¹ Kuvani mkoni kadeta," Mambu ava ni nakaka"? ² Stephano kadetili," Valongu na vatati vangu, mmbikanisha nenga" Chapanga wa lung'alili amfumbikili tati wetu Abrahamu chipindi chaavelili Mesopotamia kabula kaikala Harani,' ³ kamuwombela, ,' Wuki katuika nchi yaki na vaanja vaku na uyendi katika nchi danikulangushilu'. ⁴ Kandi kawuka katika nchi ya Ukaldayi kaikala Harani, kufuma pala baada ya Tati yaki kusovili, Chapanga kamuyeya mu mlima awu, yaikala ponopau. ⁵ Kwaela chochosi kucha ulisi waki wavelili ng'odu na sehemu atali ya kuvika mawulu pambeli Abrahamu ahadiwili ata kabula kupata ng'odu mwana kuva dapewi mlima kucha miliki yaki nauzau waki. ⁶ Chapanga ansenili nayi avi, ya kucka chivelekwa chaki vangaishili katika mulima ,a uwenja na kuva venyeji va aku davagoli kuva vakanda vau na kuvagola fuibaya kwa muda wa miyaka miya ini. ⁷ Na Chapanga kadeta danulihukumu tayifa ambalu dalivagoli mateka n abaada ya hapu davalukina kudadavila katika sehemu ayi.' ⁸ Na kumupa Abrahamu aganu la tohara ivyu abrahamu kava tati wa isaka kamtaili siku ya nani, Isaka kava tati wa Yakobi na yakobi kava tati va vasomi vetu kumi navavili. ⁹ Vasomi vetu vamuwonela wifu Yusufu vamuwusa katika nchi ya misri, na Chapanga kavelili pamu nayi, ¹⁰ kamuwokoa katika matesu vaki n akumupa fazili n a luhunja kuulongolu ya farau mfalumi wa misiri farau kamgola avi matawala juwu ya Misiri na juwu ya nyumba yaki yonda. ¹¹ Basi kwavelili n anjala ngomi na matesu vatangalili katika mulima wa Misiri na kanani na vatati vetu vapatili ng'odu filivi. ¹² Pambeli yakobi paapikinishili kuva nafaka Misiri avatumilitati vetu kwa mara ya kwaa. ¹³ Katika safari ya pili Yusufu kailangusha kwa valongu vaki kwa valongu vaki familiya ya Yiusufu imanyikana kwa Farau. ¹⁴ Yusufu kavatuma valongu vaki kuyenda kumuwombela Yakobo tati yau ayisi Misiri pamu na vaanja vaki jumula ya vandu vonda ni sabini natanu. ¹⁵ Ivyu yakobi kasunuka misri kandi kasova mweni pamu na vatati vetu. ¹⁶ Vatolewa hata Shekemu vazikiwa katika sembi a,balu Abrahamu ayemilili kwa vipandi fya mbiya kufuma kwa vana va amori aku shekemu. ¹⁷ Chipindi cha yila ahadi ambayu Chapanga amwadiili Abrahamu pavakalibiili vandu pavawa vayongesheka aku Misri, ¹⁸ Chipindi chila ayinukilili mfalumi mmonga juwu ya Misili Mfalumi yakosili kumanya kuwusu Yusufu. ¹⁹ Ayu mfalumi mmonga kavadanganya vandu vetu na kuvagola fibaya vatati vetu na kuvadanga vana vau fyali ili vakoto kuishi. ²⁰ Katika chipindi chuila cha Musa azaliwili avelili nyanyi kuulongolu ya Chapanga kalelewa miesi mitatu katika nyu,mba ya Tati waki. ²¹ Chipindi paadangiwili muyinja wa farau amtolili kamleya kucha mwana waki. ²² Musa afundishiwili mawula vonda va kimisiri avelili na ngufu katika filongu na matendu. ²³ Pambeli baada ya kutimisa miyaka Arobaini imyisila katika moyu waki kuvayeyendela valongu vaki vana va i sraeli. ²⁴ Paamwonili Msraeli paatendewa fibaya Musa amteteli na kulipisa chisasi avelili akuwoneka kwa kumdula Mmisri: ²⁵ Paafikili kuva valongu vaki davamanyi kucha Chapanga akuvaokoa kwa liwoku laki pambeli vamanyili ng'odu. ²⁶ Siku ifwatilili kayenda kwa baasi ya Vaisraeli vavelili vakuimbinya kayesha kuvapatanisha paadeta mabambu yumwi ni valongu mbona mukuikasela yumwi kwa yumwi,? ²⁷ Pambeli yamkosiili jirani yaki kamsukumu;la kutali na kadeta yani kukugola mtavala na muhukumu wetu? ²⁸ Yuwi ukudaila kung'ulaya kucha pamuula ili Mmisri lichu?" ²⁹ Musa katuva baada ya kupukanisha ivyu akawa muwenja katika mulima wa Midiani, ambapu akava tati wa vana vavili. ³⁰ Baada ya miyaka alubayini kupita makungu kamfumbukila mu jangwa la sinai katika mvali wa motu mgati ya chichaka. ³¹ Chipindi Musa paawonili motu aikanganikili na kustawajibika chila chachiyonili na paayeshila kuchiselelela ili kuchillola sawuti ya Bambu imuyisila paideta, ³² Nenga ni Chapanga wa tati vaku Chapanga wa Abrahamu na wa Isaka vawa sehemu paawolokilili ni maala paungalili. ³³ Bwana kamuwombela wopusoli filatu fyaku sehemu pauwolokili ni maala paung'alili. ³⁴ Ngona matesu va vandu vangu vavelili Misiri mbikanisha ktumika kwaku nenga nzunuka ili nivaokowi ponopa yisi daikulaishi yuwi Misiri'. ³⁵ Ayu Musa ambayi yamlemili Chipindi pavadetili yani kukugola kuva mtavala na mwamusi wetu. Aveli ndiyi ambayi Chapanga amlaishili ave mtavala na mbambosi Chapanga amtumili cha liwoku la makungu ambayi amfumbukilili Musa muchijaka. ³⁶ Musa avalongoshili kufuma Misiri baada ya kugola muujiza na chilangushilu katika Misiri na katika bahali ya shamu na katika jangwa kwa chipindi cha miyaka alobayini. ³⁷ Ni musa ayu ndiyi avaombilili vandu va Israeli kuva Chapanga davayinuli nabiyi kufuma miwongoni mwa valongu mwa valongu venu nabiyi kucha nenga'. ³⁸ Ayu ni mundu ambayi avelili katika makutanu mujagwa na makungu ambayi aywangili nayi katika mulima sinai ayu ndiyi mundu ambayi avelili na vatati vetu ayu ni mundu ambayi apokiyili chilongu livelili chinofu kupitila yufi. ³⁹ Ayu ni mundu ambayi vatati vetu valemili kumutii vamsukumulili kutali na katika mioyu yau yawalambukilili Misiri. ⁴⁰ Katika chipindi chila vamuombilili Haruni tugoleli mimbuyi dailongoshi ayu Musa yavelili akutulangasha kufuma katika mlima wa Misiri tukumanya ng'odu chimpatili.' ⁴¹ Ivyu vagolili ndama kwa siku izu na vafumishili litambika kwa iyu chinyagu na vakeduka kwa ujangi ya kasi ya mawoku vau. ⁴² Pambeli Chapanga avawalambulili na kuvapa vadadavili ndondwa ya muanga kucha paiyandikiwili muchitabu cha vanabii jje mujitolea nenga litambiku sa vanyama muvachinjili mujangwa kwa muda wa miyaka alobayini munyumba ya Israeli? ⁴³ Mukubali hema ya kutanila ya maleki na ndondwa ya Chapanga refani na picha muigolili na kuvadadavila veni:na danivaveyi kutali saidi ya Babeli.' ⁴⁴ Vatati vetu vavelili na hema ya kukutanila na ushuwuda mwanga kucha Chapanga paamulili paaywangili na Musa kucha angaigolili kwa mfanu wa ahuwonili . ⁴⁵ Ali ni hema ambalu tati vetu kwa chipindi chau vayeyiwili katika mulima na joshua ani yafumbukilili chipindi pavayingilili kumiliki tayifa ambalu Chapanga avadagidagili kabula ya uwepu wa vatati vetu ayi yavelili naa adi siku ya Daudi, ⁴⁶ ambayi apatili chibali va Chapanga na kaluva kusasaka kaya cha Chapanga na kaluva kusasaka kaya cha Chapanga wa Yakobi. ⁴⁷ Pambeli Selemani amjengiili nyumba Chapanga. ⁴⁸ Ata wula avelili kumbindi aikali mu nunmba sijengiliwi kwa mawoku ayi ni kucha nabii adetili, ⁴⁹ Mbingu ni chiti changu cha enzi na mlima ni sehemu ya kuvikila mawulu vangu. Nyumba ya ayina liki damjengewi akudeta Bambu au ni koti sehemu yangu ya kupumulila? ⁵⁰ Siyu liwoku langu ugolili afi fiindu fyonda?' ⁵¹ Enyi vandu veni veni ngulu ngumu mkosili kutahiliwa mioyu na majeji kila mala mkudumula mfuki ung'alili mukugola kucha vatati venu vagolili. ⁵² Ni nabii liki katika manabii ambayi vatati venu vamteshili ng'odu vavulaya vanabii vonda vafumbukilili kabula ya ujiu wa yumu mwenyi haki na ponopau kava vasaliti va vaulaaji vaki kandi, ⁵³ enyi vandu mpokiili sheria ile ilaishiwil na makungu mwaikamulili ng'odu." ⁵⁴ Kandi vajumbi va balasa pavapikinishili mambu ava vanyanyiwili mioyu yau vamsagila menu Stefanu. ⁵⁵ Pambeli weni paava kamema Mfuki mng'alili alilili mbingu kwa unofu na kuwaona ung'alili wa Chapanga na kumuwona Yesu kawoloka liwoku la kuumi la Chapanga. ⁵⁶ Stefano kadeta," Loli ng'ona mbingu sifuwuka na mwana wa Adamu kawoloka liwoku la kuumi la Chapanga." ⁵⁷ Pambeli vajumbi va balasa vakuvva umatu kwa sawuti ngomi vadiva vau vamtuvilila kwa pamu, ⁵⁸ vamdanga panji ya muji na vamdula miganga na masahayidi vawopusola nguwu sau sa panji na kuvika pabeyi na mawulu ya msongolyakemiwili Sauli. ⁵⁹ Pavaveli pavamtova miganga Stefanu ayendilili kumkema Bambu na kudeta," Bambu Yesu, pokeli ndima yangu," ⁶⁰ Kadula magoti nakukema kwa sawuti ngomi Bambuukoto kuvalanga sambi ayi." paadetili naa, kasova.