¹ Patufikishiwili nyanyi twamanyili kucha chisiwa chikukemewa Malta. ² Vandu venyeji wa pala si tu kucha vatupuli si tu kucha vatupili ukalimu wa kavaida vakwatili motu na kutulibushila la vonda kwa ujangi ya ndonya na lupepu ivelili ikusendelela. ³ Pambeli Paulo paavelili kukngasha musiwuya njila na kuvika mumotu, njoka mdokwa aveli na sumu kafuma mu sila njilu kwaujangi ya lila jotu na kainyenga muliwoku laki. ⁴ Vandu venyeji va pala pavawonili ng'ongolu akuning'inila kufum amuliwoku laki vaidetesha veni kwa veni mundu ayu akika ni muulaji ambayi katoloka mubabali pambeli aki ikumluusu ng'odu kuwishi." ⁵ Pambeli mweni kamudangila yula ng'ongolu mu motu na apatili ng'odu mazala yoyonda. ⁶ Veni vamdetili amemi kwa homa awu aponeki gafula nakusova pambeli baada ya kumlola kwa muda utangalili na vaona kucha kwaela jambu ambalu si la kawaida kwaki navalambulili mawazu vau na kuteta avelili Chapanga. ⁷ Basi maala pala pabeyi pavelili naalisi ambayu yavelili mali ya mkomi wa chisiwa mundu ambayi akemiwili Pablio atulibushilili na tukalimu kwa siku ndatu. ⁸ Yafumbukili kucha Tati wa Pablio akamuliwili na ho,a na wagojwa wa kuala na Paulu pamuendilili aluvili kavika mawoku kumbindi yaki na kumpomola. ⁹ Baada ya ali kufumbuka vandu vamonga pala pachisi wa vaveli vakutamika piya vayendili na kupomelwa. ¹⁰ Vandu vatueshimu kwa heshima sitangaliti patuvelili tukujiandaa kuwuka vatupili fila tudailili. ¹¹ Baada ya miesi mindatu twawukili mgati ya mbutuka ya Iskanda ambyi yavelili itonewa na lupepu pala pachisiwa ambayu fiwongosi vaki vavelili valongu vavili mapacha. ¹² Baada ya kuva tuitola mu muji wa Sirakusa, tulikala pali kwa siku ndatu. ¹³ Kufumila pala twavukili mu muji wa Regio. Baada ya siku yimu wupepu wa kusini wafumbukili ghafula na baada ya siku mbili tufika mu muji wa Putoli. ¹⁴ Aku twawawonili baaasi ya valongu na vatulibishiili kuikala nau kwa siku saba kwa njila ayi tuyisa Rumi. ¹⁵ Kufuma aku vala valongu, baada ya kuva vapikanishili milandu yetu vayisili kutupokela aku musoku la Apias na Hoteli tatu. Paulo pavawonili vala valongu amshukulili Chapanga kaivika ugangafu. ¹⁶ Patuyingiliuli Roma, Paulo aluusiwili kuyishi peki yaki pamu nayula machonda yavelili akundima. ¹⁷ Basi avelili baada ya siku ndatu Paulo avakemili pamu vala valuumi vavelili fiwongosi kati ya vayahudi pavayisili pamu na adetili kwau valongu pamu na kuchagola ng'odu kosa lolonda kwa vandu ava awu kugola kinyumi na wataratibu sa vatati vetu vatulongongulili nafumishiwili kucha mvanda kufuma Yerusalemu adi mu mawoku va Varumi. ¹⁸ Baada ya kung'ali vadailili kuneka ulu kwa ujangi kwavelili kwaela ujangi kwangu nenga na kusitayili asabu ya chifu. ¹⁹ Pambeli vayahudi pavaywangili kiyumi cha wuku shau nalazimikili kudumula lufaa kwa kaisaria japokuva yavelili ng'odu kana kucha nguyeya mashitaka kumbindi ya tayifa langu. ²⁰ Kwa sababu ya kulamula kwangu rufaa ivyu naluvili kuvawona na kukwanga na yumwi ni kwa ujangi ya chila ambachu Israeli kuna ugangamafu kwacho katatiwa n achifungu achi. ²¹ Kandi vamuwombela ," Tuwayi ng'odu kupokela baluwa kufua Yudea kukuwosi yuwi walakwahela mlongu ayisili na kufumisha taarifa au kudeta chilongu chochonda baya kuwusu yuwi. ²² Pambeli tukudaila kupikanisha kufuma kwaku ukwikola liki kuwusu ali lipinga la vandu ava kwa ujangi ikumanyika kwetui kucha naywangili kinyumi kila maala." ²³ Pavavelili vatenga siku kwsa ajili yaki vandu vatangalili zaidi vamuyisilili maala pavelili akuikala adetili lila jambu kwau na kushuwudiwa kuwusu wutwa wa Chapanga ayeshili kuvashawishi kuwusu Yesu, kwa namuna sonda mbili kufuma mu sheria ya Musana kufuma kwa manabii, kukandila pamilavila adi palumii. ²⁴ Baasi yau vavashawishilikuwusu mabu vala vadetiwili chipindi vamnga vawukumiwili ng'odu. ²⁵ Pavashwindili kujumila veni kwa veni vawukili baada ya Paulu kulideta jambu ali limu fuki ung'alili adetili," Nyanyi kupitila Isaya nabii kwa vatati vetu. ²⁶ Adetili,' Yendi kwa vandu ava udeti kwa majeji venu dampikanishi pambeli damuelewi gha na kwa mesu venu damuwoni pambeli damumanyi ng'odu. ²⁷ Kwa ajili ya mioyu ya vandu ava yiva zaifu majeji vau vapikanisha kwa taabu vagunya mesu vau ili kucha vakosa kumanya kwa mesu vau ili kucha vakosa kumanya kwa mesu vau na kuvapiikanisha kwamajeji vau na kumanya kwa mioyu yau n akuwalambuka kandi na nangavaponyili."' ²⁸ Kwa iyu mukutakiwa kumanya kucha awu wokofu wa Chapanga uyeyewa kwa vandu va matayifa na davapiukinishili." ( Zingatili mstari au " ²⁹ Chipindi pavelili vadeta ava Vayahudi vawukili pavawa na mashindanu kati yau kwaela mu nakala sa nyanyi ja pakwandi). ³⁰ Paulu aikalili mu nyumba yaki ya kupanga kwa miaka yisi mivili, na avalibushiili vonda vayikasili kwaki. ³¹ Avelili paubiri wutwa wa Chapanga na avelili pa vavwula mabu juwu ya Bambu Yesu Kilistu kwa ungangafu wobnda. Kwaela yamkanilili.