¹ Manabii va uwongu vafumili kwa vaislaeli, na valimu va uwongu davayisi na kwa yumwi.Kwa sili davayeyi mafundishu va uwongu na davamkani Tati avayemilili.Vakuiyeyela uhalibifu wa halaka juu yau veni. ² Vamonga davafati njila sau sa soni na kupitila veni davakufulu njila ya ukweli. ³ Kwa uchoyu davayongi vandu pavatumia filongu fya uwongu, hukumu yau daichelewi ng'odu,uhalibifu da uvafati. ⁴ Maana Chapanga kamuleka ng'odu malaika vaveli chigeugeu. Bali kavadanga kusimu ili vawopewi mnyololo mpaka hukumu paivayisila. ⁵ Wala Chapanga kauvumilila ng'odu mlima wa pakwandi. Bali, amuhifadhili Nuhu, avili na lukemi lya haki, pamu na vamonga saba, wakati palekishilili ghalika kumbindi ya mlima uvelili uasi. ⁶ Chapanga ahukumili miji ya Sodoma na Gomola kiasi cha kuva mulifu na uhalibifu ili yivi mfanu kwaajili ya vaofu katika siku sa kuwushu. ⁷ Lakini paagolili ali,kamuokoa Lutu mundu wa haki, aveli kauzunishwa na tabia chafu sa vangajila kufata shelia sa Chapanga. ⁸ Kwakuwa ayu mundu wa haki, aishili navu lijuva kwa lijuva paitesha nafsi yaki kwaajili ya fila fyaapikinishili na kufiwona. ⁹ Kwa nongwa ayi Bambu daamanyi jinsi ya kuvaloghola vandu vaki wakati wa matesu na jinsi ya kuvavumilia vaovu kwa nongwa ya hukumu katika lijuva la mwishu. ¹⁰ Kwa hakika au ndo ukweli wa vala vayendelela kuishi katika tamaa sa mvili au na kupuusa mamulaka. Vandu va jinsi ayi v ana ujasili katika zamila sau, vakutila ng'odu kuvakufulu vatukufu. ¹¹ Ingawa makungu vana uwezu na liwovi kuliku vanadamu, lakini vakuwesha ng'odu kuyeya hukumu zidi yau kwa Bambu. ¹² Lakini ava vang'ongolu vangajila luhala vagolewa kwa njila ya kukamuliwa na kumalishiwa. ¹³ Vakugoboleka kwa njila ya mahofu vau.Pamusi kutwa kuishi kwa anasa. Vamema uchafu na maovu. Vakusekelela anasa sa uwongu pavashelekea na yuwi. ¹⁴ Mesu vau vagubikwa na uzinzi, vakutosheka ng'odu kugola sambi. Vakuvabedala na kuvawisha vaumini vachanga katika sambi. Vana moyu umemili tamaa, ni vana valaniwili. ¹⁵ Vaileka njila ya ukweli. Vapotoka na vaifata njila ya Balaam mwana wa Beori yaadailili kupata malipu va uzalimu. ¹⁶ Lakini akemiwili kwaaajili ya ukosaji waki. Kwanda yaveli bubu paywanga katika lishu lya binadamu, akanili wasimu wa nabii. ¹⁷ Vandu ava kucha chemu chemu sikosili machi. Kucha mafundi vapepelushwa na liyeya. Lifundi lisitulivikiwa kwaajili yau. ¹⁸ Ukuywanga kwa kuifuna ghela. Ukuvawisha vandu kwa tamaa ya muvili. Ukuvabedala vandu vavayesha kutuva, vala vaikala katika ukosefu. ¹⁹ Vakuvaahidi vandu uhulu wakati veni ni vavanda va sambi ya ufisadi maana mwanadamu hugola kuva mvanda wa chila chimutawala. ²⁰ Mweni yuvafumili vifyiwa mlima kwakumu manyi Bambu namlowu la Yesu kilistu pambeli vajumila kutavaliwa na kulungoshiwqa kandi na kuyi ghamili na ngalilu yawu dayivi ya wafu pitu pukwandi. ²¹ Yinga velili ngaba kwa veni kucha vanga yimanyili ng'oalu deha ayi ya uloleki kuyaghamisha makuwa va ng'alili yiva yungili. ²² Ng'ombeli ayi ikuva na nakakayuwugalu akulyaghan fila fyahukikwili mweni ngubi ya wofughiwili kala akughalafuka kandi mumitika."