¹ Topi chilongu chitawukil chitu eleta ndi achi? tuva na mtambika mkomi kayikala pasi katika liwoku lya mlilu wa chigola cha wutwa kumbindi. ² mweni ndumindumi pala makali pang'alili libudii lya nakaka bambu kalivika mundu yoyonda ha wakufa. ³ Kwa nongwa kila mtambika mkomi akushawuliwa kumtawulila na litambiku. Topi tukudayiliwa kuva na chindu chakutawula. ⁴ Topikilistu aveli pamlima nakamu. Mweni angavelili ha mtambika kandi. Kwa nongwa vaveli tayali vala vatawulili litambiku ngimu malawu. ⁵ Vakimba nikili chindu nongwa cha veli chilangashilu na lisisi lya findu fya kumbindi, 'nongwa kucha Musa pawombiliwili na Chapanga wakati padayilili ajengi libudi. Loli chapanga kadeta kucha mgoli kila chindu ngumu wundikulangushili kumbindi ya chidunda. ⁶ Topi ponopa kilistu kapokela ngimbaniku nyanyi wunu kwa nongw weni topi ndi mjovesha wa lilaghanu linofu ambayi lipela milandu kwa jangi nofu. ⁷ Topi kucha litaghanu la kwaa lingaveli na natitu kusaka lilaghanu lya pili. ⁸ Kwa kucha chipindi chapanga pawanilimifyu kwa vandu kadeta, ''loli majuvamajuva vakwisa kadeta bambu, chipindi pagolili lilaghanu la shambi pamu na libudi lya isilaheli, na libudi lyaYuda. ⁹ Dalivi ha kucha lilaghanu niligolili pamuna vatati nawu lijuva linavatolili kwa liwoku kuvalongosha kufuma misili kwa kucha vayendehela ha katika lilaghanu lyangunenga ndiva yihola ha kandi kadeta bambu. ¹⁰ Kwa kuchaali ndi lilaghanu dagoli kwa nyumba ya Isilaeli bada ya majuva ava,' akudeta bambu. 'damiki malawu vangu mahola shawu, na kusiyandika mundima shawu dandivi Chapong wawu, na veni davavi vangu. ¹¹ Davayifundishi ha kila yumu na mwana mlima yumonga na kula yumu na mlogu waki, padeta umonyi nenga kufuma mdokwa mkomi wowu. ¹² Topi danangushi upomela kwa nongwa shawu singajila unofu, danisiholi ha sambi shawu kandi.'' ¹³ Kwa kudeta ''yashonu,'' kaligola lilaghanu la kwa kava likulukulu. Na ali ambayi kadeta kucha lukulukulu liva samba chinuka.