¹ Ponopa, valongu vangu yimujumililiwili, vandu va kuhasha na hekima, lwa kululanga, mumuholi Yesu, ndumindumi na mtambalamkoi wa uponela wetu. ² Aveli kujumilwa kwa Chapanga ya mshawulili kucha Musa paveli kajumiliwa napu mu nyimba yosi ya Chapanga. ³ Kwa nongwa Yesu kavakingira kuva na ndumdamily ndomi kupitila yaveli nayu Musa, kwanongwa yula yijenge nyumba akuvalangiwa kuva na ndundamilu ngomi kupita nyumba yeni. ⁴ Kwa nongwa kila nyu ikujengiwa na undu tuunga, lakini yu yajenga kila chindu ndi Chapanga. ⁵ Kwahela Musa avelu kajumiliwa kuchha ndumindumi mu nyumba yosi ya Chapanga pafumisha utovileli wa filongu dafidetwa chipindi chisechi. ⁶ Lakini Kilistru ndi mwana mu uwokuleli wa nyumba ya Chapanga yufwi twa nyumba yaki kuchadatukamulili katopu mui kwijuma na ukomi wa kwijuma. ⁷ Kwa nongwa ayi, kucha mufuki ung'alili wuwadeta," Na lelu kucha dawapikanishi lishu lyaki, ⁸ kotoo kuwugola ndima yaku kuwa ikomalili kucha Vaisraelu pavagolili uwalaghaji, mu chipindi cha kuyeshiwa. ⁹ Achi chaveli chipindi chiveli vatati venu vashengitili nenga kwa kunyesha, na chipindi mwa alubayini, vafiwonili figoli fyangu. ¹⁰ Kwa nongwa ayi nenge nduva chisekililili ha chivele kwa Achi nduvadetiti," Vakuyagha nika kila chipindi mu ndima shawu, na vasimanya sha njila shangu. ¹¹ Ndi kucha wula umeli mu maya vangu: ¹² Mwiloli, mwalongu, ili ukotoo kuvandima ya wafu ya kukosa Wa yumwi ndima iveli dayiyendi kutali na Chapanga yaveli mnofu. ¹³ Panopau topi mwikumbushili kila lijuva,kila yumuna nenga,, ili payikumewa na lelu mubayilili,ili kucha yumu mgati ya yumwi akotoo kugolewa ka mkomalili, kwa ujangi wa sambi. ¹⁴ Kwa nongwa tuva vahashi wa wakilistu payiva datuyikamu lilo na unakaka wetu kwa liwovi mu mweni kufuma dahili mbaka mbelu. ¹⁵ Kwa nongwa ayi idetewa kala," Na lelu kucha damuvipila nishi lishu lyaki, mukotoo kugola ndima shenu kuva sikomalili kucha vaisila heli pavagolili chipindi cha uwulaga wawu." ¹⁶ Ava vandulili yina mpikanishili Chapanga na kunuleka? Vavili vala vasivaveli na msa yavalongushili kufuma misili? ¹⁷ Vaveli vaghani ava yivaveli Chapanga kwa kulalila myaka alubaini? Pamu na vala yivagolili ujimba shawu sisova ya shawonjili pabeleli hela? ¹⁸ Vaghani kundi yiva lapiliwili na Chapanga kuva davayingili ng'odu mu ngalilu ya usekeleli waki, kucha vala ng'odu vangajila kumujumila mweni? ¹⁹ Tuwona kucha vashinda kuyingila mu ngalilu ya useki heli waki kwa nongwa ya kungajila kujumila.