¹ Ivyu Agripa kamuwombela Paulo ukujumilwa kuyiteteya ndipu paulu kanyosha liwoku laki kaitetela naa. " ² Nguyiwona mwenyi furaha mfalumi Agripa ili kugola kesi yangu kuulongolu yaku nalelu zidi ya mashitaka vonda ya vayahudi ³ Asa kwa ujangi yiuwi ni mtaaluma wa desituli ja Vayahudi na dashilu ivyu nguluva umbikanishi kwa uvumilifu, ⁴ Nakaka, Vayahudi vonda vakumanya jinsi ngishili tangui usongolu wangu mu tayifa langu aku Yerusalemu. ⁵ Vakumanya tangu mwanzu na vakutakiwa kujumila kucha aikalili kucha Mafarisayu, sehebu lenyomsimu mukali mu dini yetu. ⁶ Ponopau ng'oloka apa ng'ukumiwi kwa ujangi nenga ngulilola ahadi ambayu Chapanga agolili na vatati vetu. ⁷ Ayi ni ahadi ambayu makabila vetu kumi na viwili vakutumaini kupokela kucha pavamuabudu Chapanga kwa bidiyi pamii na pamusi ni kwa ajili ya tumayini ali mfalumi Agripa kucha Vayahudi vakushitaki. ⁸ Kwa liki yoyonda kati yenu akuiwola ni ajabu kucha Chapanga akufufuwa mwafu? ⁹ Chipindi yumu ayiwonili mweni kucha ngogolili mabu vatangaliti zidi ya litava la Yesu wa Nasaleti. ¹⁰ Nagolili afi katika Yerusalemu navawoili vaamini vatangaliti mulitatu navelili na mamulaka kufumisha kwa vakomi va makuvani kugola wula na chpindi vakuulayiwiya nakuvili kula zidi yau. ¹¹ Mala sitangalili navaazibuli mumasinagivonda na nayeshili kuvagola vaikani lujumilwa lyau navelili na Asila sana juwu yau na navadagidagili ata katika muji wa uhenja. ¹² Chipindi pamelili ngugola ava ayendili Dameski panduva na mamulaka na naishilu kufuma kwa makuvani vakomi; ¹³ Panduvesi munjila chipindi cha pamusi mfalu,i nawonili mwali kufuma kumbindi uvelili mukali kupita lijuva na wang'alili kwa kutushengeta nenga na vandu vavelili tukuwoka pamu nanenga. ¹⁴ Yufi tavonda patuponikili pasi napikanishili sawuti paiywanga na nenga paideta mu luwa ya Kiebrania: Sauli, Sauli! kwa liki ukundesa? Ni figumu kwaku kuudula leki mchokou. ¹⁵ Ndipu deta ,' Yuwi ni yani Bambu kayangula nenga ni Yesu ambayi ungundesha. ¹⁶ Ponopau tandamuki uwoloki kwa mawulu waku ujangi kwa lukani ili nega ng'oneka kwa yuwiNikutewuwa kuva ndumindumi na shayidi juwu ya mambu ambayu ukumanya kuwusu nenga ponopau na mambu danikulangushi baadayi; ¹⁷ na danikuwokowi kufumakwa vandu va matayifa ambapu ngulaisha, ¹⁸ kufuwula mesu vau nakuvafumisha mulwisa kuyenda mu mwanga na kufuma mu ngufu za lijanga vandu vamualambukili Chapanga ili vapati kupokela kwa sambi na kuala ambau nivapa vala ivatengili kwa lujumilwa iliyu kwangu. ¹⁹ Ivyu mfalumi Agripa muweshili ng'odu kuwasi mawonu ya kumbindi, ²⁰ pambeli kwa vala vavelili katika Dameski kwaaa na kandi Yerusalemu na mlima wonda wa Yudea, na piya kwa vandu va matayifa vamonga naubilili kucha valuungami n akumuwalambukila Chapanga vagoli matendu yivasitahili kuwungama. ²¹ Kwa ujangi awu vayahudi vangambili munyumba ya Chapanga vakayeshili kung'ulaya. ²² Chapanga kandanglila mbaka ponopawu ivyu nguwoloka na kuwashuwudiya kwa vandu va kavayida na kwa vala vakomi juwu ya vala ambau vanabii na Musa vadetili vafumbika na si vinginevyu, ²³ kucha Kilistu lasima dateshiwi na daavi wa kwaaa kushushuka kufuma chifu na kutangasa mwanga kwa Vayahudi na vandu va matayifa. ²⁴ Paulu pamalishili kujiteteya Festu kadetili kwa awuti ngomi,' Paulu, yuwi ni msisihi masomu vaki vakugola kuva msisihi. ²⁵ Lakini Paulu kadeta, nenga si msisihi, muheshuwa Festo; pambeli kwa ugangamafuakudeta filongu fya nakak weka. ²⁶ Kwa kuva mfalumi akumanya mambu ava na ivyu nguywanga kwa uwulu kwaki kwa maana nina akika kucha kwaela lolonda lifisiwili kwaki kw kuva ayi ajigolili mmbalimbali. ²⁷ Je ukujimila vanabii mfalumi Agripa? Ngumanya kucha ukujumila.' ²⁸ Agripa kamuwombela Paulu kwa muda mufupi kuwesha ngunzanili nenga nakugola Mkristo? ²⁹ Paulokadeta," Ngumluva Chapanga kucha kwa muda mufupi au matali si yuwi tu bali piya vonda vambikanisha na lelu vawi kucha nenga pambeli ayi minyonyolu ya litatiwu." ³⁰ Ndipu mfalumi awolokili na liwali na Bernike piya na vala vavelili vaikala pamu nau, ³¹ Pavaukili mawukumbi vaywangili veni kwa veni na kudeta,' Mundu ayu akutakiwa chifu ngodu wala chifungu.' ³² Agripa kavawombela Festu mundu ayu anguweshili kutekewa ulu kucha angosikili kudumula lufani kwa Kaisari."