¹ Ya kucha sheria yivi lisisi lya findu finofu fiyisa sifila fiveli halisi. Shelia hata siku limu muyiweshi ng'odu kulingaisha vala vamselilela Chapanga kwa njila ya sabihu sisila sila makuhani navayendilela kutola mwaka baada ya mwaka. ² Au ingaveli nahang'odu sabihu wosi sinngawashili ng'odu kuleka kutolewa? kwa chilongu achi waabuduo, pavawafuwiwa mala yimu vanga washili ng'odu kuyambua sambi pitu. Mgati ya ³ sabiwu wosu kuna ngumbungu,bu ya sambi shavagolili mwaka hata mwaka. ⁴ Yakucha yiku weshikana ng'odu kwa mwas wa vafwahali na meni kusiwusha sambi. ⁵ Wakati wa Kilistu payisili apa pa duniya, yapa na kudeta," Na mubayula ng'odu matoleu au sabihu, badili yaki, na mtalisha mvili kwa ajili yangu. ⁶ Na muva hundu ng'odu mugati ya matoleu vosi a kunibula motu au sabihu kwa ajili ya sambi. ⁷ Pambeli nadeta," Loli, apa gugolautami waku Chapanga, kucha ngavayandikili kuhusu nenga mugati ya gombo." ⁸ Nakudeta kucha ngavawombili pambindi pa:" Namubayulila ng'odu sabihu, matoleu na sadaka ya kunibula motu, kwa ajili ya sambi, yuwi na ku lolandili furaha mgati yaki." sabihu dasitilewi kulingana n asheria. ⁹ Pambelu najadeta," Loli, nduva apa kugola utami waku." Kavika pambelu ndambu liveli sha kwaa ili kusigolikesha sila sha pili. ¹⁰ Mugati ya ndambu sha pili, vatughava kala kwa Chapanga kw autami waki kupitila kwiyomola kwa mvili wa Yesu Kilistu mala yimu kwa nyakati shosi. ¹¹ Yiva kweli kila kuhani akuwolo kaya kwa huduma lisiku kwa l;isiku paatola sabihu yiyila kwa wowosi damuketa, ingawashili ng'odu kusiwusha sambi. ¹² Lakini baada ya Kilistu kutola sabihu mala yimu kwa sambi mileli yosi, na kayikala liwokulya mlilu lya Chapanga, ¹³ avetili mbaka maaduwi vaki avatayi pasi na kula chilui kwa ajili ya mawulu vaki. ¹⁴ Ya kuch akwa njila ya toleu limu kavalinganisha mileli vala vaghaviwili kwa Chapanga. ¹⁵ Na Ufuki ung'alili wuwula paalola kwa twenga ya kucha kwanza na kudeta, " ¹⁶ Ali aganu damugololi pamu na veni baada ya siku asi; akudeta Bambu: damiki shelia shamgu mgati ya moyu yawu, na danyandiki mugati ya luhala lwau." ¹⁷ Pambeli kandi na kudeta," Kavasikumbuki kandi ng'odu na vitendu fyau fya hofu." ¹⁸ Ponopa mahali pavelu na msamaha kwa ava kwahela sabihu yoyosi kwa ajili ya sambi. ¹⁹ Topi, valongu, tuna lilungu lya kuyingila mahali pang'alili pitu kwa mwasi wa Yesu. ²⁰ Ayi njila yiwopu;iwili kwa ajili yetu, kwanjila ya mvili waki washonu na mnofu hela yipitila mu pazia. ²¹ Na kwa sababu tunayu kuhani mkomi kumbindi ya nyumba yaChapanga, ²² na tumuseleli kwa moyu wa kweli mugati ya utimilifu wa uhakika wa kujumilwa patuva na mioyu ilungiliwili safi kufuma uwafu wa mwili na kuva na miili yetu iwefu wilivi kwamachi vanyanyi. ²³ Basi na yuilikoleli kwau unofu mugati ya ungamu lya lilungu lya ushuvililu wetu bila ya kughalambuka, kwa sababu Chapanga yatu jangili kava mwaminifu. ²⁴ Na tuyongeshi kuyihoshwa namna ya kumpa lighovu kila yumu kutama na fingifu. ²⁵ Nakotayi kuleka, kuyikanganya pamu kucha ngavagola vamonga. Badala yaki, tupokela ufundishu wa kweli sabihu yingi ya sambi yikotayi kusughala kandi ng'odu. ²⁶ Mnai patugula lukami kuyindelela kugola sambi, baada ya kucha tupokela ufundishu wa kweli, sabihu yingi ya sambi yikotayi kusighela kandi ng'odu. ²⁷ Badala yaki kuna ushuvililu wa weka, hukumu ya kukapusha na ukali wa motu daghuluvi wa kuvalungasha maaduwi va Chapanga. ²⁸ Yoyosi yala ya ilemili sheliya ya Musa ayu akusova bila rehema kuulongolu ya uloli mashahidi vavili au vatatu. ²⁹ Chiwangu liki pita cha asabuukiyihisha chikumstahilikila yumu yaayaamusaahaulili mwana wa Chapanga yoyosi yaigolilili wasi wa aganu kucha chindu chingajila kung'ela, mwasi kwa veni wavikiwili wakfu kwa Chapanga yoyosi yaawa pembili ufuki wa neema? ³⁰ Ya kucha tumanya yumu adatili chiyasi ni changu, danichilipi," N akandi," Bambu daavahukumu vandu vaki." ³¹ Ni chindu cha kukapusha, mund kuguvla mu mawoku va Chapanga yaaveli mnofu hala! ³² lakini lumbuka siku siitili baada ya kuvikiwa kwa yumwi kwangu na yiva wali na muwesha kuyukanganisha matami makali. ³³ Namuvikiwa lipala mgali ya Zihaka ya matukanu na matesu na mwaveli vamuhela pamu na vala vapitilili matesu kucha ava. ³⁴ Yakuchana veli na moyu wa lusungu kwa avala vawopiwili n amwapokilkili kufuraha asabu ya uhali wenu, kanupamumanya ya kucha yumwi mwaveni ni muva n aluhalila liva nyanyi na wa kudumu mileli. ³⁵ Topi mkotayi kuyasa lilungu nu liveli lya sawadi ngomi. ³⁶ Yakucha mkudaya ukonga mafu ilu kucha mpeti kupokela chaajangili Chapanga, baada ya kucha mgola kala utami waki. ³⁷ Ya kucha baada ya kuveta padokwa yaayisa, daayisi hakika dakelwi ng'odu. ³⁸ Yaaveli na haki kwa nenga daaishi kwa lujumilwa, mani paawuya kumbeli aye nenga daamtami ndilku." ³⁹ Lakini twenga singavala Vayahudi kumbeli kwa kuangamiya.Badili yaki, yufi ni vanu va vala tuveli na lujumilwalwa kusi daima rohu shetu.