu Mulungu amile poka wope, ¹⁰ nu ahamupoha mu mayomba gakwe, nu ahampa uvulote nu mushinzi pilongolela lya Farao mfalme wa Misri nu pamwanya lya inyumba yakwe yonti. ¹¹ Basi kuhava nu nzala impiti nu mayimba aminji mu munsi lya Misri nu kanani, nu tata zyitu vatapasite shakulya. ¹² Ilelo Yakobo lwevivwa kuli vwa kulya Misri, avasontelezizye tata zyintu kwa mara lya kwanza. ¹³ Mu safari lya vili Yusufu ahajilolesya kwa vajenzi vakwe, familia lya Yusufu ikajulikana kwa Farao. ¹⁴ Yusufu ahavasontelezyavajenzivakwe kuvala kumuvuzya tata wavo ayinze Misri, poka nu jamaa yakwe, jumula lya vantu vonti ni sabini nu sano. ¹⁵ Pisho Yakobo ahihi Misri; kisha ahafwe uwene poka nu tata zyitu. ¹⁶ Vahanyetulwa poshe shekemu vahasyilwa mu kaburi ambalo Abrahamu alikazile kwa vipande vwa hela kfuma kwa vana wa Hamori ukwo Shekemu. ¹⁷ Ahavalilizyo wa yila ahadi ambayo Mulungu amuahidile Abrahamu lwe wapalamila, vantu lwevava vonjezeha ukwo Misri, ¹⁸ ahavalilizyo iho avusile mfalme wamwavo pamwanya lya Misri, Ufalme weatamanyile kuhusu Yusufu. ¹⁹ Uno mfalme wamwavo ahavalumila ilenga vantu witu nu kuvavomba amavivi tata witu, nu kuvasumba vanavavo vacheche ili vatahaishi. ²⁰ Mu shipindi shila Musa apafwilwe; amile mwinza pilongolela zya Mulungu, ahasungwa miezi gatatu mu inyumba lya tata yakwe. ²¹ Ahavalilizyo asumvilwe, umulindu wa Farao amunyetuye ahamusungangati mwana wakwe. ²² Musa asambiliziwilwe insambilizyo zyonti zya Kimisri; amile nu maha mu amazwi nu matendo. ²³ Ilelo baada lya kutimizya miaha arobaini, yihamwinzila mu mwoyo wakwe kuvatembelela vajenzi vakwe, vana wa Israeli. ²⁴ Lweamulola Mwisraeli akuvombelwamavivi, Musa amuteteye nu kulipizya shisasi weai akumuvomela kwa kumuhoma Mmisri: ²⁵ lweakusiva kuva vajenzi vakwe kutivamanye kuti Mulungu akuvapoha kwa nyove yakwe, ilelo vatamanyile. ²⁶ Insiku lyelya fuasite ahasogola kwa baadhi lya Waisraeli vevali vakulwa; ahalinga kuvapanisya; akuyanga,' Mamwene, Imwe mwevajenzii,' mbona mukukoselana imwe kwa imwe,? ²⁷ Ilelo amunanyinge jirani wakwe ahamusukumila patali, nu kuyanga, 'Nanu akuvomvile mutawala nu mulonzi witu? ²⁸ Iwewe ukwanza kugogo, ngati vwewamugozile Mmisri mawila?" ²⁹ Musa ahashimbila baada lya kugivwa ago; ahavamujeni munsi lya Midiani, ambapo akava tata wa vana vavili. ³⁰ Baada lya miaha arobaini kutuha, ahavizya ahamuloleshela kulugwa la gamba Sinai,mu mwali wa mwoto mukasi lya shichaka. ³¹ Ahavalilizyo Musa alola mwoto, asukumiye nu kusukumila shila ashilola nu alinga kushisejelela ili kushenya, isauti lya Mwene yamwinziye yikuyanga, ³² Nene ni Mulungu wa tata zyaho, Mulungu wa Abrahamu, nu wa Isaka, nu wa Yakobo.' Musa atetemesile nu atajalivile kukwenya. ³³ Mwene ahamuvuzya, Zula viatu vwaho, isehemu yenyimiliye isehemu ifinjilwa. ³⁴ Ngawenyi mayimba lya vantu vane vevali Misri; Inivuye kuvina kwavo, nane niha ili imbaposhe; isalizi nzaga, kutiinkusontelezye iwewe Misri.' ³⁵ Uno Musa ambaye vamuhanile, ahavalilizyo vayanga, 'nanu akuvomvili kuva mtawala nu mwamuzi witu?' _ amile ndiye ambaye Mulungu amusontelezizye ave mtawala nu muposhi. Mulungu amusontelezizye kunyove yahavizya weamuloleshie Musa shishakani. ³⁶ Musa avalongozizye kufuma Misri baada lya kuvomba imiujiza nu ishara mu Misri nu bahari lya Shamu, nu mulungwa kwa shipindi sha miaha arobaini. ³⁷ Ni Musa uno ndiye avavuzizye vantu wa Israeli kuwa, 'Mulungu alivinulila nabii kufuma miongoni mwa vajenzi vinyu, nabii ngati nene.' ³⁸ Uno ni muntu amile mu makutano kulugwa nu havizya ambaye ayanzile wope mu kwigamba nu Sinai. Uno ndiye muntu amile nu tata witu uno ni muntu aposheleye izwi lyelilinuvupuma nu kutupa inswe. ³⁹ Uno ni muntu ambaye tata witu vahanile kumutimiha; vamusukumiye apatali nu mumoyo gavo gali Misri. ⁴⁰ Mu shipindi isho vamuvuzizye Haruni. 'tugombele malungu aganji. Uno Musa, weamile akutolongozya kufuma munsi lya Misri, tutamanyile sheshimwazile.' ⁴¹ Pisho vahagomba ingwanda kwa insiku hizo nu vahafumwa isadaka kwa hiyo shiholanyo nu vahaseshelakwa sababu lya imbombo lya nyove zyavo. ⁴² Ilelo Mulungu avagalunkinye nu kuvapa vapute nzota wa kumwanya, ngati veyasimvilwe kwenye shitabu sha vanabii, 'Je mumfumwizizye nene isadaka zya vihanu mwazivoye kulugwa kwa umuda wa miaha arobaini, inyuba lya Israeli? ⁴³ Mwitisile ihema lya kuhomana lya Moleki nu nzota lya Mulungu refani, nu picha muyigomvile nu kuviputa ivwene; nu kutimbatwale apatali inkani zaidi lya Babeli.' ⁴⁴ Tata witu vali nu hema lya kuhomana lya vashuhuda kulugwa, ngati Mulungu avavuzizye lwe ahayanga nu Musa kuti nkandiayigomwile kwa mufanowa vula avuwenyi. ⁴⁵ Hili lihema ambalo tata witu, kwa ahavalilizyo, valetilwe munsi nu Joshua. Ino yatokeye ahavalilizyo lwenjivinjila kumiliki taifa ambalo Mulungu avashimbizizye kabula lya kuwa wa tata witu. Ino yali ishi hadi insku zya Daudi, ⁴⁶ ambaye apasite shibali paminso pa Mulungu,' nu kulondola uvutendamo kwa Mulungu wa Yakobo. ⁴⁷ Ilelo Selemani amuzenjeye inyumba lya Mulungu. ⁴⁸ Poshe isho Weali pamwanya atakutenda kwa nyumba zyezizengilwe kwa nyove; ino ni ngati nabii ayanzile, ⁴⁹ Imwanya ni shitengo shane sha enzi, nu munsi ni sehemu ya kuvishila vinama vwane. Inyumba lya aina gane yanamunavali kuti munzenjele? akuyanga Mwene: au ni wapi sehemu yane lya kutuzizya? ⁵⁰ Te nyove yane yivomvile ivintu vwonti?' ⁵¹ Imwe vantu wenye mwemuli minsingo ingomu mwemutahiliwile amoyo nu makutwi, kila mara mukumupinga Mupepo mufinjile, mukuvomba ngati tata vinyu vwevavomvile. ⁵² Ni nabii vuli mu vanabii ambaye tata vinyu vatamuyimwizye?. Vavagozile vanabii vonti valolesile kabula lya lwinzilo lwavo wa woka mwenye Haki,' na isalizi mwimile mwevasaliti nu vagoziwakwe welele, ⁵³ Imwe vantu muposhele sheria shila yilayilajiziwilwe nu ahavizya ilelo mtayilemile." ⁵⁴ Kisha vajumbe wa baraza lwevivwa amambo iga, vavoshizye amoyo gavo, vahamusyela amino Stefano. ⁵⁵ Ilelo uwene, akiwa ayizuye mupepo mufinjile ayenyizye kumwanya kwa makini nu havulola uvushindamu wa Mulungu, nu kumulola Yesu ayimiliye nyove indilo lya Mulungu. ⁵⁶ Stefano ahayanga, "Yenya nalola imwanya zyafunguha, nu mwana wa Adamu ayimiliye nyove wa kundilo lya Mulungu." ⁵⁷ Ilelo vajumbe vibalaza vahazuma ahalanga kwa sauti zya pamwanya, vahandila amakutwi gavo, vahamushimbilila kwa poka, ⁵⁸ Vahamusumba panzi lya muji vahamuhoma amawe nu vashahidi vahazula amenda gavo aka kunzi nu kuviha pansi papipi ni vinama vwa mujaha ahitwa Sauli. ⁵⁹ Vali vakumuhoma amawe Stefano, ayendeleye kumwita Mwene nu kuyanga, 'Mwene Yesu, poshela mupepo yane, ." ⁶⁰ Ahasugamila nu kukwita kwa sauti kubwa, "Mwene, utahavavzizye mbivi ino. "Ayanganga aga, afwa mupepo.