¹ Akabhalilo ako ingabhabhana abhandumi folo abhwimite pakati palubhwafu folo isha chisu, ichikungu manye chighendaghe pamwanya pachisu, pamu pamwanya palusoko, pamu pamwanya pamkokwe ghwoshi ghula. ² Ingamubhwona ughwandumi, umunine akukwela ukufuma pase pisubha, ali ni nembo ijya Chala jyujho muumii, akapwata kushu ikuluu bhala abhandumi foolo bhanhwo bhakabhapa ukukomana ichisu nulusoko: ³ ''Akatii manye mubhafujhaghe ichisu ni nyanja pamu imikokwe, ukufika linga twabhakoma inembo abhabhwombi abha Chaala ghwitu pamwanya pa chenii chabhwo.'' ⁴ Ingapulika ukubhwelenga kwabhwo bhabhwo bhabhakomite ineembo pakati poshi pa bhachikolo icha Bhaizilaeli, abhandu imiajhimo na malongo folo na tufoolo abhwo elufu. ⁵ Ichikolo icha Yuda kalongo na tubhili elufu bhabho bhali ni nembo abhachikolo icha Reubeni kalongo na tubhili abho elufu. ⁶ Abhachikolo icha Asheri kalongo na tubhilielufu abha chikolo icha Naftali kalongo na tubhili abho elufu abha chikolo icha manase kalongo na tubhili elufu. ⁷ Abha chikolo icha Simeoni kalongo na tubhili abho elufu abhachikolo icha Lawi, kalongo na tubhili abhwo elufu abha chikolo icha Isakali kolongo na tubhili abhwo elufu abha chikolo icha Zaburoni kalongo na tubhili abhwo elufu abha chikolo icha Yusufu kolongo na tubhili abhwo elufu. ⁸ Abha chikolo icha Benyamini kalongo na tubhili abhwo elufu, bhahwo bhali ni neembo. ⁹ Akabhalilo kakwo ingatesha, ingashibhwana ulukomano ulukulu ingani lulyo najhuma umundu jujyo abhaghile ukubhelenga, abhnadu abha luko nabha vikolo nabha palamani na njugha bhwimite kundashi kuchitengu icha bhwutwa na oandashi pa mwana kondoo, ¹⁰ Bhafwalite mmende mmelu, bhali ni misasu ijha mitende mtukono twabhwo, bhakwila kwishu ikulu bhwakati ubhupoku bhuli nu Chaala ghwitu, ikile pakati pachitengu icha bhutwa nu mwana kondoo!'' ¹¹ Nabhandumi bhwoshi bhakabha bhakwima palubhwafu ulwa chitengu icha bhwumi, nabhwo abhwosongo, nabhwabhwa bhali panandi pandashi pachitengu chila panandi panandi pandashi pachitengu chila icha bhutwa, bhakamwiputa Uchaala, ¹² bhakati naloli ulusako nu kumiwmika nu kwijhisha nu kupalisha ni mbuliko nukwijhula na makaa shili nu Chala ghwitu bhwila na bhwila, naloli!'' ¹³ Akamula jhumo ghwala abhwosongo akaambula bhule abhandu abha bhafwalite imyenda imyelu bhwoni bhwo? Sona bhafumite kughuu? ¹⁴ Ingamubhula, ubhabha ghwangu umenye ughwe akambula akati abhwo bhwobhwo bhakufuma pakati pabhutolye bhula bhukulu, bhwopo bhasukite imyenda jhabho nu kubha mmyelu pakati pi bhanda ilya mwana kondoo. ¹⁵ Po ulyo bhali kundashi kuchitengu ichabhutwa icha Chaala bhwope bhakumubho mbela pamusi na pabhushiku pakati pachighemu chake umwene jhujhu akwikala pachitengu icha bhuutwa, akwifunika ihema pamwanya jhake. ¹⁶ Bhatakajhibhwene isaala sona, pamubhatabha chibhwene ichumilya sona pamu isubha talikabhakome sona. ¹⁷ Papo ujho Umwana kondoo jhujho ikile pakati pachitengu icha bhutwa, akubhalisha sona akubhalangisha kukashima akamishi agha bhumi, nu Chala atiakabhapupule amashoshi, ghwoshi pakati pamaso ghwabhwo.''