¹ Kwavelili na mundu fulani katika muji wa Kaisaria litava laki akemiliwi Kolneio, avelilili akemiliwili Kornelio avelili mkomi wa chikosi cha Kiitalia. ² Avelili mucha mungu na amuabudili Chapanga na nyumba yaki yonda afumishili mbiya ngomi kwa Vayahudi na aluvili kwa Chapanga siku sonda. ³ Muda wa saa tisa sa pamusi kawona mawoni makungu va Chapanga akuyisa kwaki. Makungu kamuwombela" Kornelio! ⁴ Kornelio kamlola makungu na avelili na wafu ngomi sana na kudeta" Ayi ni liki mkomi makungu?" Makungu kamuwombela," Mwombi vaku na sawadi zaku kwa vamasikini ukuela kucha kumbukumbu mu liyeya kwa Chapanga." ⁵ Ponopa tumi vandu kuyenda muji wa Yafa kkumuyeya mundu yumu akemewa Simoni ambayi na ukemewa Petro. ⁶ Akuikala na mgolayi wa mikimba yakemewa Simoni amlayi nyumbayaki yiwa mbambali ya bahali." ⁷ Baada ya makungu yaveliliakudeta nayi kuwulka Kornelio kavakema vandumindumi va nyumba yakivavili na machonda yavelili pamdadavila Chapanga kati ya vamachonda vavelili vakutumika. ⁸ Kornelio avawombilili vonda vafumbikilili na kuvalaisha Yafa. ⁹ Siku ifatilimuda wa saa sita pavawa njila na vakalibiya kumbwani Petro kakwela kumbindi kudali kuluva. ¹⁰ Na kandi kava na njala na aitajil chindu cha kulya pambeli chipindi vandu vakuteleka filivi kalangushiwa mawonu, ¹¹ kawona anga lifuwuka nachambu chisunuka na chindu fulani kucha nguwu ngomi isunuka pasi mu uganga katika kona saki sonda mchechi. ¹² Mgati yaki kwavelili na aina sonda sa vanyamaveni mawulu mchechi na vakuluuka kumbindi ya uganga na mbongu va angani. ¹³ Kandi sawuti ideta kwaki" Tandamuki Petro yinji na wuli." ¹⁴ Pambeli sawuti kayisa kwaki kandi kwa mala ya pili chaachitakasili Chapanga ukoto kukema najisi na chichafu. ¹⁵ Pambelu chaachitakasili Chapanga ukoto kukema najisi wala chichafu." ¹⁶ Ayi yafumbukilili mala ya tatu n achila chombu chivatolewa kandi angani. ¹⁷ N achipindi Petro paava katika ali ya kutingwa juwu ya vala mawunu vakumaanisha liki , Loli , vandu vavelili valaishila na Kornelio vawoloka kuulongolu ya mlyangu pavadasha njila ya kuyenda munyumba. ¹⁸ Navakema na kudasha kucha Simoni amayi akemewa Petro kucha avelilu akuikala pala. ¹⁹ Chpindi wula Petro paaveyi akuiwola juwu ya vala mawonu ndima kadeta nayi," Loli vandu vatatu vakukusasaka. ²⁰ Tandamuki na usunuki pasi na uyendi nau ukoto kutila kuyenda nau kwa ujangi nivalaisha." ²¹ Petro kasunuka kwau na kudeta," Nenga ni yula mumusasaka, kwa liki muyisa?" ²² Vadeta ," Akida yumu litava laki Kornelio mundu wa aki na udaila kumwabudu Chapanga n avandu umudeta nyanyi kayika tayifa londa la kiyahudi kawombelekwa na makungu wa Chapanga kukulaisha ili uyendi munyumba yaki ili apikanili lulailai kukuma kwaku." ²³ Petro kavakaribisha kuyingila mgati na kuikala pamu nayi. Pamalavila ifwatiili kuyimuka kayenda pamu nau na valongu chidogu kufuma Yafa vaambatana nayi. ²⁴ Siku ifwatili vayisili Kaisaria. Na Kornelio avelili pavetela na avelili kavakema pamu valongu vaki na vaanja baki va pabei. ²⁵ Chipindi Petro paayingila mgati Kornelio kamkumbatila na kuyinama adi pasi ya mawulu vaki kwa luhunja. ²⁶ Lakini Petro na kudeta," Woloki nenga nayi ni mundu." ²⁷ Chpindi Petro paava akywanga nayi kuyenda mgati kavakuta vandu vaikungasa pamu, ²⁸ Kavawombela," Yumwi mwaveni mukumanya kuva siyu sheria ya kiyahukuitangasa na kuyeyendewa na mundu ambayi si wa tayifa ali pambeli Chapanga kanangusha nenga kuva ngapaswa gha kumkema mundu yoyonda ni najisi au mchafu. ²⁹ Na ndiyu maana nyisa bial kupinga panaishiili kwa ajili ya ayo kwa iyu nivadashi kwa liki mwalaishiwili kwa ajili yangu." ³⁰ Kornelio kadeta," Siku mchechi sipitili chipindi kucha achi na velili nguluva muda wa saa tisa pamusi mgati ya nyumba yangu ng'ona kuulongolu yangu mundu kawoloka paava na nyingwa nyeupi, ³¹ Kang'ombela Kornelio mawombi vaku vapikinishwa na Chapanga na sawadi saku kwa vamasikini siwa ukumbushu kuulongolu ya Chapanga. ³² Kwa iyu mlaishi mundu Yfa na akamkemi mundu yumu yakemewa Simoni yisi kwaku umbayi kandi ukemewa Petru ambayi akuikala kwa migolagi mikimba yumu Simoni ambayi nyumba yaki yiwa mbambali ya bahali. ³³ Zingatili msati awu nayi paayisa daadeti na yumwi kwaela mumamumayandiku va kali. ³⁴ Ndipu Petro kafuula mlomu waki na kudeta nakaka jumila kuva Chapanga akuwesha gha kuva na upendileu. ³⁵ Badala yaki kila tayifa mundu yoyonda yanwadu na kugola matendu yaki ukujumika kwaki. ³⁶ Ukumanya ulailai ufumishilili kwa vandu va Israeli paavelili akutangasa habari njema ya kujumilwa kupitila Yesu Kilistu ambayi ni Bambu wa vonda- ³⁷ yumwi mwaveni mukumanya tukiu lifumbukili ambalu lifumbuka Yudea yonda na lukandili Galilaya baada ya ubatishu ambau Yohana atangazili. ³⁸ Tukiu livelili limuwusu Yesu Kilistu njinsi Chapanga paamvikili mafuta kwa mfuki ung'alili kwa ngufu.Ayendili paagola mema na kuvapomela vonda vayeshiwili n alichanga vandu kwa kuva Chapanga avelili pamu nayi. ³⁹ Yufina mashahidi va mambu vonda yaagolili katika mlima wa vayahudi na katika Yerusalemu ayu ni Yesu vamuulaili na kumtumbika mulibiki. ⁴⁰ Ayu mundu Chapanga amfufuwili siku ya ndatu na kumupa kumanyika ha, ⁴¹ si kwa vandu vonda pambeli kwa mashahidi vasshuuliwili kabula ya Chapanga yufi taveni tuvelili tukulya nayi na kulanda nayi baada ya kushushuka kufuma kwa mwafu. ⁴² Katulaisha kuwubili kwa vandu na kushuwudia kuva ayu ndiyi ambayu Chapanga amshaulili kuva mwamusi wa vaveni hai na vasovili. ⁴³ Katika mweni vanabii vonda vashuhudiili ili kuvha kikla yajumila katika mweni daapokeli msamaha wa sambi kupitila litava laki." ⁴⁴ Chipindi Petro paayendelela kudeta ava, Mfuki ung'alili kvamemesha vonda vavelili pavapikanisha lulailai lyaki. ⁴⁵ Vandu vala vawusika na lipinga cha waumini vateuliwi vala vonda vayisili Petru vaikanganikili kwa ujangi wa kalama ya mfuki ung'alili yamwailiwili piya kwa vamatayifa. ⁴⁶ Kwa kuva vapikinishili ava matayifa vakuywanga kwa luwa simonga na kumwabudu Chapanga Petro kuyangula, " ⁴⁷ Kuna mundu yoyonda akuwesha kukanisha machi ili vandu vakoto kubatshiwa vandu ava maupokela mfuki Ung'alili kucha yufi?" ⁴⁸ Ndipu kavaamuru vanatishiwi kwa litava la Yesu Kilistu baadayi vamluva vaikali nayi kwa siku kazaa.