¹ Pisho, muntu woka weahitwaga Anania, nu Safira umushi, vakazizye sehemu lya mali, ² nu ahazyiha isehemu lya hela vakazizye (umushi wakwe welele alimanyile ili), nu ahaleta isehemu yeyisyaye nu kuyiviha kwenye vinama lya vamitume. ³ Ilelo Petro ahayanga, "Anania, kwa shoni setano awizuzya mwoyo waho kuyanga ilega kwa Mupepo mufinjile nu kzyiha isehemu lya mali lya mugunda? ⁴ Ahavalilizyo lwelyali litakaziwilwe, litali te mali yaho? Nu baada lya kukazya, titali pansi lya vuamuzi waho? Yamile vuli uwezye ijambo ili mwoyo waho? utavalumiye ilenga avanadamu, nkandi amulumiye ilenga Mulungu." ⁵ Mu kukwivwa amazyi iga, Anania aguye pansi nu ahafwa mupepo. Nu lyoga ipiti lyavinzizye vonti vevali vuye ili. ⁶ Vajaha vahinza pilongolela nu kumuviha musana, nu kumutwala panzi nu kumusyila. ⁷ Baada lya masaa gatatu ishi, umushi wakwe ayinjiye mukasi, atahamanye shoni sheshamile shitokeye. ⁸ Petro ahamuvuzya, "Mbuzya, ngati mwakazizye mugunda kwa thamani iyo." Ahayanga, "Ndiyo, kwa thamani iyo." ⁹ Kisha Petro ahamuvuzya, "Yavavuli kuti mwivwine kwa poka kumulinga Mupepo wa Mwene? Yenya, vinama lya vala vevamusyiliye mulume waho yili pa mulyango nu kuti vakuvusye nu kukutwala panzi." ¹⁰ Gafula ahagwa pa vinama vwa Petro, ahafwa nu vala vajaha vahinza mukasi vahamwaga tayari afuye. vahamuvusya kumutwala panzi, nu kumusyila papipi nu mulume. ¹¹ Ilyoga ipiti yihinza pamwanya lya kanisa zima, nu pamwanya lya vonti vevuvuye amambo iga. ¹² Ishara nyinji nu maajabu vwamile vitokeye miongoni mwa vantu kutushila inyove lya mitume. Vamile poka mu vukumbi wa Sulemani. ¹³ Ilelo, kutali muntu mwavo tofauti weali nu vudandamazu wa kulandatana navo; poshe isho, vavapiye umushinzi lya pamwanya nu vantu. ¹⁴ Nu welele, avitisi avinji vamile vakwonjela kwa Mwene, idadi impiti lya vanavuli nu vantanda, ¹⁵ shiasi kuti poshe vavusizye vavinu mumitaani, nu kuvakasya muvitala nu kwenye makochi ili kuti Petro akiwa akutuha, ilunguzi shakwe shiwezye kukwi pamwanya yavo. ¹⁶ Hapo welele, idadi impiti lya vantu vinzile kufuma imiji yizyunguluye Yerusalem, vakuvaleta vavinu nu vonti vapanine nu mupepo imbivi, nu vonti vaponile. ¹⁷ Ilelo kuhani mupiti avusile, nu vonti vali poka wope (ambao ni wa dhehebu la masadukayo); nu vizye nu vuzuva ¹⁸ vahagolosya inyove zyavo kuvalema vamitume nu kuvaviha mukasi yigeleza lya jumula. ¹⁹ Nu ahavalilizyo wa insiku avahavizya wa Mwene ahagigula malyango lya geleza nu kuvalongozya panzi nu kuyanga, ²⁰ "Sogoli, mwimilile mwihekalu nu kuvavuzya vantu amazyi gonti lya upuma uno." ²¹ Vivwa ili vinjiye mwihekalu ahavalilizywa kukusha nu kusambilizya. Ilelo, kuhani mupiti ayinzile nu vonti veali nu wope, nu kukwitisya ibaraza lyonti kwa poka, nu vazee vonti wa vantu wa Israeli, nu kuvasontelezya kwigereza ili kuwaleta vamitume. ²² Ilelo vavomvi vasogoye, vatavazile mwigeleza, vagalusele nu kufumwa italifa, ²³ "Twazile geleza lifungwilwe ahinzi salama, nu valinzi vimiliye pamulyango, ilelo twamile tukwigula, tutawenyi muntu mukasi." ²⁴ Isalizi ahavalilizyo ujemedali wa hekalu nu vakuhani vapiti lwevivwa amazyi iga, vinjililwe nu shaka mupiti kwa ajili yavo lwevakusiva kutilive vuli ijambo ili. ²⁵ Kisha woka ahinza nu kuvavuzya, "Vantu muvuvavisile mwigeleza vaimiliye mwihekalu nu vakusambilizya vantu." ²⁶ Pisho ujemedari agoye poka nu vavomvi, nu kuvaleta, ilelo bila lya kuvomba vurugu, kwa sababu vavogofile vantu nkandi wewezizye kuvahoma kwa mawe. ²⁷ Lwetayari vavaleta, vavavisile pilongolela lya baraza. kuhani mupiti vavuzilizizye. ²⁸ kuyanga, "Twavavuzizye mutahasambilizye kwa zina hili nu bado muvizuzizye Yerusalemu kwa nsambilizyo yinyu, nu kutamani kuleta mavanda lya muntu uno pamwanya yitu." ²⁹ Ilelo Petro nu vatume vahajibu, "Lazima tumutimishe Mulungu kuliko vantu. ³⁰ Mulungu wa tata zyitu amufufuye Yesu, mwemwagozile, kwa kumuhomela pawanya lya yikwi. ³¹ Mulungu amushindisile inyove yakwe wa kuume nu kumuvomba kuva mupiti nu muposhi, kufumwa itoba kwa Israeeli, nu musamaha wa mbivi. ³² Inswe ni vahashahidi wa amambo iga, nu Mupepo mufinjile ambaye Mulungu amufumwizye kwa vala vakumutii." ³³ Vajumbe wa baraza lwevivwa ishi, vwalemwilwe nu mulaha vahanza kuvagoga vamitume. ³⁴ Ilelo pharisayo weahitwaga Gamalieli, mwalimu wa sheria, ashindikwilwe nu vantu vonti ayimiliye nu kuvavuzya vamitume vanyetutwe pansi kwa muda ahansi. ³⁵ Kisha ahavavuzya, "vanavuli wa Israeli, vanji makaini nkani nu shila mukupendekezya kuvavomba vantu hava. ³⁶ Kwa sababu insiku zyezitusile, Theuda avusile nu kujidayi kuwa muntu mupiti, nu idadi lya vantu vapata miane vamufuasite. agozilwe nu vonti vevali mukumutii vasatine nu kutega. ³⁷ Baada lya muntu uno Yuda mgalilaya, avusile insiku zila izya zya kusibwa sensa, ahavata vantu avinji kwisinda lyakwe. Wope welele atezile nu vonti vevali vakumutii vasatine. ³⁸ Isalizi inkuvavuzya, jepusyaji nu vantu hava nu muvaleshe wenewe, kwa sababu, ngati mpango uno au imbombo ino ni lya vantu yilisubwa. ³⁹ Ilelo ngati ni lya Mulungu temuwezye kuva kuvadindila: Mungawezya mukujaga poshe mukusindana nu Mulungu." Pisho, vashawishiwilwe nu mazyi gakwe. ⁴⁰ Kisha, vahavita vamitume mukasi nu kuvachapa nu kuvavuzya vatahasambilizye kwa zina la Yesu, nu Vahavaleha vasogole zyavo. ⁴¹ Vefile pilongolela lya baraza nu kuseshea kwa sababu vavaziwa kuva vakwanziwa kuyimba nu kutokushinkikwa kwa ajili lya zina ilyo. ⁴² Kwa hiyo, kila insiku, mukasi lya hekalu nu kufuma inyumba hadi inyumba vendeleye kusambilizya nu kulumbilila Yesu kuva ni maishi.