¹ Topi chilongu chitawukili chitudeta ndi achi: tuva na mtambika mkomi kayikala pasi katika liwoku lya mlilu wa chigoda cha wutwa kumbindi. ² Mweni ndumindumi pala makali pang'alili liudi lya nakaka bamu kalivika mundu yoyonda ha wakufa. ³ Kwanongwa kila mtambika mkomi akushawuliwa kumtawulila na litambiku. Topi tukudayiliwa kuva na chindu chakutawula. ⁴ Na kwahela mundu yatola ndundamilu ayi kwa nongwa yaki mweni lakinibadala yaki, lasima akekewi na Chapanga ngimu paveli Haruni. ⁵ Hata kilitu kayiyipa nandundamilu mweni kwa kigola mweni kuva mtambika mkomi. Baada, Chapanga adetili kwa mweni. Yuwindi mwanawangu, nalelu ndiva tati waku.'' ⁶ Ni kucha adeta kuva degha yimonga, ''yuwi mtambika jola ngimu utambika wa Mekisadeki.'' ⁷ Chipindi chaghaveyi munyimba adadavili na kudedeka, amdadavili Chapanga kwa misosi, kwamweni yawesha kumlowola kufuma munjifwa. Kwa nongwa ya usosuwafu waki kwa Chapanga ampikanishili. ⁸ Hata leki aveli mwana ayiwulili kupikana kwa deha ya gibuleku. ⁹ Pamalili nakwadegha ayi agoliwili kwa kila mundu yamjumila kuva nongwa ya ulowolu wa jola. ¹⁰ Kwa kulekiwa na Chapanga kucha mtambika mkomi ngimu ya samu ya Melkizedeki. ¹¹ Tuva nafitangalili fya kudeta simuhusu. Yesu, lakini yidindala kuvahimulila kwa kuva yumwi vagata vakupikana. ¹² Kwa kuva kwa chipindi achi mungaveli kuva vawula. mukali mukuudayiliwa mundu wakuvawula ng'ulilu ya kwaa ya ndambula yafulongu fya chapanga. Yimudayila maveli badili yaflivi jambughanja. ¹³ Kwa kuva yoyonda yayonda maveli hela kumanya ng'odukatila ng'ulilu ya ugoleki. kwa kucha badu mwana. ¹⁴ Kwa upandi wumonga, filivi jambughanja ni chavandu vakomi, vala ambawu kwanongwa ya lihambu lyawu katika chishovi chakumanya findu finofuna fya wafu.