¹ Isalizi mu kanisa la Antiokia, pamile nu baadhi lya manabii nu valimu. Vamile Barnaba, Semeoni (ahitwaga Nigeri). Lukio wa Kirene, Manaeni (Mujenzi wete wa mavanda wa Herode shilongonzi wa mukowa), nu Sauli. ² Vamile vakumuputa Mwene nu kufunga, Mupepo mufinjile ayanzile, "Nambishili paluvazu Barnaba nu Sauli, nayivombe imbombo yeimbitiye." ³ Baada lya Kanisa kufunga, kulava, nu kuviha inyove yavo pamwanya lya vantu hava, vahavaleha vavale. ⁴ Kwa hiyo Barnabas nu Sauli vamutimi Mupepo Mufinjile nu visile kukwekela Seleukia; kufuma ukwo vasafiliye mubahari kwelekela kushisiwa sha Kipro. ⁵ Vamile mu muji wa Salami, valumbilie izwi la Mulungu mu Masinagogi lya Vayahudi. Welele valikuwa poka nu Yohana Marko ngati musaidizi wavo. ⁶ Vavala mu shisiwa shonti mpaka pafo, vazile muntu vumo mulozi, Muyahudi nabii wa wilega, ambaye zina lyakwe lyamile Bar Yesu. ⁷ Mulozi uyo ashilikiine nu Liwa Sergio Paulus, amile muntu mwenye vanjele. Muntu uyu avalanjiye Barnaba nu Sauli, kwa sababu ahanzaga kukwivwa izwi la Mulungu. ⁸ Ilelo Elima "vula mulozi" (pisho ndivyo zina lyakwe lilivyo tafisiliwilwe) ahavapingaga ajalivile kumugevuzya vula liwali afume kwenye lwitiho. ⁹ Ilelo Sauli ahitwaga Paulo, amile ayizuye nu Mupepo Mufinjile, ahamudamulila aminso ¹⁰ nu ahayanga "Ewe mwana wa Setano, uyizuye nu aina zyonti zya vudanyifu nu vuzaifu. Iwewe ni aduwi wa kila aina lya nalyoli. Teukome kugagevuzya kwidala zya Mwene, gagolosisi, je kutiuwezye? ¹¹ Isalizi yenya, nyove wa Mwene yili pamwanya yaho, nu kuti uyemewe ntoko. Teulilole zuva kwa umuda" mara woka uluvesa nu hisi vwaguye pamwanya lya Elimas; ayanzite kuzyungula pala akulava vantu vamulongozye kwa kumulema nyove. ¹² Baada lya liwa kutola sheshatokela ayitisile, kwa sababu shagazizwe kwa kunsambilizyo kuhusu Mwene. ¹³ isalizi Paulo chale zyakwe vashuye muminzi kufuma Pafo nu vahafiha Perge mu Pamfilia. Ilelo Yohana avalesile nu kugaluha Yerusalemu. ¹⁴ Paulo chale zyakwe vashuye kufuma Perge nu vhafiha Antiokia lya Pisidia. Ukwo vasogoe mu sinagogi insiku lya Sabato nu kutendama pansi. ¹⁵ Baada lya kusomba sheria nu vanabii, valongozi visinagogi avatumiye uvujumbe nu kuyanga, "Mujenzi ngati muli vujumbe wa kupa mwoyo vantu apa, yanji" ¹⁶ Kwa hiyo Paulo ayimiliye nu kuvapunjila nyove; ayanzile, "Vanavuli wa Israeli nu nimwe mukumutimiha Mulungu, tejelezyi. ¹⁷ Mulungu wa hava vantu wa Israeli avasevile vatata witu nu kuvavomba vantu avinji vatendime mu munsi Misri, nu kwa nyove wakwe kukwinuliva valongozizye panzi yakwe. ¹⁸ Kwa miaha arobaini avajimbiliye mu lugwa. ¹⁹ Baada lya kunanganya mataifa saba mu munsi lya kaanani, avapiye vantu witu munsi yavo kwa vupwani. ²⁰ Amatukio aga gonti gatokeye zaidi lya miaha mia nne nu hamusini. Baada lya vintu ivi vwonti, Mulungu avapiya vaamuzi mpaka Samweli Nabii. ²¹ Baada lya aga, vantu valavile mfalme, pisho Mulungu Sauli mwana wa Kishi, muntu wa kabila lya Benjamini, kuva mfalme kwa miaha arobaini ²² Kisha baada lya Mulungu ayanzile mu ufalme, amwinua Daudi kuva mfalme wavo. Ilikuva ni kuhusu Daudi kuti Mulungu ayanzile, 'Imupasite Daudi kuva mwana wa Yesu kuva muntu akuhondezewa nu mwoyo wane; ambaye avombe kila shintu inkusungwa.' ²³ Kufuma kwenye muluho wa muntu uyo Mulungu ayiletela israeli uvuposhi, Yesu, ngati aahidile kuvomba. ²⁴ Hili lyanzite kutokela, kabula lya Yesu kukwinza, Yohana nsunti alumbiliye ulyozyo lwa toba kuvantu vaonti wa Israeli. ²⁵ Wope Yohana amile amala imbombo yakwe, ayanzile, 'Mukusiva nene ni nanu? nene te vula. Ilelo tejelezyi, akwinza kwisinda lyane, intakwanziwa kulejezya ivilyatu vya vinama vwakwe.' ²⁶ Mujenzi, vana wa ukoo wa Abrahamu, nu vala ambao kati winyu muputa Mulungu, ni kwa ajili witu kuti vujumbe uno wa vukombozi vutumwilwe. ²⁷ Kwa vala vakutenda Yerusalemu, nu vatawala vavo vatamumanyile kuvuhalisia, nu vala vatavumanyile uvujumbe wa vanabii ambao kusomwaga kila Sabato; kwa hiyo vatimizizye uvujumbe wa vanabii kwa kumulonga ufufwe Yesu. ²⁸ Jupo kuva vatapasite sababu injinza kwa kufwa mukasi yakwe, vamulavile Pilato vamugoje. ²⁹ Vamala amambo gonti gegasimvilwe kuhusu uwene, vamwisizye kufuma kwikwi nu kumukasya mwikabuli. ³⁰ Ilelo Mulungu amuzyusizye kufuma vafwe. ³¹ Alolesile kwa insiku inyinji kwa vala vasogoye poka wope kufuma Galilaya kuvala Yerusalemu. Vantu hava isalizi ni vashahidi wa vantu. ³² Pishotukuvaletela ihabari nyinza kuhusu ahadi vavapiye vasokulu witu. ³³ Mulungu avisile ahadi hizi kwitu, vana vao, mu ilyo amuzyusizye Yesu nu kumugalusya havili mu upuma. Hili welele lyasimvilwe mu Zaburi lya vuvili: 'Iwewe ni wane, lelo navane Tata waho' ³⁴ Welele kuhusu nalyoli ni kuti amuzyasizye kufuma vafwe ili kuti muvili ni kuti vutahananjishe, ayanzile ishi: 'Kutiinkupe uvufinjile nu vulo twe hahalisi zya Daudi' ³⁵ Ino ndiyo sababu kuyanga welele mu Zaburi mwamvo 'Utali yitiha mufinjile waho kuluhusu uvuvozu.' ³⁶ Kwa kuva baada lya Daudi kuvombela shikunzi lya Mulungu mu shizazi shakwe, ahakata vamukasizye poka nu tata zyakwe, nu awenyi uvunanjisu. ³⁷ Ilelo amuzyusizye Mulungu nu atavuwenyi uvunanjisu. ³⁸ Pisho nu yimanyishe kwinyu, mujenzi, kutushila muntu uno, uwila wa mbivi walumbililwa. ³⁹ Kwa uwene kila akuvaziwa haki nu amambo gonti ambayo sheria lya Musa nkeyitavapiye haki. ⁴⁰ Pisho basi vanji vaangalifu kuti shintu shevshiyanga vanabii shitahatokele kwinyu: ⁴¹ 'Yenya, imwe mukusufwa, nu muhasukumile nu muhangamile; kwa vile inkuvomba imbombo mu insiku zyinyu, imbombo ambayo mutangawezya kuyitiha, poshe ngati muntu angavavuzya." ⁴² Ahavalilizyo Paulo nu Barnaba lwevepa, vantu vahavalava vayanje amambo aga insiku lya Sabato yeyikwinza. ⁴³ Ahavalilizyo hivungana wa sinagogi vasiha, Vayahudi avinji nu vitisi vanalyoli vamulandasite Pulo nu Barnaba, ambao vahapangaga navo nu vahavahimizyaga vendelele mu vulotwe lya Mulungu. ⁴⁴ Sabato yeyafuasite, papipi muji mupuma wahomine kukwivwa izwi la Mulungu. ⁴⁵ Vayahudi valola homana, vizuye nu vuzuva nu kuyanga amazwi gahapingaga vintu vilivyoyanzile nu Paulo nu vamulizile. ⁴⁶ Ilelo Paulo nu Barnaba vayanzile kwa vudandamazu nu kuyanga, "Yamile ni muhimu kuti izwi la Mulungu liyangwe insunti kwinyu. Kwa kuva mukulibunchila apatali kufuma kwinyu nu kujilola kuva mutahanziwaga uvupuma wa shima, yenyi tulivagalulila Mataifa. ⁴⁷ Ngati ambavyo Mwene atuvuzizye, akuyanga, imbavisile imwe ngati vuzeru kwa vantu wa mataifa, kuti mulete uvuposhi kwa pande zyonti za munsi." ⁴⁸ Mataifa valyivwa hili, vasesheye nu kulitimiha izwi la Mwene. ⁴⁹ Avinji vasevilwe kuvupuma wa shima vitisile. Izwi la Mwene lyasasite munsi yonti. ⁵⁰ Ilelo vayahudi vavavuzizye vajifumwizye vajitowile nu vantanda muhimu, welele nu valongozi muji. Aga gachocheye amayimba dhidi lya Paulo nu Barnaba nu vasumvile panzi lya mipaka lya muji. ⁵¹ Ilelo Paulo nu Barnaba vakunyunsite insunto zya vinama vwavo. Kisha vahavala kwenye muji wa Ikonia. ⁵² Nu vanafunzi vizuye nu luseshelo poka mupepo mufinjile.